Сүүлийн таван жилд 9134 явган зорчигч автомашинд мөргүүлжээ



1-р сарын 20 | 15 цаг 20 минут
237

 Сүүлийн таван жилийн хугацаанд автомашинд мөргүүлсний улмаас 709 хүн амиа алдаж, 9134 хүн гэмтжээ.

ТЦА-наас мэдээлснээр 2021 онд зам тээврийн ослын улмаас гэмтсэн 2475 хүний 1095 буюу 44.2 хувь нь явган зорчигч байгаа юм. Үүнээс нийслэлд, 875 буюу 79.1 хувь, орон нутагт 220 буюу 20.1 хувь эзэлж байна. Мөн ослын улмаас 383 хүн амиа алдсаны 129 буюу 33.6 хувь нь явган зорчигч байгаагаас нийслэлд 72 буюу 55.8 хувь, орон нутагт 57 буюу 44.2 хувийг эзэлж байна.

Гэмтэж бэртсэн явган зорчигчдын 80 орчим хувь нь нийслэл хотод шөнө, оройн цагаар осолд өртсөн байна. Хөдөлгөөнд оролцож байгаа иргэдийн дийлэнх буюу 80-90 орчим хувь нь хар бараан хувцас өмсөж, гарц гармаар зам хөндлөн гарч байхдаа автомашинд мөргүүлэх тохиолдол их гарчээ.

Шөнө автомашиныхаа ойрын гэрлийг асааж яваа жолоочид явган зорчигч

  • хар өнгийн хувцастай бол 17 метрээс бага,
  • хөх өнгийн хувцастай 17 метр,
  • улаан өнгийн хувцастай 24 метр,
  • шар өнгийн хувцастай 37 метр,
  • цагаан өнгийн хувцастай 55 метр,
  • гэрэл ойлгогч хантаазтай бол 130-150 метрээс харагддаг байна.




АНХААРУУЛГА: Уншигчдын бичсэн сэтгэгдэлд манай байгууллага хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

©2025 он, Magic Global Media LLC, Зохиогчийн эрх хуулиар хамгаалагдсан.
Утас: 9902-9827, 88089616 Мэйл: magicglobalmedia@gmail.com