Шуурхай мэдээ:
179898-179902-180005

Худалдаа, үйлчилгээний салбарт НОГООН ГЭРЭЛ аслаа

12-р сарын 22 - 18 цаг 38 минут

Цар тахлаас үүдэлтэйгээр үйлдвэрлэл, үйлчилгээ, худалдааны салбарынхан бүтэн хоёр жилийг хүндхэн байдалд үдсэн. Захын худалдааны төв, баар, зоогийн газарт ороод тэдэнд тохиолдсон бэрхшээлийг мэдрэх боломжтой бөгөөд зүйрлэвэл тэд гарцан дээр улаан гэрэлтэй учирсан мэт санагдана. “Ковид-19”-өөс болж, байнгын улаан гэрэл асаастай байсан худалдаа, үйлчилгээний салбарт ковидын гурав дахь оны босгон дээр ашгүй нэг гэрэл солигдлоо. Он дуустал шар гэрэл асах бөгөөд шинэ оны анхны өдрөөс эхлэн нийслэл Улаанбаатар хотын худалдаа,  үйлчилгээний салбарт НОГООН ГЭРЭЛ асна. Нийтдээ 74 төрлийн худалдаа, үйлчилгээг ЗӨВШӨӨРӨЛ гэх чөдөр тушаанаас салгах зоримог шийдвэрийг Нийслэлийн Засаг дарга бөгөөд Улаанбаатар хотын Захирагч Д.Сумъяабазар болон түүний удирдлагын багийнхан гаргаж,  олон нийтэд танилцууллаа.

Уржигдар /2021.12.20/-аас хойш телевиз, радио, сайт, сонин гэсэн хэвлэл мэдээллийн бүхий л хэрэгсэл болоод  олон нийтийн сүлжээ тусгай зөвшөөрлийг цуцалсан шийдвэрээр амьсгалж байна.

...Дарангуйлал устаж, авлига арилж, сайн цаг ирэх нь байна.

...Нэг ч ЖДҮҮ эрхлэгч хөгжлөөс хоцрох ёсгүй.

...Хотын даргын шийдвэр No Авлига, No Хүнд суртал.

...Хөдөө орон нутагт хэрэгжүүлээсэй.

...Маш зөв, тусгай зөвшөөрөл нэрээр төрийн нэр барьсан авлига хээл хахууль жинхэнэ утгаараа бизнест асар их дарамт болдог шүү. Цуцлах хэрэгтэй ... зэрэг дэмжсэн сэтгэгдлүүд дунд “Энэ худлаа байлгүй дээ. Юм болгоныг хааж хясдаг засаг гэнэт ийм өгөөмөр болно гэдэг ёстой нар баруунаас гэдэг болж байна уу даа” гэсэн эргэлзээ, “Зөвшөөрөл авах гэж тамаа цайдаг байсан өнгөрсөн жилүүдийг бодохоор хорсол төрмөөр ч юм шиг, махаа зулгаалгуулдаг байж дээ” гэсэн гомдол цөхрөлийн аль алиныг харж болохоор байна.

Энэ бүхэн Хотын даргын шийдвэр нүдээ олсон гэдгийг батлаад байх шиг. Нийслэлийн Засаг дарга бөгөөд Улаанбаатар хотын Захирагчийн шийдвэрийн хүрээнд 2022 оны нэгдүгээр сарын 1-ний өдрөөс хууль тогтоомж, стандарт, шаардлагад нийцүүлэн, зөвхөн татварын албанд бүртгүүлсний үндсэн дээр нийслэлийн нутаг дэвсгэрт 74 төрлийн худалдаа, үйлчилгээг үйл ажиллагаагаа чөлөөтэй эрхлэх нөхцөл, боломжийг иргэд болон аж ахуйн нэгжүүдэд олголоо. Ингэснээр худалдаа, үйлчилгээ эрхлэгч 18,664 иргэн, аж ахуйн нэгж, байгууллагууд жил бүр дүүргийн ЗДТГ-т үйл ажиллагаа эрхлэх зөвшөөрлөө сунгуулах гэж дахин баримт бичиг бүрдүүлэх, дугаарлан зогсох, олон дахин ирж очин уур бухимдалд автах шаардлагагүй боллоо гэсэн үг.

