10 сая ам.долларын авлигын асуудлаар Ерөнхий сайдыг албан ёсоор тайлбар хийхийг хүсэв
Ерөнхий сайд У.Хүрэлсүхийн кабинетэд ажиллаж байгаа нэг сайдыг 10 сая ам.долларын асуудалд холбогдсон гэх мэдээлэл хэвлэлүүдээр цацагдаад буй. Тодруулбал, уг авлига авсан сайдад УУХҮ-ийн сайд Д.Сумъяабазар, Эрчим хүчний сайд Ц.Даваасүрэн нарын нэр яригдаж байгаа ч тэд хоёулаа энэхүү мэдээллийг үгүйсгэсэн юм.
Харин энэхүү мэдээлэл цацагдаад байгаа эдгээр өдрүүдэд Ерөнхий сайд У.Хүрэлсүх хөдөө орон нутагт ажиллаж байгаа тул албан ёсны байр сууриа илэрхийлээгүй байна.
Тэгвэл УИХ дахь АН-ын Зөвлөлөөс Ерөнхий сайд У.Хүрэлсүхэд 10 сая ам.долларын асуудлаар албан ёсоор байр сууриа илэрхийлэх албан бичгийг илгээлээ. Бичигт БНХАУ-руу Ерөнхийлөгчийн айлчлалын бүрэлдэхүүнд багтаж явсан Засгийн газрын гишүүд уг асуудалд холбогдсон эсэх талаар мэдээллийг бидэнд яаралтай ирүүлнэ үү гэжээ.
Дашрамд сануулахад уг асуудалд, ХЗДХ-ийн сайд Ц.Нямдорж, ЗГХЭГ-ын дарга Л.Оюун-Эрдэнэ нар "Одоогоор ийм мэдээлэл хууль хяналтын байгууллагад ирээгүй" хэмээн тайлбар өгөөд байгаа билээ.
Сэтгэгдэл бичих хэсэг