Украины эсрэг дайнд Ойрхи Дорнодын сайн дурынхныг оролцуулахыг Путин дэмжижээ 

Батлан ​​хамгаалахын сайд Сергей Шойгу хэлэхдээ, Ойрхи Дорнодын орнуудын нутгийн оршин суугчдаас 16,000 гаруй өргөдөл хүсэлт ирсэн,   тэд Украины эсрэг дайнд оролцох хүсэлтэй байгаагаа илэрхийлсэн гэж мэдэгдээд байна. Путины хэлснээр, энэ нь Украины дэглэмийг тэтгэгч барууныхан хөлсний цэргүүдийн оролцоог нуугаагүйн хариу юм гэж  тэрбээр тодотгожээ. 
Тэгвэл Оросын хэвлэл мэдээллийн эх сурвалжууд Путин Украинтай хийх дайнд сайн дурынхныг оролцуулах Шойгугийн саналыг зөвшөөрсөн гэж мэдээлж байна. 
Энэ нь үндсэндээ  Ойрхи Дорнодын, тэр дундаа Сирийн сайн дурынхны тухай ярьж байгаа асуудал гэв.

Ойрхи Дорнодын сайн дурынхныг Украины ажиллагаанд татан оролцуулах саналыг ОХУ-ын Ерөнхийлөгч Владимир Путин зөвшөөрч, дайны талбарт очиход нь тусалж дэмжих хэрэгтэй байгааг тэмдэглэсэн гэж  3-р сарын 11-ний Баасан гарагт РИА Новости бичжээ.

Түүний хэлснээр, "Украины барууны ивээн тэтгэгчид" мөргөлдөөнд оролцох хөлсний цэрэг цуглуулж байгаагаа нуудаггүй, үүнийгээ олон улсын эрх зүйн хэм хэмжээг үл тоомсорлон ил тодоор хийдэг шнэ тодотгожээ  Путины хэлснээс үзвэл тэрээр Донбасс руу "өөр өөр орны сайн дурынхныг" илгээхийг зөвшөөрсөн байна. Тэрээр "Хэрэв та сайн дурын үндсэн дээр, ялангуяа мөнгөний төлөө бус, Донбасст амьдарч буй хүмүүст туслахыг хүсч байгаа хүмүүс мөн гэж харвал та тэднийг угтаж дайны талбарт шилжихэд нь туслах хэрэгтэй" гэж тэр хэлжээ.

Мөн төрийн тэргүүн Батлан ​​хамгаалахын сайд Сергей Шойгуд НАТО-гийн үйл ажиллагаатай холбогдуулан Оросын баруун хилийг бэхжүүлэх талаар тусад нь илтгэл бэлтгэхийг даалгаж, барууны орнуудад үйлдвэрлэгдсэн олзолж авсан техник, зэвсэг, тэр дундаа танк, хуягт машин, бүх төрлийн жижиг зэвсэг, мөн Javelin, Stinger цогцолборуудыг Донбасст шилжүүлэх тухай сайдын саналыг дэмжсэн гэдгийг баталжээ.  

Эх суовалж. Лента.ру