АНУ-ын сансар судлалын НАСА агентлаг наранд хамгийн ойр хүрч очих тандалтын төхөөрөмж зохион бүтээсэн ба уг төхөөрөмжийг тээсэн пуужин өнгөрсөн ням гарагт Флорида муж улсын Канавералын хошуун дахь сансрын хөлгийн буудлаас хөөрсөн байна.
Уг үйл ажиллагааг бямба гарагт явуулахаар төлөвлөөд байсан боловч техникийн саатлын улмаас түр хойшилсон ажээ. НАСА-гийн мэдээлснээр, уг төхөөрөмж нь хөөргөснөөс хойш 40 орчим минутын дараа нарыг алсуур хүрээлсэн тойрог замд нэвтэрсэн аж.
Төхөөрөмжийн гадаргууг 10 сантиметр зузаан дулаан тусгаарлагч нүүрстөрөгчийн хөвөн бүрхүүлтэй бүтээсэн нь түүнийг цельсийн 1400 хэмд тэсвэртэй байх боломжийг бүрдүүлсэн ажээ. Уг төхөөрөмж нь нарнаас 6 сая километр зайд хүрч очих ба өмнө нь наранд хамгийн ойртон очсон зай нь 44 сая километр байжээ.
Энэхүү төхөөрөмж нь нарны талаархи шинэ нээлтүүдийг хийхэд ихээхэн хувь нэмэр оруулна гэж эрдэмтэд найдаж байгаа ба түүнийг нарны тойрог замд 7 жилийн турш байрлуулахаар төлөвлөж байгаа юм байна.
Хойд Солонгосын хакерууд 400 сая ам.долларын криптовалют хулгайлжээ
Хойд Солонгосоос Япон тэнгис рүү баллистик пуужин харвав
#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.
2021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ
Э.Цэндбаатар Оросын тамирчинг ялж, Азийн аварга боллоо
Сэтгэгдэл бичих хэсэг