Өмнөд Солонгос бүсгүйчүүд яагаад хүүхэдтэй болохыг хүсэхгүй байна вэ

Өмнөд Солонгост бүсгүйчүүд нөхөрт гарахгүй, хүүхэд төрүүлэхгүй, дотно харьцаанд орохгүй байх нь ихсэх болжээ. Энэ үзэгдлийг бүр “Сампогийн үе” гэж нэрлэдэг болсон байна

Орос бүсгүйчүүдийг хэрхэн найрахыг зөвлөсөн гарын авлага шуугиан тарьжээ

 ДАШТ-2018-д зориулсан нэгэн гарын авлага Аргентинд ихээхэн дуулиан шуугиан тариад байна. Үндэсний хөл бөмбөгийн холбооноос тараасан тус гарын авлага дотор орос эмэгтэйчүүдийг найрах агуулга бүхий зөвлөмжүүд багтаж байсан аж

Ватиканыг хамгаалдаг цэргүүдэд зориулсан хуванцар малгайг 3D хэвлэгч дээр хийжээ

Ромын Папыг хамгаалдаг Швейцарийн гвардын цэргүүдэд зориулан 3D хэвлэгч дээр хийсэн хуванцар дуулга малгайг Ватиканд олон нийтэд үзүүлсэн тухай  Daily Mail сонинд бичжээ. Ням гарагт Ариун Сахиусан тэнгэрийн харшид болсон шинэ цэргүүдийн тангараг өргөх ёслолын үеэр төмөр дуулгыг тун удахгүй орлох уг шинэ малгайг үзүүлсэн байна. Шинэ дуулганы давуу талууд гэвэл хөнгөхөн бөгөөд удаан хугацаагаар өмсөхөд  тохиромжтой байдал юм. Дуулгыг хийсэн материал нь хэт ягаан туяанд тэсвэртэй ба халах нь бага аж

Гэрэл зураг дээр инээмсэглэж гарсан хүмүүс илүү хөгшин харагддаг

Гэрэл зураг дээр инээмсэглэн гарсан хүмүүс нь буурьтай төлөв царайтай гарсан хүмүүстэй харьцуулахад илүү хөгшин харагддаг гэнэ. Ийм дүгнэлтийг Канад, Израилийн эрдэмтэд хийснийг Times сонинд нийтэлжээ. Судлаачид 40 хүнээс бүрдэх бүлгийнхэнд хандан, зарим нь инээж, зарим нь инээхгүй байгаа 35 эрэгтэй, 35 эмэгтэй хүний насыг гэрэл зургаар нь тодорхойлох санал тавьсан байна. Туршилтын дүн гарахад, инээж буй хүмүүсийн насыг нэг жилээр илүү хөгшрүүлж таасан аж

Таж-Махалын өнгө хувирсаар байна

Алдарт Таж-Махал бунхны өнгө хувирч байгааг зогсоох, энэ асуудлыг шийдвэрлэхийн тулд гадаад улс орнуудаас тусламж хүсэхийг Энэтхэгийн Дээд шүүх Засгийн газартаа үүрэг болгосон тухай “Би-Би-Си” телевиз мэдээлэв.XVII зууны үед цагаан гантиг чулуу болон бусад материалаар барьсан алдарт Таж-Махалын өнгө нь шар болж хувираад байсан бол одоо бор ногоон болж байгаа гэнэ.Янз бүрийн бохирдол, үйлдвэрүүдийн утаа, бунхны зэргэлдээ орших бохирдсон Ямуна голын усанд суусан шавьжнууд ханан дээр нь очиж сууддаг зэрэг нь Таж-Махал бунхны өнгө хувирахад нөлөөлж байна гэж мэргэжилтүүд үзэж байгаа аж. Тус улсын Засгийн газар энэ бунхны ойролцоох хэдэн мянган үйлдвэрийг өмнө нь хаасан юм

Хятадад "үлэмж биет" шумуулыг илрүүлжээ

 Дэлгэсэн далавчны хэмжээ нь 11,15 см-т хүрдэг асар том шумуулыг Хятадын баруун өмнөд нутагт олж илрүүлсэн тухай "South China Morning Post" сонинд бичжээ. “Үлэмж биет” уг шумуулыг Хятадын шавьж судлаач Жао Ли гэдэг хүн Сычуань мужид өнгөрсөн оны 8 дугаар сард олжээ. Өнгөрсөн хугацаанд тэрбээр уг шумуулыг дэлхий дээрх хамгийн том шумуул мөн гэдгийг батлахын тулд нарийвчлан судалсан байна

Хоёр үлэг гүрвэлийн чулуужсан араг яс 3.4 сая ам.долларын үнэд хүрчээ

Юрийн галвын сүүлч үе буюу одоогоос 150 сая жилийн тэртээд хамаарах хоёр үлэг гүрвэлийн чулуужсан араг яс Францын нийслэл Парис хотод саяхан болсон дуудлага худалдаагаар 2.8 сая евро буюу 3.4 сая ам.долларын үнэд хүрчээ.“Эн-Эйч-Кэй” телевизийн мэдээлснээр, 12 метр урт диплодок үлэг гүрвэл, 3.8 метр урт аллозавр үлэг гүрвэлийн чулуужсан араг ясыг энэ долоо хоногийн лхагва гарагт дуудлагаар худалдсан байна.Аллозаврын араг ясны 40 орчим хувь нь олдоогүй ч холбогдох албаны хүмүүс зургаан сар орчим ажилласны дүнд үүнийг сэргээн засварлаж, бүрэн бүтэн болгожээ.Дуудлага худалдааг зохион байгуулагчид хэлэхдээ “Энэ хоёр үлэг гүрвэлийн чулуужсан яс бодсоноос өндөр үнэд хүрлээ.  Бид 1.4 сая ам.долларын үнэд хүрнэ гэж тооцоолж байсан” гэжээ. Эдгээрийг хэн худалдан авсан нь хараахан тодорхойгүй байна.Гэхдээ эх сурвалжийн мэдээлснээр, үлэг гүрвэлийн чулуужсан яснуудыг Европ болон АНУ-ын музейнууд голдуу худалдан авдаг аж