АНУ-ын цэргийн эмч нар коронавирусын боломжит бүх хувилбарын эсрэг "супервакцин" бүтээжээ

АНУ-ын цэргийн эмч нар Ковид-19-ийн эсрэг шинэ вакцины эмнэлзүйн туршилтын эхний үе шат амжилттай болсныг зарлав.

Уолтер Ридийн нэрэмжит үндэсний цэргийн эмнэлгийн төвд боловсруулсан вакцин нь  Omicron-аас гадна коронавирусын одоо байгаа бүх хувилбаруудаас, тэр байтугай зарим талаараа бусад халдвараас хамгаална гэж амалж байна.

Гэсэн хэдий ч зарим шинжээчид вакцин бүтээгчдийн мэдэгдэлд эргэлзэж байгаа аж.

Вакцинжуулалт нь Ковид-19-тэй тэмцэх хамгийн үр дүнтэй хэрэгсэл хэвээр байна. Вашингтон мужийн хамгийн сүүлийн үеийн статистик мэдээллээс харахад бүрэн вакцин хийлгэсэн 65-аас дээш  настнуудын эмнэлэгт хандсан тоо вакцин хийлгээгүй хүмүүсээс 13 дахин, мөн нас баралтын хувь 15 дахин бага байна.

Дэлхий дахинд хоногт шинээр бүртгэгдэж байгаа халдварын тохиолдол /сая-аар/

 Гэсэн хэдий ч  Омиркон хувилбар нь аль хэдийн вакцин хийлгэж, эдгэрсэн өвчтөнүүдэд илүү олон удаа халдварласан төдийгүй эрдэмтэд вирус мутацид орох тусам бидний дархлааны хамгаалалтыг илүү сайн даван туулж эхэлдэг гэдэгт итгэлтэй болсон.

Дуулдаж буй сайн мэдээ гэвэл Америкийн Уолтер Ридийн үндэсний төв (WRAIR) энэ асуудлын шийдлийг олсон гэж мэдэгдэв.  SpFN вакцин нь амьтан дээр хийсэн лабораторийн туршилт болон  хүн дээр хийсэн клиник туршилтаар маш сайн үр дүнг үзүүлж, эхний үе шатыг давжээ.

Энэ вакцин нь одоо байгаа болон коронавирусын болзошгүй бүх хувилбараас нэг дор (наад зах нь хэсэгчлэн) хамгаална гэж үзэж байна. Энэ талаар бүтээгчдийн зүгээс дархлааны хариу урвал "бусад вакцинаас хамаагүй илүү хүчтэй" гэжээ.

Энэхүү вакциныг SpFN (Spike-Ferritin Nanoparticles) гэж нэрлэж байгаа бөгөөд одоогийн энэ цар тахлаас бүр өмнө боловсруулж хөгжүүлж баайжээ.  Ингэхдээ  цэргийн эмч нар коронавирусын өмнөх үеийн "SARS"  болон Ойрхи Дорнодын амьсгалын замын хам шинж (MERS)-ийн ойрын төрлүүдийн  халдварт өвчнөөс хамгаалах вакцин зохион бүтээхийг зорьж байжээ.

Вакцин Sars-Cov-2-ийн бүх хувилбараас хамгаалах өндөр магадлалтай гэдгийг WRAIR-ийн хөгжүүлэгчид 2020 оны 6-р сард баталжээ.

Мөн 2022 оны эхээр тэд 72 сайн дурынхны оролцоотойгоор SpFN-ийн эмнэлзүйн туршилтуудын эхний үе шат амжилттай болсныг ийнхүү зарлалаа.

Эх сурвалж: ВВС