Хотын даргын шийдвэр шинэ оны эхнээс хэрэгжиж эхэлснээр:

-Эхний ээлжид 74 нэр төрлийн үйлчилгээ эрхлэгч, жижиг, дунд үйлдвэр, худалдаа  эрхлэгч 18,664 иргэн, аж ахуйн нэгж, байгууллага зөвшөөрөл авах,  түүнийгээ жил бүр сунгуулах шаардлагагүй болж байна.

-Жилд давхардсан тоогоор 167,976 баримт бичиг  /нэг гэрээ байгуулж, эрх авахад 7-12 буюу дунджаар 9 баримт бичиг/ бүрдүүлж, цаг хугацаа, цаас үргүй зарцуулахаа болино.

-Жилийн турш нийт 191,306,000 төгрөг, үүнээс баримт бичиг бүрдүүлэх, хувилах зардалд 41,994,000 төгрөг, тээврийн хэрэгслийн зардал 149,312,000 төгрөгийг бодитоор хэмнээд зогсохгүй төрийн байгууллагууд /багадаа 3-5 хэлтэс алба/ руу ирж, очих шаардлагагүй болж байна. Үүний цаана ил болоогүй, тооцох боломжгүй олон зардал бий. Тэр бүхнийг хэмнэх, дарамт шахалтгүйгээр худалдаа, үйлчилгээ эрхлэх боломжийг доор дурдсан бүхий л салбарынхан эдлэх болно.

Төгсгөлд онцлох хамгийн чухал зүйл бол зөвшөөрөл цуцлагдсан ч Монгол Улсын хууль тогтоомж, стандарт, шаардлага хэвээр үйлчилнэ. Иргэд, аж ахуйн нэгжүүд хууль тогтоомж, стандарт, шаардлагад үйл ажиллагаагаа нийцүүлэн ажиллана гэдгийг тодотгох нь зүйтэй биз ээ. 

 Татварын албанд бүртгүүлж, стандартын шаардлага хангаад зөвшөөрөл шаардахгүй үйл ажиллагаа явуулж болох 74 худалдаа, үйлчилгээний төрөл 

А. Дүүргийн Засаг даргын Тамгын газраас үзүүлж буй худалдаа, үйлчилгээний гэрээ байгуулж батламж олгож буй 62 нэр төрлийн үйлчилгээ:

Худалдаа:

  1. Бөөний худалдааны төв;
  2. Агуулах дэлгүүр;
  3. Худалдааны төв;
  4. Зах /барилгын материал, мод, автотехникийн г.м/;
  5. Их дэлгүүр;
  6. Хайпермаркет;
  7. Супермаркет;
  8. Үзүүлэнгийн танхим;
  9. Аутлет;
  10. Бутик;
  11. Минимаркет;
  12. Хүнсний дэлгүүр;
  13. Ая тухтай сүлжээ дэлгүүр /конвиниенс стоор/;
  14. Төрөлжсөн барааны дэлгүүр;
  15. Мухлаг
  16. Түргэн үйлчилгээний цэг /цаашид “ТҮЦ” гэх/;
  17. Улирлын чанартай, түр, сүүдрэвчтэй худалдаа;
  18. Дахивар худалдан авах цэг.

Хоол үйлдвэрлэл, үйлчилгээ:

  1. Ресторан;
  2. Баар /диско, билльярд, караоке, бусад/;
  3. Кафе;
  4. Цайны газар /нийтийн үйлчилгээтэй болон байгууллагын дэргэдэх/;
  5. Түргэн үйлчилгээний болон сүлжээ хоолны газар;
  6. Кофе шоп
  7. Явуулын үйлчилгээтэй түргэн хоолны цэг

Ахуйн үйлчилгээ:

