MVP-н чансаа шинэчлэгдлээ

NBA-н шинэ улирал эхлээд төдийлөн хугацаа өнгрөөгүй ч “Үнэ Цэнтэй Тоглогч”-ийн өрсөлдөөнд шилдэг тоглогчид хэдийнээ байр сууриа тогтоож эхлээд байна. Ингээд та бүхэнд NBA-н “Үнэ Цэнтэй Тоглогч”-ийн өрсөлдөөний эхний 5 тоглогчийг танилцуулъя.

1. Кевин Дурант – Брүүклин Нетсийн улирал Каяри Өрвингийн тоглохгүй болсон, Жэймс Харденгийн хангалттай хэмжээнд өөрийн нөлөөгөө үзүүлж чадахгүй байгаа зэрэг шалтгааны улмаас бага зэрэг асуудалтай үргэлжилж байгаа ч К.Дурант өөрийн үүргийн тун сайн ухамсарлан багаа тэргүүлэн тоглосоор байна. Мөн тэрээр одоогоор сүүлийн 35 жилийн хугацаанд 25-аас дээш оноог дундажлахдаа 55-аас дээш хувьтай довтолж байгаа Lebron-оос хойших анхны жижиг довтлогч болоод байгаа.        

2. Стефен Көрри – Көрри энэ улиралд өнгөрсөн улиралтайгаа харьцуулахад холын зайн шидэлт, довтолгооны хувь буурсан ч гэлээ Уорриорс лигийг тэргүүлэгчдийн эгнээнд бичигдсээр байна. Түүнийг талбай дээр байгаа нөхцөлд ямагт бусад багийн анхаарлыг өөр дээрээ төвлөрүүлж бусаддаа илүү чөлөөтэй довтлох боломжийг олгодог нь түүнийг энэ жагсаалтын хоёрдугаарт бичигдэх хангалттай шалтгаан болж байгаа юм.

3. Жимми Батлер – Миами Хийт-ийн тоглолтууд энэ улиралд өөлөх зүйлгүй байгаа гэхэд хэлсдэхгүй. Одоогоор Миами Хийт баг 6-2 гэсэн амжилттай дорнод бүсийн хоёрдугаар байранд бичигдэж байна. Мэдээж бүх тоглолтуудад Жимми багаа хамгаалалт довтолгоо дээр тэргүүлж маш үр нөлөөтэй тоглож байгаа нь түүнийг энэ жагсаалтын гуравдугаарт эрэмбэлэхэд хүргэжээ.

4. Жа Морант – Энэ жагсаалтын хамгийн залуу, таамагт төдийлөн яригдаж байгаагүй тэсрэлт хийж буй  тоглогч бол Мемфис Гриззлис багийн хамгаалагч 22 настай Жа Морант юм. Гриззли баавгайнуудын хувьд улирлыг тун давгүй өөлөх зүйл багатайгаар эхлүүлж байгаа. Энэ нь ч Морантын тогтмол сайн тоглолттой шууд холбоотой бөгөөд түүний будагтай талбайн оноо дундаж оноо авалт лигт хоёрдугаарт бичигдэж байгаа нь яалтч үгүй гайхмаар үзүүлэлт. Мемфис Гриззлис одоогоор өрнөд бүсийнхээ 6-р байрт бичигдэж байна.

5. ДеМар Дерозан – Улирлаа үлгэр мэт эхлүүлж, мэргэжилтнүүдийн таамгаас илүү гарсан тоглолтуудыг хийж байгаа баг бол Чикаго Буллс юм. Бухнууд одоогоор 6-2 гэсэн амжилттай бүсийнхээ гуравдугаарт жагсаж байна. Тэд энэ улирал бүрэлдэхүүнээ зузаатгаж ДеМар болон Лонзо, Каруссо зэрэг тоглогчдоор хүч нэмж дорнод бүсийн тэргүүлэгчдийн эгнээд бичигдэж эхлээд байгаа. Тэдний дундаас хамгийн онцгойрч багтаа шууд үр нөлөөгөө үзүүлж буй нь гарцаагүй Демар Дерозан. Аналистуудын таамгаар Зак Лавины зэрэгцээ ДеМар түүнээс илүү гарсан тоглолтыг үзүүлж чадахгүй болов уу гэсэн таамгыг тэрээр үгүйсгэж бухнуудад тун сайн зохицож байгаагаа харууллаа. Тэр хэлэхдээ “Энэ бол миний замналын хамгийн сайхан үе” ч гэж хэлээд амжсан.   

                                                                                                                    И. Шинэбат