Шуурхай мэдээ:


Баруун таван аймгийн барилгачид Ерөнхий сайд У.Хүрэлсүхэд хандлаа

4-р сарын 10 - 15 цаг 35 минут

Баруун таван аймгийн барилгачид Ерөнхий сайд У.Хүрэлсүхэд хандлаа

Бүтээн байгуулалтын улирал эхэлж байгаатай холбогдуулан Баян-Өлгий, Ховд, Увс, Завхан, Говь-Алтай аймгийн барилгачид гүйцэтгэх засаглалын тэргүүнд хандаж уриалга гаргажээ. Уриалгад “Гүйцэтгэх засаглалын тэргүүн Танд урин хаврын мэндийг дэвшүүлье. Засгийн газраас Монгол Улсын хөгжил дэвшилд онцгой үүрэгтэй, хүн амын аж амьдралыг сайжруулахад чиглэсэн томоохон төсөл, хөтөлбөрүүдийг хэрэгжүүлэхээр шамдан ажиллаж байгааг талархан хүлээж авч байгаагаа үүгээр илэрхийлье. Өмнөө тавьсан зорилт, бүтээн байгуулалтын томоохон ажлуудаа хөдөлгөх таатай улирал ирлээ. Багачуудынхаа сурч боловсрох эрхийг эн тэргүүнд тавьж сургууль, цэцэрлэгийн тоог нэмэгдүүлэх, эрүүл мэндийн үйлчилгээний хүртээмжийг нэмэгдүүлэх, хүн амаа орон сууцаар хангах зэрэг бүтээн байгуулалтын ажлын тэргүүн эгнээнд барилгын салбарынхан туг болон манлайлан оролцсоор ирсэн билээ.

Нийслэл Улаанбаатар хотоос 1000-аас дээш км-ээр алслагдсан баруун таван аймгийн барилгын салбарынхныг тээврийн зардал, үнийн өсөлт туйлдуулж, өсөж дэвжих, ажлын байр нэмэгдүүлэх, техник технологио шинэчлэн сайжруулах боломжийг боомилсоор өнөөдөртэй золгож байна. Үнийн өсөлт буюу бүс нутгаасаа хамаарсан өндөр өртөг зардал ганц барилгын салбарын хөгжлийг чөдөрлөөд зогсохгүй баруун таван аймагт, тэр дундаа эх орныхоо хязгаар нутагтаа эзэн болон суугаа хүн бүрийн нуруун дээр хүнд болж дарамт үүсгэдэг. Улаанбаатараас тээвэр хийхэд чамгүй хугацаа алддаг нь ч бидэнд учирдаг том хохирлын нэг юм. 

Барилгын хамгийн гол бүтээгдэхүүн болох цементийн үнэ баруун таван аймагт нийслэл Улаанбаатарынхаас хамгийн багадаа хоёр дахин өндөр байна. Засгийн газраас бүсчилсэн хөгжил болон үйлдвэржилтийн бодлогын хүрээнд баруун таван аймгийн хэрэгцээг хангах зорилгоор цементийн үйлдвэр барьж байгуулах шийдвэр гаргаад цөөн биш оныг үдэв. Баян-Өлгий, Ховд, Увс, Завхан, Говь-Алтай аймгийн хэрэгцээг бүрэн хангах цементийн үйлдвэрийн бодит шаардлага нь бидний өдөр тутамд илүү төлдөг өндөр өртгөөр хэмжигдэж байдгийг Танд дуулгая.

Мэргэжилтнүүдийн хийсэн тооцоогоор баруун бүс нутгийн цементийн хэрэгцээг бүрэн хангах хүчин чадалтай үйлдвэрээ шуурхайлаад барьчихвал 250-350 тогтмол ажлын байр шинээр бий болж, орон сууцны үнэ 30-40 хувиар хямдрах, жил бүр татварт багагүй хөрөнгө мөнгө төвлөрүүлж, нийслэлээс татдаг тээврийн зардлаас 43 тэрбум төгрөг хэмнэх боломжтой. Үүнээс гадна баруун таван аймаг сумдаа бетонон замаар холбох хөгжлийн шинэ боломжууд ч цэлийтэл нээгдэх учиртай. Шинэ үйлдвэрүүд хаалгаа нээгээд, жигд ажиллаад эхэлбэл бүс нутгийн ядуурлын төвшин ч тодорхой хэмжээгээр буурна.

Бүсчилсэн хөгжлийн бодлого, Үйлдвэржилтийн бодлого, Эдийн засгийг сэргээх хөтөлбөр, Засгийн газрын “21:100” хөтөлбөрт баруун бүс нутагт барилгын материалын үйлдвэрлэлийг хөгжүүлэх зорилгоор жилд 220 мянган тонн цемент үйлдвэрлэх хүчин чадалтай үйлдвэр барих шийдвэр нэгэнт гарчихсан. Одоо үйлдвэрээ шуурхай барьж эхлэхийг хүлээж байна.