  1. Үсчин;
  2. Гоо засал;
  3. Хумс засал;
  4. Хувцас захиалга, засвар;
  5. Гутал захиалга, засвар;
  6. Гэр ахуйн тавилгын захиалга, засвар;
  7. Ахуйн электрон, цахилгаан хэрэгслийн засвар;
  8. Алт, мөнгө, үнэт эдлэлийн захиалга, засвар;
  9. Цүнх захиалга, засвар;
  10. Нүдний шил захиалга, засвар;
  11. Цоож, түлхүүр засвар;
  12. Цаг засвар;
  13. Хими цэвэрлэгээ, угаалга;
  14. Гэрэл зураг, дүрс бичлэгийн үйлчилгээ;
  15. Гэр цэвэрлэх үйлчилгээ;
  16. Айл нүүлгэх үйлчилгээ;
  17. Эд бараа түрээслэх үйлчилгээ;

Зочлох үйлчилгээ:

  1. Зочид буудал;
  2. Дэн буудал;
  3. Жуулчны бааз;
  4. Амралтын газар;
  5. Гэр буудал;

Ариун цэвэр, эрүүл ахуйн болон чийрэгжүүлэх, бялдаржуулах үйлчилгээ: 

  1. Нийтийн халуун ус;
  2. Саун;
  3. Бассейн;
  4. Чийрэгжүүлэлтийн төв /фитнес, спиннинг, аэробик, иог, бүжиг гэх мэт/;
  5. Алжаал тайлах төв /иллэг/;
  6. Нийтийн бие засах газар.

Авто үйлчилгээ:

  1. Авто засвар /агрегат, кузов/;
  2. Дугуй засвар;
  3. Автомашины угаалга;
  4. Автомашины доторлогоо;
  5. Авто машин, сэлбэг хэрэгсэл, тос тосолгооны болон будаг, аккумлятор,

    гоёл чимэглэл, дугуй зэрэг ашиглалтын материалын худалдаа;

  1. Авто зогсоол /битүү, ил/;

Тоглоомын төв:

1.Цахим;

  1. Хүүхдийн.

Нийтийн байрны үйлчилгээ

 

Б. Нийслэлийн Аялал жуулчлалын газраас зөвшөөрөл олгож буй 6 төрлийн үйлчилгээ:

 

  1. Зочид буудлын үйл ажиллагаа эрхлэх зөвшөөрөл шинээр олгох
  2. Зочид буудлын үйл ажиллагаа эрхлэх зөвшөөрөл сунгах
  3. Дэн буудлын үйл ажиллагаа эрхлэх зөвшөөрөл шинээр олгох
  4. Дэн буудлын үйл ажиллагаа эрхлэх зөвшөөрөл сунгах
  5. Жуулчны бааз, амралтын газрын чиглэлээр үйл ажиллагаа эрхлэх зөвшөөрөл шинээр олгох
  6. Жуулчны бааз, амралтын газрын чиглэлээр үйл ажиллагаа эрхлэх зөвшөөрөл сунгах

В. Нийслэлийн Соёл урлагийн газраас зөвшөөрөл олгож буй 6 төрлийн үйлчилгээ:

 

