Шуурхай мэдээ:
179898-179902-180005

П.Нямлхагва: Хүүхэлдэйн театр жинхэнэ монгол дүр тодруулж, амилуулна

12-р сарын 19 - 13 цаг 26 минут

Хүүхэлдэйн театрынхан шинэ онд өөр өнгө төрхийг үзэгчдэд хүргэж, сонин содон төлөвлөгөөний дагуу ажиллах нь. Тус театрын дарга П.Нямлхагваас энэ өдрүүдэд үзэгч хүүхдүүдэд ямар тоглолт толилуулах хийгээд ирэх онд ямар бүтээл туурвих талаар нь тодруулсан юм.

-Хүүхэд бүрийн хувьд шинэ жил онцгой баяр. Та бүхэн тэдэнд ямар онцгой мэдрэмж төрүүлэхээр ажиллаж байна вэ?

-Манай театр 1948 онд “Гайхамшигт хайрцаг” жүжгээр хөшгөө нээж байсан. Өдгөө 70 жил болж буй. Ирэх онд тохиох 70 жилийн ойг хуучин оны босгон дээр “Гайхамшигт хайрцаг” тоглолтоор эхлүүлнэ. Үүний тулд Монгол Улсын Хүүхэлдэйн театрын ахмад уран бүтээлчид, залуу жүжигчид, найруулагчид ОХУ-ын Санкт Петербургийн Хүүхэлдэйн театрын зөвлөх зураачидтай хамтран завгүй ажиллаж байна. Үйлдвэрчний эвлэлийн соёлын төв ордонд энэ сарын 29, 30-нд тоглох “Гайхамшигт хайрцаг” жүжгийн бэлтгэлийг эртнээс эхэлсэн. Өвлийн өвгөн, цасан охидын гайхамшигт үзүүлбэр, шинэ жилийн онцгой үйл явдлууд хөвөрсөн, сэтгэл хөдөлгөм тоглолт хийнэ. 70 жил хуримтлуулсан өв их уран бүтээлээс шилэгдсэн, шилдгийн шилдэг үзүүлбэрүүдтэй. Хүүхэд багачууд Хүүхэлдэйн театрын түүхийг товчоор харуулсан, театрын соёл, ёс зүй, гоо зүй, хүн байхын эрхэм нандин ухааныг мэдрүүлсэн тоглолт байх болно.

-Жил, жилийн тоглолтын тасалбарыг бэлэг дагалддаг. Өнөө жилийн бэлгийг онцгойлон бэлдсэн гэсэн үү?

-Хүүхэд бүр бэлэгтэй. “Гайхамшигт хайрцаг”-т буддаг ном, өнгийн харандаа, 3D картууд байхаас гадна гэртээ очсон хойноо ч Хүүхэлдэйн театрын жүжгийг амилуулах АR дэвшилтэд техногиор бүтээсэн тусгай бэлэг бий. Гол нь гар утсандаа “Янз” апликейшнийг үнэгүй татахад хангалттай. Мөн АХА асуулттай, 3D картан дээрх нарны аймаг, гэр барих, уламжлалт тавилга, амьтдыг амилуулах боломжтой. Энэ жил чихэр жимс, амттанаас татгалзаж, бизнес бус оюунлаг бэлэг бэлдсэн. Бусад бэлгийг “Гайхамшигт хайрцаг”-аа задлаад мэдээрэй.  

-Хүүхдүүд голомтгой болж, тэдэнд дуу дүрсний өндөр үзүүлэлттэй, техникийн хөгжил, хурд шаардсан бүтээл таалагдаад байх шиг.

-Урлаг үзэгчээсээ түрүүлж хөгжих ёстой. Хүүхдүүдийн сэтгэлгээ өөрчлөгдсөн,  түүнд нь тохирох уран бүтээл хийнэ. Гар утсаар  тоглох сонирхолд нь нийцүүлж утсанд нь сургамжит хүүхэлдэйн жүжгийг суулгаж өгч эхэлсэн. Тэд үлгэрээ үзээд, эерэг ба эсрэг дүр, сайн, муу санаатныг таних, зөв монгол хүүхэд байх суурь тавигдана. Цаашдаа Хүүхэлдэйн театрынхан хүүхэлдэйн жүжгээ л тоглоно. Гэхдээ насны ангилалтай. Бид он гарангуут 3-10 насны хүүхдүүдэд зориулсан “Бүлтээхэй, дэлдээхэй” сургамжит жүжиг толилуулна. Ахлах ангийнхан буюу 8-12 дугаар ангийнхан нийгэмд орхигдсон. Томчууд тэднийг хүүхэд, хүүхдүүд тэднийг том хүн гэж хардаг. Тэдний чөлөөт цагаа өнгөрөөж буй газар нь PC тоглоомын орчин. Товчхондоо, Монголд тэдэнд чиглэсэн үйл ажиллагаа явуулдаг Хүүхдийн театр алга. Тиймээс  манай уран бүтээлчид “Би чамд хайртай”  шиг өсвөр насныханд зориулсан хүн байхын тухай, аливааг хайрлахын мөн чанарыг харуулсан жүжгийг тавдугаар сард тавих гэж байна. Дараа нь “Торгон замын тоодоохой” танин мэдэхүй, түүхэн ач холбогдолтой жүжиг тавина. 2018 оны төгсгөлд Хүүхэлдэйн театрыг үндэслэгч агуу их Аброзов суурийг нь тавьсан ОХУ-ын Үлгэр театрынхны уран бүтээлийг хүүхдүүдэд хүргэнэ. 

-Шинэ дүр төрх, өөр өнгө аясаар ажиллана гэсэн. Үүнийгээ тодруулахгүй юү?

