Шуурхай мэдээ:
179898-179902-180005

Улс төрийн намууд Цэцийн шийдвэрийг тойрч хэсэгтээ "хэрэлдэх" бололтой

5-р сарын 29 - 14 цаг 46 минут

Улс төрийн намууд Цэцийн шийдвэрийг тойрч хэсэгтээ "хэрэлдэх" бололтой

Даваа гарагт Хэнтийн нөхөн сонгуультай холбоотойгоор Үндсэн хуулийн цэц шийдвэрээ гаргасан. Цэцийн дунд суудлын хуралдаанаас УИХ-ын гишүүн асан Д.Гантулгыг гишүүнээс нь чөлөөлсөн УИХ-ын 49 дүгээр тогтоол Үндсэн хууль болон бусад хуулийг зөрчөөгүй гэж үзсэн. 

Харин УИХ-ын 42-р тойрогт нөхөн сонгууль товлон зарлах, санал авах өдрийг тогтоосон  УИХ-ын 22-р тогтоол нь Үндсэн хууль зөрчсөн гэж үзсэн юм. Мөн нөхөн сонгуулийн зардлыг улсын төсвөөс бус Засгийн газрын нөөц хөрөнгөөс гаргаж байгаа нь Үндсэн хуулийн агуулгатай зөрчилдөж  байна хэмээн дүгнэв.  

Цэцийн дүгнэлт Хэнтийд нөхөн сонгууль болох эсэхийг бүр ч эргэлзээтэй болгоод байна.  Одоо Цэцийн шийдвэрийг УИХ хүлээж авах эсэхээ 15 хоногийн дотор хэлэлцэж шийдвэрлэх ёстой. Хэрэв  УИХ дээрхи шийдвэрийг хүлээн зөвшөөрвөл сонгууль болохгүй нөхцөл байдал үүснэ гэсэн үг.

Ямартай ч Цэцийн энэ шийдвэр улс төрийн намуудын дунд хэрүүлийн алим болж хувираад байна. Үндсэн хуулийн цэц хуралдсаны маргааш буюу өчигдөр улс төрийн намууд ээлж дараалан мэдээлэл хийж, бие биеэ буруутгав. Уг нь улс төрийн намууд институцийнхээ хувьд сонгуульд нэр дэвшигчээ оролцуулах л үүрэгтэй.  Тэгснээс сонгууль зохион байгуулдаг, сонгууль болох эсэхийг шийддэг байгууллага биш л дээ.  Сонгууль явуулах нь төрийн,  бүр тодруулбал УИХ-ын үүрэг. Гэвч  намууд бие биеэ буруутгаж байна.

Цэцийн дүнэлттэй холбоотойгоор улс төрийн намуудын илэрхийлсэн байр суурийг товчлон хүргэж байна.

МАХН: Цэц жүжиг тоглолоо,  онолын шүүх боллоо

МАХН-ын дарга  Н.Энхбаяр: “МАН тодорхой хүмүүст даалгавар өгч, Үндсэн хуулийн цэцээс ийм шийдвэр гаргуулах гэж байгаа юм байна гэсэн мэдээллийг авсан...Үндсэн хуулийн цэцийн шийдвэрийн цаад утга нь МАН, АН-ыг л байлгах. Хэрвээ төсвийн мөнгөөр сонгууль явуулж болохгүй бол 2020 онд ч сонгууль явуулахаа больё... Шударга бусын хонгил хэвээрээ байна. Харамсалтай нь, шинэ МАНАН төрлөө”

АРДЧИЛСАН НАМ: Цэц эрх баригчдад зориулж шийдвэр гаргалаа

АН-ын дарга С.Эрдэнэ: "Цэц эрх баригчдад зориулж шийдвэр гаргалаа. Одоо Цэцийн дүгнэлтийг УИХ хүлээж авсан ч, эс хүлээж авсан ч Хэнтийд нөхөн сонгууль болохгүй гэсэн нөхцөл үүсчихлээ. Эрх баригч намын хувьд хийж байгаа үйлдэл нь ичгүүртэй, хариуцлагагүй үйлдэл болж байна.

Сөрөг хүчний хувьд Үндсэн хуулийн шийдвэрт нөлөөлөх боломжгүй, харин ч МАН-ын угшилтай хүмүүс Цэцэд олон бий.Улс төрийн хариуцлагагүй шийдвэр гаргачихаад түүнийгээ сөрөг хүчин болон бусад руу нялзаах оролдлогоо эрх баригчид зогсоох хэрэгтэй. Үндсэн хуулийн Цэц Үндсэн хуулийн манаач биш аль нэг, олонх болсон улс төрийн хүчин, эрх мэдэлтнүүдийн захиалгыг гүйцэтгэдэг байгууллага болсноо ил тод харууллаа"

МАН: Цэцийн дүгнэлттэй МАН санал нийлэхгүй байгаа

МАН-ын Намын байгуулалтын газрын дарга Б.Баярбаатар: “Үндсэн хуулийн Цэцийн шийдвэр гурван үндэслэлээр гарсан байсан. Энэ дүгнэлттэй МАН санал нийлэхгүй байгаа. Агуулга бус тоо хөөсөн шийдвэр гарсан.

