Шуурхай мэдээ:
179898-179902-180005

Монгол түмний хайртай тамирчин О.Насанбурмаа

2-р сарын 26 - 15 цаг 19 минут

Монгол түмний хайртай тамирчин О.Насанбурмаа

Гавьяат тамирчин О.Насанбурмаагаас нэгэн удаа ярилцлага авч байхад тэр “Би аав ижий, ах, эгч нарынхаа үргэлжлэл нь юм шүү гэж хэлж билээ. Ижийнхээ талаас л лав удамтай гэдэг юм. Улсын начин Ч.Баянмөнхийг ижийнхээ тун ойрын хамаатан гэж байсан. Бас төрсөн эгч О.Мягмарсүрэн нь чөлөөт бөхөөр улсын шигшээ багийн анхны хэдийн нэг. Тив, дэлхийн тэмцээнээс цөөнгүй медаль хүртсэн ОУХМ хүн. Бас ах нар нь барилдах дуртай. Энэ  нь О.Насанбурмааг чөлөөт бөхөөр замнахад нөлөөлсөн гэдэг нь үнэн. Энэ тухай эгчийгээ тэмцээнд яваад медальтай ирэхэд ямар гоё юм бэ гэсэн цагаан атаархал төрдөг байлаа гэж ярьсан. Тиймээс би анх хүндийн өргөлтөөр хичээллэж бас ч чамгүй амжилт гаргаж улсын өсвөр үеийнхний тэмцээнээс хүрэл медаль зүүж байв. Гэвч эгчийгээ дагаад чөлөөт бөх рүү нэг л өдөр урвасан гэх юм билээ.
 
Түүнээс хойш 15 жил болчихож. Тэгвэл өнөөдөр О.Насанбурмаа хэн бэ. 16-хан настайдаа насанд хүрэгчдийн улсын аварга шалгаруулах тэмцээнд түрүүлсэн бахдам амжилт өнөөдөр дэлхийд данстай бөхийн нэг гэгдэх өндөрлөгт хүргэжээ. Үндэсний бөхөөр бол дархан аваргын энтэй л гэсэн үг. Улмаар Азийн АШТ-ээс 15, дэлхийн АШТ-ээс 16 насандаа хүрэл медаль авчирсан гээд бод доо. Алдарт бөх Х.Баянмөнх, З.Ойдов, Ж.Мөнхбат нарын амжилтын оргилд тэр хүрсэн гэж ч болно. Бас улсын найман удаагийн аварга Азийн наадмын мөнгө, Азийн АШТ-ий алт, хошой мөнгө, хүрэл, залуучуудын ДАШТ-ий мөнгө, хүрэл медальтай гээд цоллобол Х.Баянмөнх аваргын энтэй л санагдах юм шиг. О.Насанбурмаа бас ховорхон амжилтын эзэн. Тэр ДАШТ-ээс дөрвөн медаль авахдаа дөрвөн өөр жинд барилдаж авчээ. Бүр тодруулах юм бол хүрэл медалийн төлөө дөрвөн удаа барилдахдаа гуравт нь ялж. Тэгвэл өнгөрсөн жил Унгарын нийслэл Будапештэд болсон ДАШТ-ий 72 кг-д алтан медалийн төлөөх барилдаанд ДАШТ-ий хүрэл медальт, Пан Америкийн гурван удаагийн аварга, Канадын бөх К.Жюстинад оноогоор ялагдаж дэлхийн дэд аварга болов. Энэ тухай өөрөө ярихдаа:
-Уг нь миний хувьд дэлхийн дэвжээнд 10 дахиа барилдаж байгаа болохоор туршлага дутаад байх юм байгаагүй. Гэхдээ жин өгссөн. Үнэндээ санасандаа хүрч барилдаж чадаагүй. Өмнө нь ганц удаа ч болтугай хүч сорьж үзсэнсэн бол арай өөр байх байсан болов уу. Түүнийг ялчихсан бол дэлхийн дэвжээнд Монгол төрийн дууллаа эгшиглүүлэх байсан даа гэж бодохоор харамсалтай гэж билээ. Уг нь Будапешт, Токиогийн дэвжээ түүнд ээлтэй байдаг юм. Одоогоор дэлхийн АШТ-ээс дөрвөн медаль хүртсэн бөх О.Насанбурмаагаас өөр хүн байхгүй гээд бодоход бахархахаас өөрцгүй юм. О.Насанбурмаад олон содон чанар бий. Даруухан энгүүнээрээ бусдаасаа ялгарна аа.
 
-Зарим тамирчин бэлтгэлийнхээ зэрэгцээ хувийн зохион байгуулалтдаа сүрхий анхаардаг гэдэг. Өөрөө тийм нарийн дэг журам барьдаг уу?
 
-Надад тийм нарийн баримталдаг, бусдад гайхуулах юм байхгүй ээ. Энгийн л байхыг хичээдэг. Зарим нь илүү амжилт үзүүлсэн хүнийг нэг л тусгайгаар ойлгодог шиг санагддаг гэж байна лээ.
 
-Бас хэтийн зорилго чинь юу вэ?
 
-Спортын замналаа эргээд харахад оролцож амжаагүй, медаль авч чадаагүй тэмцээн бараг алга даа. Харин олимпоос медаль авахсан гэсэн ганц мөрөөдөл үлдлээ.
 
-Одоо хүч сорьж буй 72 кг чинь олимпийн бус жин шүү дээ?
 
