ЭМЯ: 2,068 хүн халдвар авч, 17 иргэн нас баржээ

Эрүүл мэндийн яам өнөөдрийн мэдээллээ хийлээ. Улсын хэмжээнд сүүлийн 24 цагийн хугацаанд зөвхөн PCR шинжилгээ өгсөн иргэдийн 2,068-д коронавирусийн халдвар батлагджээ.

Ингэснээр нийт бүртгэгдсэн тохиолдол 325,390 болж нэмэгдэв.

Шинээр илэрсэн тохиолдлууд бүгд дотоодын халдвар бөгөөд

• 1,267 нь Улаанбаатар хотод,
• 801 нь орон нутагт бүртгэгдсэн байна.

Мөн хугацаанд 7,722 иргэн эдгэрч, эмнэлгийн болон гэрийн ажиглалтаас гарчээ.

Харин коронавируст халдварын улмаас 21-80 гаруй насны 17 хүн нас барсан харамсалтай мэдээлэл байна.

Өнөөдрийн байдлаар COVID-19 халдварын улмаас нийтдээ 1,363 хүн эндээд байна. Талийгаачдын гэр бүл, төрөл төрөгсдөд гүн эмгэнэл илэрхийлье.

Одоогоор коронавируст халдварын улмаас улсын хэмжээнд 20,885 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 62,517 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 11,449
• Хүндэвтэр- 6,489
• Хүнд – 2,613
• Маш хүнд – 334 хүн байна.