Шуурхай мэдээ:
179898-179902-180005

УЦС хүлэмжийн хийг бууруулахад том үүрэгтэй

1-р сарын 11 - 10 цаг 57 минут

Эгийн голын усан цахилгаан станц барих тухай яриа гараад олон жилийн нүүр үзэж байна. Хөрөнгө оруулалтын асуудлыг нь гаднын зээл тусламжаар шийдэхээр боллоо хэмээгээд төслийн нэгжийг төрийн өмчит компани болгон зохион байгуулж судалгаа шинжилгээ, зураг төслийн гээд чамгүй их ажил өрнөсөн ч цаасан дээрх цахилгаан станц хэзээ амилж, улс орны хөгжилд хүч нэмэх юм бол гэдгийг хүмүүс байнга сонирхож байдаг. Тиймээс үүнийг тодруулахаар “Эгийн голын усан цахилгаан станц” төрийн өмчит хувьцаат компанийн захирал Б.Отгонсүхэд хандсан юм.

Тэрбээр Булган аймгийн нутагт буюу Эрдэнэтээс 71 км, Сэлэнгийн бэлчрээс 22.5 км зайд босох Эгийн голын усан цахилгаан станцыг зайлшгүй барих шаардлагын тухай:

-Өнөөдөр Төвийн эрчим хүчний системийн нийт цахилгаан эрчим хүчний хэрэглээний 92,7 хувийг дан ганц нүүрсээр ажилладаг станцууд хангаж, үлдэх хувийг ОХУ-аас импортоор авч байна. Гэтэл нүүрсээр ажилладаг станцууд нь суурь горимд ажилладаг учраас цахилгаан эрчим хүчний хэрэглээний өөрчлөлтийг дагаж үйлдвэрлэлээ тохируулан богино хугацаанд өөрчлөх чадвар, техникийн боломж хязгаарлагдмал. Мөн ОХУ-аас авдаг импортын цахилгаан эрчим хүч нь системийн оргил ачааллыг хааж, системд тохируулагчийн үүргийг л гүйцэтгэдэг ч үүнээс хамааралтай байдал улам бүр нэмэгдэх төлөвтэй болж байгаа юм. Өөрөөр хэлбэл, Оросоос авч байгаа импортын цахилгаан эрчим хүчийг дамжуулах шугамын техникийн боломж дээд хязгаартаа тулаад байна. Ахуйн хэрэглээ зонхилсон цахилгаан эрчим хүчний хэрэглээ жилээс жилд нэмэгдэж, хоногийн оргил болон бага ачааллын үеийн зөрүү өнөөдрийн байдлаар 320 МВт хүрсэн. Энэ мэт олон шалтгааны улмаас Эгийн голын усан цахилгаан станцыг барих зайлшгүй шаардлага байгаа юм. 

-Усан цахилгаан станц байгаль экологид ямар нэг сөрөг нөлөөтэй юу?

-Усны эрчим хүчийг ашигласнаар цаг уурын өөрчлөлт, агаарын бохирдлыг багасгах, ногоон хөгжлийг дэмжихэд хувь нэмэр оруулж, байгаль орчинд ээлтэй, цэвэр цахилгаан эрчим хүч үйлдвэрлэх боломжтой. Мөн түүхий нүүрсний хэрэглээг бууруулж, Улаанбаатар болон бусад хот суурин газрын агаарт хаягдаж байгаа хүлэмжийн хийн ялгаруулалтыг бууруулах онцгой ач холбогдолтой.

-Гэхдээ манайх шиг гадаргын усны нөөц арвин биш улсад уур амьсгалын өөрчлөлтөд нөлөөлөх таатай биш шийдэл гэж ярих юм билээ?

-Усан цахилгаан станц ашиглалтад орсноор усны нөөц бүхий байнга сэлгэгдэж байх цэнгэг нуур үүснэ. Ингэснээр цэвэр усны томоохон нөөцтэй болохоос гадна тухайн бүс нутгийн агаарын чийгшлийг нэмэгдүүлж, цөлжилтөөс хамгаалж, эрчимжсэн газар тариалан, хөдөө аж ахуйн үйлдвэрлэл хөгжих боломж бүрдэнэ. Усан цахилгаан станц байгуулж, томоохон нуур үүссэнээр байгалийн аялал жуулчлал, усан спортыг хөгжүүлэх таатай нөхцөл бүрдэж, гадаад, дотоодын аялагч, жуулчдын сонирхлыг татах, хөгжлийн томоохон төв болж хөгжих бүрэн боломжтой.

