Шуурхай мэдээ:
179898-179902-180005

ТБХ: Татварын ерөнхий хуулийн төслүүдийн анхны хэлэлцүүлгийг үргэлжлүүлэв

3-р сарын 21 - 16 цаг 20 минут

ТБХ: Татварын ерөнхий хуулийн төслүүдийн анхны хэлэлцүүлгийг үргэлжлүүлэв

УИХ-ын чуулганы нэгдсэн хуралдаанаас гишүүдийн олонх Татварын ерөнхий хуулийн шинэчилсэн найруулгын төслийн анхны хэлэлцүүлгийг дахин хийх горимын саналыг дэмжсэн тул  Төсвийн байнгын хороо өнөөдрийн (2019.03.21) хуралдаан 10 цаг 48 минутад, гишүүдийн 52.6 хувийн ирцтэй эхэлж, татварын багц хуулийн төслүүдийн анхны хэлэлцүүлгийг үргэлжлүүлэв.

Хуралдааны эхэнд Татварын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд, Татварын ерөнхий хуульд нэмэлт, өөрчлөлт оруулах тухай хуулийн нэгтгэсэн төслүүдийн анхны хэлэлцүүлэгтэй холбогдуулан асуулт асуух гишүүн байсангүй. 

Иймд хуулийн төслийн талаар Улсын Их Хурлын гишүүн Д.Эрдэнэбат, З.Нарантуяа нарын зүгээс гаргасан зарчмын зөрүүтэй саналын томьёоллоор нэмж санал хураалт явуулсан. Тухайлбал, хуулийн төслийн 70 дугаар зүйлийн 70.1, 70.2, 70.4, 70.8 дахь хэсгийг хасч, мөн зүйлд дор дурдсан агуулгатай “70.2. Татвар төлөгч өөрийн ногдуулсан татвараа хуульд заасан хугацаанд төлөөгүйн улмаас татварын өр, хуульд заасан хугацаанд гомдол гаргаагүй нөхөн ногдуулалтын актын өр, эсхүл нөхөн ногдуулалтын актад гаргасан гомдлын дагуу төлөхөөр Маргаан таслах зөвлөлөөр болон шүүхээр эцэслэн шийдвэрлэгдсэн татварын өрийг татварын алба битүүмжилсэн хөрөнгө, энэ хуулийн 52.6, 52.7, 52.8-д заасан барьцааны зүйлээс Иргэний хуулийн холбогдох заалт, Шүүхийн шийдвэр гүйцэтгэх тухай хуульд заасан журмын дагуу дуудлага худалдаа зохион байгуулж, эсхүлд мөн хуульд заасан журмын дагуу шууд гэрээгээр мөнгөн хэлбэрт шилжүүлнэ” гэсэн хэсэг нэмэхийг хуралдаанд оролцсон гишүүдийн 91.7 хувь нь дэмжлээ. 

    Мөн хуулийн төслийн 70 дугаар зүйлийн 70.3 дахь хэсгийг “Татварын алба энэ хуулийн 70.2-д заасан хөрөнгийн дуудлага худалдааны үнийг Шүүхийн шийдвэр гүйцэтгэх тухай хуульд заасан журмын дагуу тогтооно” гэж, “2019.03.19-ний  өдрийн Байнгын хорооны хуралдаанаар хураасан 54 дүгээр саналын томьёоллын “70.3” гэсэн дугаарыг “70.1” гэж, төслийн 70 дугаар зүйлийн 70.6 дахь хэсгийг “Тухайн татвар төлөгч болон татварын улсын байцаагч, татварын албаны ажилтан мөнгөн хэлбэрт шилжүүлэх хөрөнгийг шууд болон шууд бус байдлаар худалдах эрхгүй” гэж 70.4 болгон өөрчлөх, “2019.03.19-ний өдрийн Байнгын хорооны хуралдаанаар дэмжигдсэн 15 дугаар саналын 15.1 дэх хэсгийн “онцгой бүрэн” гэснийг хасах” саналуудыг хуралдаанд оролцсон гишүүдийн олонх тус тус дэмжив. 

    Үргэлжлүүлэн Аж ахуйн нэгжийн орлогын албан татварын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ. 