-Монгол төрхтэй хүүхэлдэй буюу Монгол хүүхэлдэйг тодруулах үүднээс он гарангуут хүүхэлдэйн улсын уралдаан зарлана. Барималч, зураач, зохион бүтээгч нарын дунд өндөр шагналтай уралдаан зарлаж, үнэхээр монгол хүүхэлдэй мөн гэсэн бүтээлийг шалгаруулна. Тэр дүрд зориулсан жүжиг хийнэ. Уралдаан ирсэн бүх бүтээл хүүхэлдэйн театрын өмч болох юм. Түүнийгээ үзэгч хүүхдүүдэд ээлж, дараатай хүргэнэ. Өөрөөр хэлбэл, Миша баавгай, Маша охины цаана орос орон байдаг шиг шалгарсан хүүхэлдэйг харахад л Монгол Улс бүхэлдээ харагдах ёстой юм. Монгол Улсын Хүүхэлдэйн театр шинэ онд өөр өнгө төрхийг илэрхийлсэн менежментээр ажиллаж, үндэсний контентийг тодруулна. Мөн гадаад харилцаагаа хөгжүүлнэ.

Д.Мягмаржаргал

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Сайжруулсан шахмал түлшийг хэрхэн зөв хэрэглэх талаарх зөвлөмжийг хүргэж байна2 сар 21. 23:50Нийслэл хотын эрх зүйн байдлын тухай хуулийн шинэчилсэн найруулгын төслийг танилцуулав2 сар 21. 23:47Хан-Уул дүүргийн иргэд “Нэг хаалга-Нэг шинжилгээ”-нд идэвхтэй хамрагдаж байна2 сар 21. 23:45Халдварын идэвх өндөртэй хэсгүүд дээр дахин тандалт шинжилгээ хийх шаардлагатай2 сар 21. 23:39Туул гол дээр үүссэн нөхцөл байдалд арга хэмжээ авч ажиллав2 сар 21. 23:36НАОМИ ОСАКА АВСТРАЛИЙН НЭЭЛТТЭЙ ТЭМЦЭЭНД ЯЛАГЧ БОЛЛОО2 сар 21. 23:337-Р САРЫН СҮҮЛЧ ГЭХЭД АМЕРИК ХҮН БҮР COVID-19-ИЙН ЭСРЭГ ВАКЦИНД ХАМРАГДАХ БОЛОМЖТОЙ2 сар 21. 23:23Ким Кардашьян нөхөр Канье Уэстээс салах өргөдлөө өгчээ2 сар 21. 23:21Ойрын өдрүүдэд ихэнх нутгаар салхи шуургатай байхыг анхааруулж байна2 сар 21. 23:17Ковид бидний амьдралыг өөрчилсөн 6 жишээ2 сар 21. 23:12Ерөнхийлөгч Х.Баттулга УИХ-ын гишүүдэд албан бичиг илгээжээ2 сар 21. 23:09Дараах таван чиглэлийн үйл ажиллагаа нээгдэхгүй2 сар 21. 23:04А.Амбасэлмаа: Халдварт өртсөн нярайн биеийн байдал сайжирч байгаа2 сар 21. 23:02Эрүүл амьдрах есөн чухал зөвлөмж2 сар 21. 22:55БУСДЫГ ХУТГАТАЙГААР ЗАНАЛХИЙЛСЭН ИХРҮҮД БАГААСАА ХӨӨГДЖЭЭ2 сар 21. 22:49НАРО БАНЧЭН ГЭГЭЭНТЭН БУЮУ Б.ЦЭДЭН-ИШИЙН ТУХАЙ 13 БАРИМТ2 сар 21. 22:46Нийслэлийн сургууль, цэцэрлэгийн үйл ажиллагааг эрсдлийн үнэлгээ хийж, хэзээ нээх эсэхийг шийднэ2 сар 21. 22:43Баянзүрх дүүргийн иргэдийн өгөх БАЙРШИЛ2 сар 21. 22:41Халдвар тархах магадлалтай идэвхтэй хороодыг танилцууллаа2 сар 21. 22:37"Нэг хаалга-Нэг шинжилгээ"-нээс нийт 78 тохиолдол илэрчээ2 сар 21. 22:35Д.Сумъяабазар: Дэглэм зөрчиж, халдвар тархах нөхцөл үүсгэсэн ААН-үүдийн үйл ажиллагааг зогсооно2 сар 21. 22:29Цахим картыг 266 цэгт цэнэглэж байна2 сар 4. 16:07Болзолт уралдаанд шалгарсан 20 СӨХ-г Улаанбаатар хотын ЗАА дэмжиж ажиллана2 сар 4. 16:04Уур амьсгалын өөрчлөлт, хүлэмжийн хийн ялгарал2020, 12 сар 28. 14:14Уур амьсгалын өөрчлөлт ба температур, хур тунадас2020, 12 сар 23. 15:53Улаанбаатар хотын Ерөнхий менежерийн ээлжит бус шуурхай хурал боллоо2020, 12 сар 18. 16:05Азийн хөгжлийн банкны суурин төлөөлөгч Павит Рамачандраг хүлээн авч уулзав2020, 12 сар 18. 16:03УОК-ын журмын сунгасан хугацаа дууслаа2020, 12 сар 18. 16:02Уур амьсгалын өөрчлөлт ба хүний эрүүл мэнд2020, 3 сар 30. 8:48Хятад улсын хүлэмжийн хийн ялгарал "Корона" вирусаас улбаалан түр хугацаанд 25%-иар буурчээ2020, 3 сар 2. 10:40
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019