Өнөөдөр "Дэлхийн Өнчин Хүүхдүүдийн Өдөр"

Эл өдрийг Их Британид 2006 онд "Оддын Сан" буюу ядуурал,  дайн,  дох, байгалийн гамшгийн улмаас өнчирсөн, дүрвэсэн хүүхдүүдийн талаарх ойлголтыг нийгэмд нэмэгдүүлэх, хандив цуглуулах зорилготой байгууллага "Дэлхийн Өнчин Хүүхдүүдийн Өдөр"-ийг 11-дүгээр сарын 8-нд анх удаа тэмдэглэж байжээ.

Тухайн өдрийн гол санаа нь дэлхий даяарх өнчин хүүхдийн талаарх өнөөгийн байдлын талаар ойлголт өгөх явдал байв.  Өнчин хүүхдүүдэд зохих анхаарал халамж, хүндэтгэл, аюулгүй байдлыг мэдрүүлэх  замаар тэднийг ойлгож дэмжихийг дэлхий дахинд уриалж эхэлсэн чухал өдөр юм. 

Түүхээс цухас дурдахад дэлхийн анхны асрамжийн газрыг Ромчууд МЭӨ 400 онд байгуулж байжээ.  Асрамжийн газар нээх гол шалтгаан нь эцэг эхээ алдсан, асран хамгаалагчгүй хүүхдүүдэд хоол хүнс, орон байр, эрүүл мэндийн бусад хэрэгцээг хангах явдал байв.  Тухайн үеийн Грекийн хуулийн тогтолцоонд өнчин хүүхдүүдэд 18 нас хүртэл нь санхүүгийн дэмжлэг олгохоор заагдсан байдаг нь одоог хүртэл өнчин хүүхдүүдэд тусгагдсан дэлхийн ихэнхи оронд мөрдөгдөж буй хуулийн үндэс билээ. 

                                                                                                                                            И. Шинэбат