Г.Занданшатар: Хөгжлийн банкнаас зээл авсан үндэсний үйлдвэрлэгчдийг буруу аргаар зээл авсан хүмүүсээс ялгаж салгах ёстой

Монгол Улсын Их Хурлын 2022 оны хаврын ээлжит чуулган өнөөдөр (2022.03.15) 10 цаг 05 минутад гишүүдийн 80,1 хувийн ирцтэйгээр эхэллээ.

   УИХ-ын дарга Г.Занданшатар чуулганы нээлтэд хэлсэн үгэндээ "Хөгжлийн банкны зээл Монгол Улсын эдийн засагт, хөгжилд өгөөжөө өгсөн байх учиртай бүрэн бүтэн эргэж төвлөрөх ёстой. Үүний төлөө Улсын Их Хурал ажиллах болно. Зээлээ зориулалтын дагуу ашиглаж, зээл, хүүгийн төлбөрөө зохих журмын дагуу төлж байгаа, цар тахлын нөлөө, макро эдийн засгийн алдаатай зарим шийдвэрийн улмаас буюу хүндэтгэн үзэх шалтгаанаар төлбөр нь саатсан ч төлбөрийн баталгаа гарган ажиллаж байгаа баялаг бүтээгчид, үндэсний үйлдвэрлэгчдийг буруу аргаар зээл авсан, түүнийгээ зориулалтын бусаар ашигласан, зээлээ төлөхөөс бултаж, зугтаж яваа хүмүүсээс ялгаж салгаж хандах ёстой" гэдгийг онцлон хэлсэн юм.