Г.Амартүвшин: Сургууль, цэцэрлэгийн хүртээмжийг нэмэгдүүлэхэд онцгойлон анхаарч ажиллаж байна

УИХ-ын чуулган завсарласан энэ өдрүүдэд Ганибалын Амартүвшин гишүүн тойрогтоо ажиллаж, ХУД-ийн иргэдийн санал бодлыг сонсож, санаачлан хэрэгжүүлж буй ажлуудаа танилцуулж байна. Тэрбээр ХУД-ийн 4-р хорооны иргэдтэй уулзах үеэрээ сургууль, цэцэрлэгийн хүрэлцээг нэмэгдүүлж, жижиг дунд үйлдвэр эрхлэгчдийг дэмжиж, авто замын түгжрэлийг бууруулахад онцгой анхаарч ажиллаж буйгаа танилцуулсан юм.

УИХ-ын гишүүн Г.Амартүвшингийн санаачилгаар Хан-Уул дүүрэгт Улсын болон Нийслэлийн төсвийн хөрөнгө оруулалтаар дараах төслүүд хэрэгжиж байна.

2021 онд санаачлан хэрэгжүүлж буй төслүүд:

• ХУД-ийн 2-р хороо 67-р цэцэрлэгийн өргөтгөл 120 ортой
• ХУД-ийн 4-р хороо 145-р цэцэрлэгийн өргөтгөл 100 ортой
• ХУД-ийн 20-р хороо 240 ортой шинэ цэцэрлэгийн барилга
• ХУД-ийн 20-р хороо Эрүүл мэндийн нэгдсэн төв тоног төхөөрөмжийн шинэчлэлт
• ХУД-ийн 7-р хороо Хаш-Чагнуур өрхийн эрүүл мэндийн төв тоног төхөөрөмжийн шинэчлэлт
• ХУД-ийн 16-р хороо Усан спортын төв тоног төхөөрөмжийн шинэчлэлт
• ХУД-ийн 6-р хороо Хөгжлийн бэрхшээлтэй иргэдэд үйлчлэх нэг цэгийн төв засвар
• ХУД-ийн 6-р хороо Хөгжлийн бэрхшээлтэй иргэдэд үйлчлэх нэг цэгийн төв тоног төхөөрөмжийн худалдан авалтын ажлуудыг улсын төсөвт суулган хэрэгжүүлж байна.

2022 онд санаачлан хэрэгжүүлэх төслүүд:

• ХУД-ийн 18-р хороо 200 ортой шинэ цэцэрлэгийн барилга
• ХУД-ийн 4-р хороо Бага сургууль, цэцэрлэгийн цогцолбор барилга
• ХУД-ийн 8-р хороо 640 суудалтай шинэ сургуулийн барилга
• ХУД-ийн 7-р хороо 60-р сургуулийн спорт заалны барилга зэрэг ажлуудыг улсын төсөвт суулган хэрэгжүүлэхээр төлөвлөөд байна.

Нийслэлийн авто замын түгжрэлийг бууруулах ажлын хүрээнд 2022 онд:

• Наадамчдын авто замаас Энхтайваны өргөн чөлөө хүртэлх авто замын гүүрний төсөл
• Зайсангийн гүүрний төмөр бетон өргөтгөл хийх төсөл
• Ээрмэлийн гудамжийг Туул гол гудамжтай холбох авто замын төсөл
• Номин Юнайтед их дэлгүүрийн баруун талын авто замаас Б.Шаравын нэрэмжит гудамж хүртэлх авто замын төсөл
• Эрдэнийн төгөл хотхоны баруун талаас Хүннү хорооллын авто зам хүртэлх авто замын төсөл
• ЕБ-ын 115-р сургуулийн баруун талаар Туул гол гудамжийг Б.Шаравын нэрэмжит гудамжтай холбох авто замын төсөл
• Чингисийн өргөн чөлөөнөөс баруун тийш Үйлдвэрийн гудамжтай холбох авто замын төслийг тус тус нийслэлийн хөрөнгө оруулалтаар хийхээр төлөвлөөд байна.