-Жин уруудан 68 кг-д барилдах бодолтой. Бэлтгэлээ ч энэ зорилгодоо нийцүүлж хийх болно. Би ер нь ямар ч барилдааны өмнө ялагдах тухай огт боддоггүй, санаа зовдоггүй. Ялна, чадна гэж л өөрийгөө хурцалдаг гэж ярьдаг. Тэр нь барилдааныг нь үзэж байхад ил харагддаг юм. Нэг л тайван энгүүн хүн. Харин дэвжээн дээр гарахаараа эмнэг хангал шиг л догширч өгнө. Золбоолог гээч. Олон угсраа мэхийг тун даацтай хийнэ. Яг л дархан аварга А.Сүхбатын ид гялалзаж байх үе шиг.
Тийм ээ. Монгол түмний хайртай бөхийн нэг, гавьяат тамирчин О.Насанбурмаа үнэ цэнэтэй амьдрахын утга учир, ухааныг чөлөөт бөхөөс л авсан гэдэг юм. Тэр хувь заяаныхаа цаг хугацааг өөрөө л  эзэгнэж явнам.
 
 
Д.Цэрэннадмид
Эх сурвалж: “Зууны мэдээ” сонин
 
МУГТ О.Насанбурмаагийн нэрэмжит Цагдаа,Дотоодын цэргийн анги байгууллагуудын чөлөөт бөхийн Аварга шалгаруулах тэмцээн Спортын төв ордоны "А"зааланд 2019.02.28-нд болох тул бөх сонирхогчид үзэгч та бүхнийг хүрэлцэн ирэхийг урьж байна
АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа1 сар 23. 14:12Хойд Солонгосын хакерууд 400 сая ам.долларын криптовалют хулгайлжээ1 сар 15. 19:56Хойд Солонгосоос Япон тэнгис рүү баллистик пуужин харвав1 сар 15. 19:45Н.Түвшинбаярын цагдан хорих хугацааг нэг сараар сунгажээ1 сар 14. 17:09МУ-ын өсөх идэр, өрнөн дэлгэрэх Начин Э.Энхбатыг сүүлчийн замд нь үдлээ2021, 12 сар 31. 14:20Төрсөн хүү нь 83-тай ээжийгээ зодсоор хөнөөжээ2021, 12 сар 30. 18:24Усанд автсан айл өрхүүдийг нүүлгэж эхэлжээ2021, 12 сар 30. 18:08АНУ-Хятадын сөргөлдөөн сансар огторгуй хүртэл хүрээгээ тэллээ2021, 12 сар 30. 16:162021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ2021, 12 сар 26. 18:04Хүнд гэмтэл авч эмчлүүлж байсан улсын начин Э.Энхбат таалал төгсчээ2021, 12 сар 25. 9:53Э.Цэндбаатар Оросын тамирчинг ялж, Азийн аварга боллоо2021, 12 сар 25. 9:47Ахмадууд хоногийн хоолондоо хүрэхгүй тэтгэврээр амьдарч байна2021, 12 сар 25. 9:35#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.2021, 12 сар 24. 15:51Айл өрхийн цахилгааны төлбөрийг төрөөс дахин 6 сар төлөхөөр боллоо2021, 12 сар 24. 15:29“Хотулун гүнж-Алтан судрын эрэлд” киноны трэйлер цацагдлаа2021, 12 сар 23. 22:53АТГ-ын мөрдөгчид хилээр 20 кг алт оруулсан гэх мэдээллийн мөрөөр2021, 12 сар 23. 19:21Тэтгэвэрийн тогтолцоогоо өөрчлөхгүйгээр косметик хагалгаа хийгээд нэмэргүй2021, 12 сар 23. 17:58SISC койн: Крипто, FOREX арилжаа, START-UP бизнесийн шилдэг төслүүдэд хөрөнгө оруулж давхар ногдол ашиг хүртмээр байна уу?2021, 12 сар 23. 17:40sdfsdf2021, 12 сар 23. 15:00“Дэлхийн мисс -2021” тэмцээнд эх орноо төлөөлөн оролцох А.Бөртэ-Үжингийн танилцуулга видео цацагдлаа2021, 12 сар 23. 13:45Үндэсний хөрөнгө оруулалтын банк өр төлбөрөө бүрэн барагдуулсан2021, 12 сар 23. 13:42Б.Чулуудай: Миний аав ямар ч хэрэг хийгээгүй2021, 12 сар 23. 13:38Хувь хүний мөнгөний удирдлагын аргуудаас2021, 12 сар 23. 13:33Чанаргүй зээл өмнөх сараас 39 тэрбумаар нэмэгджээ2021, 12 сар 23. 13:27ЗГ-аас олгосон 300 мянган төгрөг, вакцины 50 мянган төгрөгийн урамшууллаа аваагүй иргэд нөхөж авах боломжтой2021, 12 сар 23. 13:17Мэдээлэл солилцох үйл явцыг цахим хэлбэрт шилжүүлэх чиглэлээр хамтран ажиллах гэрээнд гарын үсэг зурлаа2021, 12 сар 23. 13:12Их Британид анх удаа 100,000 халдварын тохиолдол бүртгэгдлээ2021, 12 сар 23. 13:08Н.Түвшинбаярын шүүх хурал өнөөдөр болно2021, 12 сар 23. 12:55Ирэх сарын нэгний өдрөөс мөрдөгдөж эхлэх хуулиуд2021, 12 сар 23. 12:48Хог тээвэрлэлтийн компаниудад автомашин хүлээлгэн өглөө2021, 12 сар 23. 11:51
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019