Түүнээс гадна дэлхийн дулаарлын нэг буруутан болоод байгаа хүлэмжийн хийг бууруулах том ач холбогдолтой юм. НҮБ-ын Уур амьсгалын өөрчлөлтийн конвенц болон Киотогийн протоколын дагуу хүлэмжийн хийн ялгаралтыг бууруулах нь усан цахилгаан станцын гол зорилго. Уг конвенцэд Монгол Улс нэгдэн орсон бөгөөд гол шалгуур нь байгаль орчны шаардлагад нийцсэн зорилт буюу нүүрстөрөгчийн ялгаралтаас зайлсхийсэн хэмжээ, мөн төслийн үргэлжлэх хугацаанд нэг ГВт.ц эрчим хүч үйлдвэрлэхэд хэдий хэмжээний нүүрстөрөгчийн ялгаралтаас зайлсхийснээр тодорхойлогддог. Жилд бууруулах нүүрстөрөгчийн ялгаруулалтыг үнэлэхэд 709 мянган тонн гэж гарсан байгаа. 

-Олон улсын гэрээ, конвенцээр хүлээсэн үүргээ биелүүлж хүлэмжийн хийг бууруулсан тохиолдолд тодорхой хэмжээний урамшуулал авах тухай заалт байдаг. Манайд тийм боломж бий юу?

-Бидний барихаар төлөвлөж байгаа Эгийн голын УЦС -ыг ашиглалтад оруулснаар бууруулах нүүрсхүчлийн хийн хэмжээнд олон улсын байгууллага, өндөр хөгжилтэй орнуудаас урамшуулал авах талаар судалж үзсэн. Монголд өмнө нь хэрэгжсэн төслүүдийн жишгээр хүлэмжийн хийн тонн тутамд 4,0 еврогийн урамшуулалтай борлуулахаар тооцвол жилд 2,8 сая еврогийн орлого олж болох юм.

-Эдийн засаг талаасаа ч, байгаль экологи талаасаа ч ийм ач холбогдолтой төслийг юу гацаагаад байна вэ?

-Төслийн хувьд Техник эдийн засгийн үндэслэлийг боловсруулж, тендерийн бүх бичиг баримтыг бүрдүүлээд төслийн ажлыг эхлүүлэхэд бэлэн болоод байна. Байгаль орчин, тэр дундаа Байгаль нуурт нөлөөлөх нөлөөллийн судалгааг хийх, санал солилцох Орос, Монголын эрдэмтдийн хамтарсан уулзалтыг хийлээ. Оросын талаас Байгаль нуурт нөлөөлнө гэдэг өнцгөөс хараад байгаа нь төслийг эхлүүлэхэд саад учруулаад байгаа юм.

-Байгаль нуурт үзүүлэх нөлөөлөл нь тийм өндөр юм уу?

