С.Бямбацогтод холбогдох хэргүүд замхарсаар, УИХ-ын гишүүний бүрэн эрхийг нь түдгэлзүүлэх ёстой

Ховд аймгаас удаа дараа УИХ-д сонгогдсон эрхэм гишүүн С.Бямбацогт өдгөө УИХ-ын Хууль зүйн байнгын хорооны дарга тэрбээр энэ байнгын хороог тэргүүлэх ёс зүйгүй цаашлаад УИХ-ын гишүүн байх эрхгүй гэж хэлж болно.

Өөрөөр хэлбэл; Тэрбээр Хууль зүйн сайд байх хугацаандаа Ховд аймгийн Цэцэг, Алтай сумдын заагт орших Улсын тусгай хамгаалалтай газар болох Мянган угалзтын нуруу цагаан эрэгт байгалийн ховор элемент гянтболд олборлох ажил 2016-2017 оны хугацаанд "Өгөөжтэй өв" ХХК явуулж авилга албан тушаал, хууль бус ашигт малтмал олборлолт, мөнгө угаах гэмт хэрэг хийсэн гэж 2018 онд АТГ шалгаж эхлээд 2020 оны 11 сард хэргийг шүүхэд шилжүүлсэн.

Гэтэл уг хэрэгт оролцсон хууль бус ашигт малтмал олборлосон мөнгө угаасан бохир мөнгөнөөс УИХ-ын гишүүн С.Бямбацогт хувь хүртсэн, хамтран оролцсон үндэслэлээр түүнд хэрэг үүсгэж шалгаж байгаад хэргийг тусгаарлаж авч үлдэн бусад хүмүүсийг шүүхэд шилжүүлсэн. Өдгөө түүний хэрэг АТГ-т шалгагдаж байгаа гэх боловч ямар түвшинд явж байгаа нь ихэд нууц хаалттай байгаа нь энэ хэрэг замхарч алга болох вий гэсэн хардлага төрүүлж байна. 

Хууль яагаад тэгш үйлчлэхгүй, хуулийн байгууллага яагаад түүний хэргийг тусгаарлаад байна гэдэг нь тэрбээр эрх мэдэлтэй, УИХ гишүүний халдашгүй дархан эрхтэй байгаа учраас шалгалтын ажилд саад учруулах, зүй бус нөлөөлөл учруулсаар ирлээ.

Жирийн иргэн, төрийн дунд шатны албан хаагч 30 гаруй хүний хэрэг шийдэгдээд дуусах гэж байхад УИХ-ын гишүүний хэрэг улам бүдгэрэх нь хэвийн үзэгдэл болжээ. 

УИХ-ын гишүүн С.Бямбацогтын өмнөх хэрэг дуусаагүй байхад тэрбээр Монгол улсын Хөгжлийн банкнаас “Ховд эко цемент төсөл” үйлдвэр барих төсөл дээр их хэмжээний зээл авсан “Вестерн Холд” ХХК-иар дамжуулан 61,093,519,183 төгрөг зээл авсан үлдэгдэлтэй зээлийн хүүгийн өртэй явна.

Хөгжлийн банктай холбоотой зээл төсөл хөтөлбөрүүдийг шалгаж нийтэд ил болгосон даруй С.Бямбацогт гишүүн яаран төрийн ордонд 2022 оны 02 сарын 01 өдөр  "Ховд эко цемент" төслийн өмнөөс хэвлэлийн хурал зарлаж надад огт хамааралгүй, энэ төсөл зогсох ёсгүй гэх мэтээр төслийн бүх мэдээллийг нарийвчлан ярьж  өөртэйгөө холбоотой гэдгээ батлаж өгөв.

Өдгөө АТГ шалгалт явуулж байгаа үүнд С.Бямбацогт гишүүн дахин шалгагдах нь тодорхой, түрүүлж дугарсан хөхөөний ам уг нь хөлддөг, гэтэл мань эр УИХ-ын гишүүний халдашгүй бүрэн эрхээр дулдуйдан хэргээс дахин мултрах уу

УИХ-ын гишүүн С.Бямбацогтын шалгадаж буй хэрэг олон болж хохирол нь ихэссээр байгаа тул Улсын Ерөнхий прокурор та бүрэн эрхийг нь түдгэлзүүлэх хүсэлт УИХ-ын хаврын чуулганд оруулна гэдэгт итгэж байна.

С.Баяр