Үхрийн цул мах 12.000-14.500 төгрөгийн үнэтэй байна

      “Малчин лавлах-109” мэдээллийн төвийн мэдээллээр нийслэлийн худалдааны “Хүчит шонхор-Дэнжийн 1000” захад өнгөрсөн 7 хоногт ямааны мах малчдаас авах үнэ кг нь 5500-6500 төгрөг, жижиглэнгийн буюу лангуун дээрх үнэ ястай нь 7500-8000, цул нь 9000 төгрөгийн үнэтэй байна. Хонины мах бөөний үнэ нь 7000-8300 төгрөг, жижиглэнгийн үнээр 8500-10.500 төгрөг байна. Үхрийн мах бөөний үнээр 8000-10.200 төгрөг, жижиглэнгээр ястай нь 10.000-12.000 төгрөг, цул нь 12.000-14.500 төгрөг байна. Адууны мах бөөний үнэ нь 5000-6700 төгрөг, жижиглэнгээр 9500 төгрөг байна.

Нийслэлийн түүхий эдийн “Эмээлт” захад ямааны арьс 35.000-42.000 төгрөг, ноолуур 80.000 төгрөг, ноос 1500-2000 төгрөг, нэхий өлөнтэйгөө 5000 төгрөг, үхрийн шир 6000 төгрөг, том шир 10.000 төгрөг, адууны шир сүүлтэйгээ 7000 төгрөг, дэл кг нь 5000 төгрөг, сүүл ширхэг нь 7000 төгрөг, цагаан шир 40.000 төгрөг, бухын шир 12.000 төгрөг, сүүлтэйгээ мөн 12.000 төгрөгийн үнэ ханштай байна.