-Усан сан бүрдүүлэхэд гурван жил шаардагдах бөгөөд энэ хугацаанд нуурын усанд 0.023 хувь нөлөөлнө гэж тооцоолсон. Энэ бол маш бага түвшин. Усан сан бүрдүүлэх хугацааг л давчих юм бол буцаад нуурын түвшин хэвийн хэмжээндээ орчих юм. Байгаль нуурын дээр байрлах Хөвсгөлийн мөнх цэвдэг хайлаад дуусах гэж байна. Цаг агаар дулаарч дэлхий нийтээр усаа ашиглая, усан сантай болъё, усны нөөцөө бүрдүүлье гэж зарим нь дайн хүртэл хийж байна. Гэтэл манайх ямар ч усны нөөцгүй хэр нь байгаа усаа оросуудад зүгээр өгч байгаа нь шударга биш шүү дээ. Тиймээс ядахдаа турбинаар эргүүлээд доошоо асгая гэхэд тэд эсэргүүцээд, асуудал үүсгээд байгаа нь шударга бус зүйл биз дээ.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа1 сар 23. 14:12Хойд Солонгосын хакерууд 400 сая ам.долларын криптовалют хулгайлжээ1 сар 15. 19:56Хойд Солонгосоос Япон тэнгис рүү баллистик пуужин харвав1 сар 15. 19:45Н.Түвшинбаярын цагдан хорих хугацааг нэг сараар сунгажээ1 сар 14. 17:09МУ-ын өсөх идэр, өрнөн дэлгэрэх Начин Э.Энхбатыг сүүлчийн замд нь үдлээ2021, 12 сар 31. 14:20Төрсөн хүү нь 83-тай ээжийгээ зодсоор хөнөөжээ2021, 12 сар 30. 18:24Усанд автсан айл өрхүүдийг нүүлгэж эхэлжээ2021, 12 сар 30. 18:08АНУ-Хятадын сөргөлдөөн сансар огторгуй хүртэл хүрээгээ тэллээ2021, 12 сар 30. 16:162021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ2021, 12 сар 26. 18:04Хүнд гэмтэл авч эмчлүүлж байсан улсын начин Э.Энхбат таалал төгсчээ2021, 12 сар 25. 9:53Э.Цэндбаатар Оросын тамирчинг ялж, Азийн аварга боллоо2021, 12 сар 25. 9:47Ахмадууд хоногийн хоолондоо хүрэхгүй тэтгэврээр амьдарч байна2021, 12 сар 25. 9:35#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.2021, 12 сар 24. 15:51Айл өрхийн цахилгааны төлбөрийг төрөөс дахин 6 сар төлөхөөр боллоо2021, 12 сар 24. 15:29“Хотулун гүнж-Алтан судрын эрэлд” киноны трэйлер цацагдлаа2021, 12 сар 23. 22:53АТГ-ын мөрдөгчид хилээр 20 кг алт оруулсан гэх мэдээллийн мөрөөр2021, 12 сар 23. 19:21Тэтгэвэрийн тогтолцоогоо өөрчлөхгүйгээр косметик хагалгаа хийгээд нэмэргүй2021, 12 сар 23. 17:58SISC койн: Крипто, FOREX арилжаа, START-UP бизнесийн шилдэг төслүүдэд хөрөнгө оруулж давхар ногдол ашиг хүртмээр байна уу?2021, 12 сар 23. 17:40sdfsdf2021, 12 сар 23. 15:00“Дэлхийн мисс -2021” тэмцээнд эх орноо төлөөлөн оролцох А.Бөртэ-Үжингийн танилцуулга видео цацагдлаа2021, 12 сар 23. 13:45Үндэсний хөрөнгө оруулалтын банк өр төлбөрөө бүрэн барагдуулсан2021, 12 сар 23. 13:42Б.Чулуудай: Миний аав ямар ч хэрэг хийгээгүй2021, 12 сар 23. 13:38Хувь хүний мөнгөний удирдлагын аргуудаас2021, 12 сар 23. 13:33Чанаргүй зээл өмнөх сараас 39 тэрбумаар нэмэгджээ2021, 12 сар 23. 13:27ЗГ-аас олгосон 300 мянган төгрөг, вакцины 50 мянган төгрөгийн урамшууллаа аваагүй иргэд нөхөж авах боломжтой2021, 12 сар 23. 13:17Мэдээлэл солилцох үйл явцыг цахим хэлбэрт шилжүүлэх чиглэлээр хамтран ажиллах гэрээнд гарын үсэг зурлаа2021, 12 сар 23. 13:12Их Британид анх удаа 100,000 халдварын тохиолдол бүртгэгдлээ2021, 12 сар 23. 13:08Н.Түвшинбаярын шүүх хурал өнөөдөр болно2021, 12 сар 23. 12:55Ирэх сарын нэгний өдрөөс мөрдөгдөж эхлэх хуулиуд2021, 12 сар 23. 12:48Хог тээвэрлэлтийн компаниудад автомашин хүлээлгэн өглөө2021, 12 сар 23. 11:51
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019