УИХ-ын гишүүн Б.Ундармаа Капитал банкинд хувьцаа эзэмшдэггүй гэж мэлзсэн ч....
"Капитал" банк дампуурч, татан буугдсаныг Монголбанкнаас өчигдөр албан ёсоор зарласан. Уг банкинд Нийгмийн даатгалын сангийн 101 тэрбум төгрөг байгаа аж. Тиймээс энэ асуудлаар болон банкных нь асуудлаар Капитал банкинд хувьцаа эзэмшдэг УИХ-ын гишүүн Б.Ундармаагаас тодруулахад “Би Капитал банкинд ямар ч хувьцаа эзэмшдэггүй. Нийгмийн даатгалын сангаас байршуулсан мөнгөний талаар Хүн, амын хөгжил нийгмийн хамгааллын сайдаас асуу. Үүнд улс төрийн нөхцөл байдал орсон” гэхээс өөр үг хэлсэнгүй.
Хэдийгээр тэрбээр би Капитал банкинд ямар хувьцаа эзэмшдэггүй хэмээн мэлзсэн ч 2015-2018 он хүртэлх ХОМ-тээ Капитал банкны хувьцаа эзэмшдэг талаараа мэдүүлсээр иржээ.
Дашрамд сонирхуулахад, тэрбээр 2015 онд жилийн орлогоо 101 сая төгрөг, гэр бүлийн орлогоо 122 сая төгрөг гэж мэдүүлж байсан бол өнгөрсөн жил жилийн орлогоо 24 сая төгрөг, гэр бүлийн орлогоо 33 сая гэж мэдүүлжээ. Нэг тэрбум 365 сая төгрөгөөр үнэлэгдэх 1 орон сууц, нэг зуслангийн байшин, нэг үйлчилгээний зориулалттай байр, нэг үйлдвэрлэлийн зориулалттай байртай. 150 сая төгрөгийн үнэтэй Mercedes Benz,S500 автомашинтай. Нэг тэрбум 235 сая төгрөгөөр үнэлэгдэх газар эзэмшдэг. 150 сая төгрөгийн үнэт эдлэлтэй юм байна.
Э.Одбаярт оногдуулсан 100.000 төгрөгийн торгох ялыг хүчингүй болгожээ
Б.Жавхлан: Цалин урамшуулал, 36 сарын тэтгэмж гэх бүх зардал жил бүр тусгагддаг зарчмаараа орон нутгуудад шилжсэн
ТАНИЛЦ: КОВИДЫН ХУУЛИАР СОНГОН ШАЛГАРУУЛАЛТГҮЙ ТОМИЛОГДСОН ТӨРИЙН АЛБАН ХААГЧИД
МАН-ЫН УДИРДАХ ЗӨВЛӨЛ САЙД БОЛОХ ХҮСЭЛТЭЙ ГИШҮҮДЭЭ ИНГЭЖ “ШИГШИХЭЭР“ ТОХИРЧЭЭ
С.Эрдэнэ М.Тулгатыг АН-ын даргаар бүртгүүлэх хүсэлтээ энэ сарын 10-нд Дээд шүүхээс буцаан татжээ
Сэтгэгдэл бичих хэсэг