АН-ын дарга өнөөдөр хэвлэлд ярилцлага өгөхдөө эрх баригч намын захиалгаар Цэц шийдвэр гаргалаа гэж байна. Харин ч энэ сонгуулийг явуулахгүй байх бодлогыг АН-ын дарга С.Эрдэнэ барьж Нөхөн сонгуулийн ялагдал АН-ын даргатай хариуцлага тооцох байсан учраас ялагдахаас айсандаа энэ сонгуулийг явуулахгүй байх арга хэмжээг АН-аас авсан. Энэ талаар бидэнд тодорхой мэдээлэл байсан”

МАН-ын Бага хурлын гишүүн Н.Батсүмбэрэл: Манай нам энэ сонгуульд оролцоход бэлэн байгаа. Харин АН хоёр хуваагдсан. Намын дарга байсан хүн нь намаасаа гараад хөдөлгөөн байгуулсан. АН-ын угшилтай 2-3 нөхөн сонгуульд нэр дэвших магадлалтай байсан учраас энэ сонгуулийг хийхгүй байх тал дээр бүх талаараа ажилласан. Олон иргэн Цэцэд гомдол гаргасан юм байна.Үүнийг МАН-аас захиалсан гэж ярьж байгаагаа АН зогсоох ёстой" хэмээсэн билээ. 

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа1 сар 23. 14:12Хойд Солонгосын хакерууд 400 сая ам.долларын криптовалют хулгайлжээ1 сар 15. 19:56Хойд Солонгосоос Япон тэнгис рүү баллистик пуужин харвав1 сар 15. 19:45Н.Түвшинбаярын цагдан хорих хугацааг нэг сараар сунгажээ1 сар 14. 17:09МУ-ын өсөх идэр, өрнөн дэлгэрэх Начин Э.Энхбатыг сүүлчийн замд нь үдлээ2021, 12 сар 31. 14:20Төрсөн хүү нь 83-тай ээжийгээ зодсоор хөнөөжээ2021, 12 сар 30. 18:24Усанд автсан айл өрхүүдийг нүүлгэж эхэлжээ2021, 12 сар 30. 18:08АНУ-Хятадын сөргөлдөөн сансар огторгуй хүртэл хүрээгээ тэллээ2021, 12 сар 30. 16:162021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ2021, 12 сар 26. 18:04Хүнд гэмтэл авч эмчлүүлж байсан улсын начин Э.Энхбат таалал төгсчээ2021, 12 сар 25. 9:53Э.Цэндбаатар Оросын тамирчинг ялж, Азийн аварга боллоо2021, 12 сар 25. 9:47Ахмадууд хоногийн хоолондоо хүрэхгүй тэтгэврээр амьдарч байна2021, 12 сар 25. 9:35#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.2021, 12 сар 24. 15:51Айл өрхийн цахилгааны төлбөрийг төрөөс дахин 6 сар төлөхөөр боллоо2021, 12 сар 24. 15:29“Хотулун гүнж-Алтан судрын эрэлд” киноны трэйлер цацагдлаа2021, 12 сар 23. 22:53АТГ-ын мөрдөгчид хилээр 20 кг алт оруулсан гэх мэдээллийн мөрөөр2021, 12 сар 23. 19:21Тэтгэвэрийн тогтолцоогоо өөрчлөхгүйгээр косметик хагалгаа хийгээд нэмэргүй2021, 12 сар 23. 17:58SISC койн: Крипто, FOREX арилжаа, START-UP бизнесийн шилдэг төслүүдэд хөрөнгө оруулж давхар ногдол ашиг хүртмээр байна уу?2021, 12 сар 23. 17:40sdfsdf2021, 12 сар 23. 15:00“Дэлхийн мисс -2021” тэмцээнд эх орноо төлөөлөн оролцох А.Бөртэ-Үжингийн танилцуулга видео цацагдлаа2021, 12 сар 23. 13:45Үндэсний хөрөнгө оруулалтын банк өр төлбөрөө бүрэн барагдуулсан2021, 12 сар 23. 13:42Б.Чулуудай: Миний аав ямар ч хэрэг хийгээгүй2021, 12 сар 23. 13:38Хувь хүний мөнгөний удирдлагын аргуудаас2021, 12 сар 23. 13:33Чанаргүй зээл өмнөх сараас 39 тэрбумаар нэмэгджээ2021, 12 сар 23. 13:27ЗГ-аас олгосон 300 мянган төгрөг, вакцины 50 мянган төгрөгийн урамшууллаа аваагүй иргэд нөхөж авах боломжтой2021, 12 сар 23. 13:17Мэдээлэл солилцох үйл явцыг цахим хэлбэрт шилжүүлэх чиглэлээр хамтран ажиллах гэрээнд гарын үсэг зурлаа2021, 12 сар 23. 13:12Их Британид анх удаа 100,000 халдварын тохиолдол бүртгэгдлээ2021, 12 сар 23. 13:08Н.Түвшинбаярын шүүх хурал өнөөдөр болно2021, 12 сар 23. 12:55Ирэх сарын нэгний өдрөөс мөрдөгдөж эхлэх хуулиуд2021, 12 сар 23. 12:48Хог тээвэрлэлтийн компаниудад автомашин хүлээлгэн өглөө2021, 12 сар 23. 11:51
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019