Шилэн Цогоо: Б.Лхагвасүрэнд Монголбанкны шилэн дансыг байршуулж хөтлөх үүрэг өгч байна

Шилэн Цогоо буюу Б.Цогтгэрэл өөрийн цахим хуудсаараа дамжуулан Монгол банкны Ерөнхийлөгч Б.Лхагвасүрэнд Shilendans.gov.mn сайтад Монголбанкны шилэн дансыг байршуулж хөтлөх 7 хоногийн хугацаатай үүрэг өгч байгаагаа бичжээ. 

 

Тэрбээр энэ талаар "МонголБанкны Шилэн данс гэж нэг ийм зүйл бий. КТМС-ын 2-р курсын пацаан ч ийм хачин балай source бичихгүйдээ.

 

Юуны түрүүнд Монгол банк эхний ээлжинд Shilendans.gov.mn сайтад стандартын дагуу Шилэн дансаа хөтлөхийг анхааруулж 7 хоногийн хугацаатай үүрэг өгч байна. Учир нь Shilendans.gov.mn сайтад байх Монголбанк гэх лого бүхий цэс дээр дарахад Шилэн дансны тухай хууль, түүнийг дагаж мөрдөх журмын дагуу нийт 12 үзүүлэлтээр хөтлөх ёстой Шилэн дансны ерөнхий цэсрүү ордоггүй бөгөөд шууд Монгол банкны https://mongolbank.mn/shilendans.aspx?id=12&TID=1&GID=2

цэсрүү орж байна.

 

Иймд Шилэн дансыг Монгол банк хууль, журмын дагуу хөтлөхыг шаардаж байна. Хэрэв уг байдлаа засахгүй бол Монгол Улсын Ерөнхийлөгчийн 88-р зарлигийн дагуу АТГ болон Монгол Улсын Ерөнхий Прокурорт хандахыг анхааруулж байна. 

 

Миний танил, найз нөхөд Монголбанкинд дэд ерөнхийлөгчөөсөө өгсүүлээд газар, хэлтэс, албад бүх шатанд нь ажиллаж байгаа бөгөөд сайн санхүүгийн ажилтнууд, сайн хуульчид байдаг. Хууль гэж юу байдаг талаар заавал надаар заалгаад байхгүй гэдэгт итгэж найдаж байна." гэжээ.