Монгол Улсын Ерөнхийлөгч Х.Баттулгаас УИХ-ын ээлжит бус чуулганаар хэлэлцэж буй Аж ахуйн нэгжийн орлогын албан татварын тухай хуулийн шинэчилсэн найруулгын төсөлд хүргүүлсэн саналыг гишүүдэд тараасан тул Байнгын хорооны дарга Б.Чойжилсүрэн товч танилцуулав. Тэрбээр танилцуулгадаа, Улсын Их Хурлын ээлжит бус чуулганаар хэлэлцэж буй Аж ахуйн нэгжийн орлогын албан татварын тухай хуулийн шинэчилсэн найруулгын төсөлд гадаадын хөрөнгө оруулагч, гадаад улсын хуулийн этгээдүүд болон тэдгээрийн харилцан хамаарал бүхий дотоодын аж ахуйн нэгжүүдийн татварын хувь хэмжээг их хэмжээгээр бууруулах байдлаар Монгол Улсын татварын эрх ашигт үлэмж хэмжээний хохирол учруулах, уул уурхайн салбарт үйл ажиллагаа явуулдаг үндэсний томоохон компаниудын татварыг мөн их хэмжээгээр бууруулж, дотоод гадаадын аж ахуйн нэгжүүдэд татварын тэгш бус байдал үүсгэх зэрэг сөрөг нөлөөтэй олон зүйл тусгагдаж, жижиг дунд бизнесийг татварын бодлогоор дэмжих зорилготой хуулийн шинэчлэлийн үндсэн үзэл баримтлалыг алдагдуулжээ. Аж ахуйн нэгжийн орлогын албан татварын тухай хуулийн төсөлд тусгагдсан хүлээн зөвшөөрөх боломжгүй зарим зүйл, заалтуудыг засахгүйгээр баталсан тохиолдолд Монгол Улсын татварын эрх ашгийг дордуулах, татварын орлогыг бууруулах сөрөг үр дагавар шууд үүсэхээр байгаа тул хуулийн төсөлд дор дурдсан засвар, өөрчлөлтийг хийх шаардлагатай гэж үзэж байна” гэснийг дурдав. 

    Мөн Монгол Улсын эдийн засагт стратегийн чухал ач холбогдол бүхий уул уурхайн томоохон төслүүдийг хэрэгжүүлэгч гадаадын хөрөнгө оруулалттай компани, тэдгээрийн хөрөнгө оруулагч үндэстэн дамнасан корпорациудын төлөх, тайлагнах, суутгуулах татварыг онц их хэмжээгээр бууруулж, Монгол Улсын олон улсын татвар ногдуулалтыг ноцтойгоор дордуулах үр дагавартай заалтуудын хүрээнд 12 багц санал хүргүүлжээ. Түүнчлэн уул уурхайн салбарт үйл ажиллагаа явуулж байгаа, ашигт малтмал олборлох ашиглах хэд хэдэн тусгай зөвшөөрөл эзэмшигч уул уурхайн томоохон компаниудын татварыг их хэмжээгээр бууруулж, тэдгээрт жижиг, дунд аж ахуйн нэгжүүдээс илүү татварын илт давуутай байдал бий болгохоор хуулийн төсөлд шинээр тусгасан заалтуудын хүрээнд гурван багц санал, жижиг дунд бизнесийг татвараар дэмжих нэрээр хийгдэж байгаа хуулийн шинэчлэл нь бодит байдал дээр жижиг дунд аж ахуйн нэгжүүдэд үүрүүлэх захиргааны болон татварын дарамт ачааллыг нэмэгдүүлсэн заалтуудын хүрээнд таван багц санал ирүүлсэн гэж Байнгын хорооны дарга танилцуулгад дурдсан.

Ингээд Монгол Улсын Ерөнхийлөгчөөс ирүүлсэн зарчмын зөрүүтэй саналын томьёоллыг Ажлын хэсгээс багцлан санал хураав. Тухайлбал, хуулийн төслийн 22 дугаар зүйлийн 22.5.6 дахь заалт, төслийн 20 дугаар зүйлийн 20.3, 25.3 дахь хэсгийг хасах саналыг хуралдаанд оролцсон гишүүдийн олонх дэмжсэн юм. 

Хуралдааны төгсгөлд Хувь хүний орлогын албан татварын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслийн анхны хэлэлцүүлгийг хийлээ. Хэлэлцэж байгаа асуудалтай холбогдуулан асуулт асууж, зарчмын зөрүүтэй санал гаргах гишүүн байсангүй. 

Иймд дээрх татварын багц хуулийн төслүүдийн анхны хэлэлцүүлэг хийсэн талаарх Байнгын хорооны нэмэлт санал, дүгнэлтийг Улсын Их Хурлын гишүүн Б.Баттөмөр УИХ-ын чуулганы нэгдсэн хуралдаанд тус тус танилцуулахаар тогтов гэж УИХ-ын Хэвлэл мэдээлэл, олон нийттэй харилцах хэлтсээс мэдээллээ.