  1. Соёл урлагийн /дуу, хөгжим, бүжиг, драм, кино, драм, загвар, хөтлөгч, жүжигчин, тайзны яриа, илтгэх урлаг, уран зураг, фото зураг, төрөл бүрийн хатгамал, нүүр будаг, хувиргалт/ сургалтын газрын үйл ажиллагаа эрхлэх зөвшөөрлийн гэрчилгээ шинээр авах, сунгуулах
  2. Дэлгэцийн болон дүрс бичлэгийн бүх төрлийн кино үзвэрийн газруудын үйл ажиллагаа эрхлэх зөвшөөрлийн гэрчилгээ шинээр авах, сунгуулах
  3. Билльярд, боулинг, дэлгэцийн гольф, автомат тоглоом эрхлэх зөвшөөрөл шинээр авах, сунгуулах
  4. Диско клуб эрхлэх зөвшөөрөл шинээр авах, сунгуулах
  5. Караоке эрхлэх зөвшөөрөл шинээр авах, сунгуулах
  6. Тайчих клуб эрхлэх зөвшөөрөл шинээр авах, сунгуулах
АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа2022, 1 сар 23. 14:12Хойд Солонгосын хакерууд 400 сая ам.долларын криптовалют хулгайлжээ2022, 1 сар 15. 19:56Хойд Солонгосоос Япон тэнгис рүү баллистик пуужин харвав2022, 1 сар 15. 19:45Н.Түвшинбаярын цагдан хорих хугацааг нэг сараар сунгажээ2022, 1 сар 14. 17:09МУ-ын өсөх идэр, өрнөн дэлгэрэх Начин Э.Энхбатыг сүүлчийн замд нь үдлээ2021, 12 сар 31. 14:20Төрсөн хүү нь 83-тай ээжийгээ зодсоор хөнөөжээ2021, 12 сар 30. 18:24Усанд автсан айл өрхүүдийг нүүлгэж эхэлжээ2021, 12 сар 30. 18:08АНУ-Хятадын сөргөлдөөн сансар огторгуй хүртэл хүрээгээ тэллээ2021, 12 сар 30. 16:162021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ2021, 12 сар 26. 18:04Хүнд гэмтэл авч эмчлүүлж байсан улсын начин Э.Энхбат таалал төгсчээ2021, 12 сар 25. 9:53Э.Цэндбаатар Оросын тамирчинг ялж, Азийн аварга боллоо2021, 12 сар 25. 9:47Ахмадууд хоногийн хоолондоо хүрэхгүй тэтгэврээр амьдарч байна2021, 12 сар 25. 9:35#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.2021, 12 сар 24. 15:51Айл өрхийн цахилгааны төлбөрийг төрөөс дахин 6 сар төлөхөөр боллоо2021, 12 сар 24. 15:29“Хотулун гүнж-Алтан судрын эрэлд” киноны трэйлер цацагдлаа2021, 12 сар 23. 22:53АТГ-ын мөрдөгчид хилээр 20 кг алт оруулсан гэх мэдээллийн мөрөөр2021, 12 сар 23. 19:21Тэтгэвэрийн тогтолцоогоо өөрчлөхгүйгээр косметик хагалгаа хийгээд нэмэргүй2021, 12 сар 23. 17:58SISC койн: Крипто, FOREX арилжаа, START-UP бизнесийн шилдэг төслүүдэд хөрөнгө оруулж давхар ногдол ашиг хүртмээр байна уу?2021, 12 сар 23. 17:40sdfsdf2021, 12 сар 23. 15:00“Дэлхийн мисс -2021” тэмцээнд эх орноо төлөөлөн оролцох А.Бөртэ-Үжингийн танилцуулга видео цацагдлаа2021, 12 сар 23. 13:45Үндэсний хөрөнгө оруулалтын банк өр төлбөрөө бүрэн барагдуулсан2021, 12 сар 23. 13:42Б.Чулуудай: Миний аав ямар ч хэрэг хийгээгүй2021, 12 сар 23. 13:38Хувь хүний мөнгөний удирдлагын аргуудаас2021, 12 сар 23. 13:33Чанаргүй зээл өмнөх сараас 39 тэрбумаар нэмэгджээ2021, 12 сар 23. 13:27ЗГ-аас олгосон 300 мянган төгрөг, вакцины 50 мянган төгрөгийн урамшууллаа аваагүй иргэд нөхөж авах боломжтой2021, 12 сар 23. 13:17Мэдээлэл солилцох үйл явцыг цахим хэлбэрт шилжүүлэх чиглэлээр хамтран ажиллах гэрээнд гарын үсэг зурлаа2021, 12 сар 23. 13:12Их Британид анх удаа 100,000 халдварын тохиолдол бүртгэгдлээ2021, 12 сар 23. 13:08Н.Түвшинбаярын шүүх хурал өнөөдөр болно2021, 12 сар 23. 12:55Ирэх сарын нэгний өдрөөс мөрдөгдөж эхлэх хуулиуд2021, 12 сар 23. 12:48Хог тээвэрлэлтийн компаниудад автомашин хүлээлгэн өглөө2021, 12 сар 23. 11:51
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019