Иймд Ерөнхий сайд У.Хүрэлсүх Танд хандаж бүтээн байгуулалтын ажлуудыг шуурхай явуулах, орон сууцны өртгийг бууруулах, бүс нутагт барилгын материалын үйлдвэрлэл хөгжих үндэс суурийг тавих энэ асуудалд онцгой анхаарал хандуулж, шийдэмгий алхам хийхийг баруун таван аймгийн барилгачид, бүтээн байгуулагчдын нэрийн өмнөөс уриалж байна. Таны тэргүүлсэн Засгийн газрын алслагдсан бүс нутагт амьдран суугаа иргэддээ хөгжих боломж олгосон, үйлдвэржилтийг бодитоор дэмжсэн, ажлын байр нэмэгдүүлсэн шийдвэр болгоныг талархан хүлээн авч хүч хавсран хамтран ажиллахдаа таатай байх болно” гэжээ.

 

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Гадаад харилцааны сайд Д.Цогтбаатар БНЧУ-д айлчилна6 цаг 13 минутын өмнөШууд: АН-аас цаг үеийн асуудлаар мэдээлэл хийх гэж байна6 цаг 14 минутын өмнөМонгол Ардын Намын “Эв нэгдлийн цом-2019” спортын наадам эхэллээ5 сар 16. 17:49Монгол Улсын Ерөнхий сайд Говь-Алтай аймгийн иргэдтэй уулзав5 сар 16. 17:4410 сая ам.долларын авлигын асуудлаар Ерөнхий сайдыг албан ёсоор тайлбар хийхийг хүсэв5 сар 16. 17:32С.Зориг агсны амийг хохироосон хэргийн шүүхийн шийдвэрийг нууцаас гаргалаа5 сар 16. 17:27Ерөнхийлөгч Захиргааны Ерөнхий хуульд хориг тавьж магадгүй гэх мэдээллийг ЗГХЭГ-ын дарга баталлаа5 сар 15. 17:33У.Хүрэлсүх: Эрдэнэбүрэнгийн УЦС-ын төслийг эрчимжүүлнэ5 сар 15. 17:30АТГ: С.Баярцогтын хэргийг хаагаагүй, үргэлжлүүлэн шалгаж байна5 сар 10. 18:35Монгол Улсын эдийн засаг, нийгмийг 2018 онд хөгжүүлэх үндсэн чиглэлийн биелэлтийн тайланг хэлэлцэв5 сар 10. 18:32ТОП татвар төлөгчдөд талархал илэрхийллээ5 сар 9. 17:34Чуулган: Ашигт малтмалын тухай хуулийг хэлэлцэж эхэллээ5 сар 9. 17:27Чуулган: Ерөнхий аудитороор Д.Занданбатыг томиллоо5 сар 9. 17:20УИХ-ын Тамгын газрын даргын ЕНБД-аар Л.Өлзийсайханыг томиллоо5 сар 9. 17:17Д.Дамба-Очир: Надад Оюутолгойд ямар ч ашиг сонирхлын зөрчил байхгүй5 сар 9. 17:12Б.Чойжилсүрэн, М.Оюунчимэг нарыг улирааж, Х.Болорчулуун, Ж.Ганбаатарыг шинээр сонголоо5 сар 9. 17:09Брокерын эрх олгох сургалт хоёр дахь өдрөө амжилттай явагдаж байна5 сар 7. 16:05МАХН: Нөхөн сонгуулийг хойшлуулж Хэнтийн сонгогчдын эрх ашгийг зөрчиж байна5 сар 7. 16:00Дээд шүүхийн Ерөнхий шүүгчид Х.Батсүрэнг нэр дэвшүүллээ5 сар 7. 15:57УИХ-ын Тамгын газрын даргаар Л.Өлзийсайхан яригдаж байна5 сар 7. 15:53УИХ-ын дарга Г.Занданшатар: Магадгүй, дэлхийн хамгийн эртний мэргэжил малчин байх5 сар 7. 15:48Эдийн засгийн байнгын хорооны даргад Ж.Ганбаатарыг дэмжлээ5 сар 7. 15:45Шүүгчдэд хариуцлага тооцохгүй болсноор дураараа авирлах болсон5 сар 3. 16:42Докторын хөтөлбөрийг олон улсад хүлээн зөвшөөрүүлэх төсөл хэрэгжиж байна5 сар 3. 16:35"Филадельфи 76" талбайдаа "Торонто Рэпторс" -ийг буулган авлаа5 сар 3. 16:33Гурван эрийн түүх буюу үхэл, тэмцэл, амьдрал...5 сар 3. 16:30Паркер эхийн амьдрал (Өгүүллэг)5 сар 3. 16:22Наро Банчэн гэгээн: Энэ нийгэмд сайхан сэтгэл, ёс суртахуун л дутагдаж байна5 сар 2. 17:17Бүтээн байгуулалтын ажилд 411 тэрбум төгрөгийн хөрөнгө оруулалт хийнэ5 сар 2. 17:09"33 их наяд цэвэр хулгайн өмч. Энэ өмч хөрөнгийг олж авсан үйлдлийг мөрдөн шалгах эрх нь байгаа шүү"5 сар 2. 17:01
99703993, 80830505 

info@livenews.mn
© Зохиогчийн эрх хуулиар хамгаалагдсан. LiveNews.MN 2019