 
 

 

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Хуулийн байгууллагын удирдлагуудыг ҮАБЗ-ийн зөвлөмжийн дагуу чөлөөлөх төслийг МАН-ын бүлэг дэмжлээ2019, 3 сар 26. 18:17Ашигт малтмалын тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ2019, 3 сар 22. 17:27Казах иргэдийн төлөөлөлтэй уулзаж, баярын мэндчилгээ дэвшүүллээ2019, 3 сар 22. 17:24“Эрдэнэт” ХХК улсын үйлдвэрийн статустай болсноор юу өөрчлөгдөх вэ2019, 3 сар 22. 17:21Гамшгаас хамгаалах дадлага сургуулилт боллоо2019, 3 сар 22. 17:18Сэтгэцийн эрүүл мэндийн зөвлөгөө өгдөг 1800-2000 утас ажиллаж эхэллээ2019, 3 сар 22. 17:15Африкт болсон ослын дараа Boeing компани олон тэрбум долларын гэрээгээ алдлаа2019, 3 сар 22. 17:13Настай ээжээсээ мөнгө нэхдэг "Настай хүүг" танхайн хэргээр баривчилжээ2019, 3 сар 22. 17:12Тэрүнофүжи Гантулгын Ган-Эрдэнэ "Эргэн ирэлт"-ээ амжилттай эхлүүллээ2019, 3 сар 22. 17:09Наурызын баярт: КАЗАХЫН ДУУЛИАНТ ЭРЧҮҮД2019, 3 сар 22. 17:05Хараалыг арилгах арга2019, 3 сар 22. 16:38Гегелийн "Билгийн мэлмий"2019, 3 сар 22. 16:20"Эрдэнэс-Тавантолгой" ХК Канадын Мэрит сантай хамтран ажиллаж байна2019, 3 сар 21. 17:08"Хөгжлийн төлөөх түншлэл" сэдэвт Үндэсний хоршоологчдын VI чуулган боллоо2019, 3 сар 21. 17:06Н.Энхбаяр: Та нар эхлээд ЖДҮ-чдээсээ мэдүүлгээ ав2019, 3 сар 21. 17:02Чуулганы нэгдсэн хуралдаанаар Татварын ерөнхий хуулийн шинэчилсэн найруулгын төслийн анхны хэлэлцүүлгийг хийж эхэллээ2019, 3 сар 21. 16:33Нийслэл болон 9 дүүргийн намын хороод хийсэн ажлаа тайлагналаа2019, 3 сар 21. 16:28Хотын даргыг хоёр орлогчтой, Тамгын газрын орон тоог 129 хүртэл ажилтантай байхаар баталлаа2019, 3 сар 21. 16:26ТБХ: Татварын ерөнхий хуулийн төслүүдийн анхны хэлэлцүүлгийг үргэлжлүүлэв2019, 3 сар 21. 16:20Ц.Цолмон НҮБ-ын Суурин төлөөлөгчийн газрын орлогч дарга Даниэла Гашпариковаг хүлээн авч уулзав2019, 3 сар 21. 16:17Жуулчин Лас-Вегас хотын казиногоос нэг сая ам.доллар хожив2019, 3 сар 19. 17:05Edu Help Олон Улсын Боловсролын Агентлагийн Нээлттэй Өдөрлөг2019, 3 сар 19. 16:58Ж. Амарсанаа: Би маш их бүтэлгүйтлийн дундаас гарч ирсэн бүтээгдэхүүн2019, 3 сар 19. 16:49Нийслэл, дүүргийн удирдлага, гадаад харилцааны ажилтнуудад зориулсан сургалтыг зохион байгуулав2019, 3 сар 19. 16:46Албаны машины амины "зориулалтыг" халж, эхнэр хүүхдүүдийнхээ "хонины хээр" болгох ёсзүйн гажуудлаасаа хэзээ салах вэ2019, 3 сар 19. 16:44Д.Цогтбаатар: Элчин сайдуудын нэрийг ээлжит бус чуулганаар оруулахаар төлөвлөж байна2019, 3 сар 19. 16:40Байнгын хороод хуралдана2019, 3 сар 19. 16:36С.Баярцогтын оффшор бүсэд нуусан их хэмжээний ам долларын эх үүсвэр хаанаас вэ ?2019, 3 сар 19. 16:34Цензургүй яриа - Mонгол улсын Ерөнхийлөгч асан, МАХН-ын дарга Н.Энхбаяр оролцлоо.2019, 3 сар 19. 10:06Хөдөө аж ахуйн бирж Төрийн өмчит ХХК нь ноолуурын төвлөрсөн дуудлага худалдаа зохион байгуулна2019, 3 сар 15. 17:17
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019