Шуурхай мэдээ:


Албаны машины амины "зориулалтыг" халж, эхнэр хүүхдүүдийнхээ "хонины хээр" болгох ёсзүйн гажуудлаасаа хэзээ салах вэ

3-р сарын 19 - 16 цаг 44 минут

Албаны машины амины "зориулалтыг" халж, эхнэр хүүхдүүдийнхээ "хонины хээр" болгох ёсзүйн гажуудлаасаа хэзээ салах вэ

Төрийн албаны машиныг тэмээнээс том тэмдэгтэй болгох асуудал хэдэн жилийн өмнө яригдаж байсан удаа бий. Төрийн албанд хэрэглэх ёстой машин дарга нарын эхнэр хүүхдийн унаа болж дэлгүүр хэсэх, сургуульд хүргэж өгөх авах зэргээр хонины морь шиг болсон учраас л ийм санал санаачлага гарч байсан хэрэг. Төрийн албаны унаа бол татвар төлөгчдийн мөнгө байтал зүсээ хувиргаад байгаа нь тэр.  Хэдэн дарга нарын эхнэр хүүхдэд үйлчлэх, зуслан зугаалга, нар салхинд гарах унаа машиных нь хэрэгцээг төрийн  унаа, төсвийн мөнгөөр зохицуулах гэж татвар төлөгчид хуруу хумсаа хуйхлан байж хөдөлмөрлөх хэрэгтэй юу.  Энэ асуудлын цаана тангараг өргөсөн төрийн албан хаагчдын ёс зүйн сэдэв хөндөгдөж байгаа юм.

Түүнчлэн төрийн албаны машин албаны бус ажлаар зорчсон тохиолдолд иргэд 97178008 дугаарт хандах боломжтой болсон.

Саяхан Японы нэгэн сайд  албаныхаа машинаар зусландаа очсоны төлөө  уучлалт гуйж, арайтай л албан тушаалаасаа огцорсонгүй.  

2016 оны наймдугаар сард Токио хотын дарга Масүзоэ төрийн албаны машинаар долоо хоног бүр зуслан руугаа явдаг байсан нь хугацаанаасаа өмнө огцрох шалтгааны нэг болж байв.  Бусдын жишиг ийм байна. Төр төмбөгөр, ёс ёмбогор  байхын гахайлтай жишээ гэвэл энэ байх.  Монголчууд ч гэсэн ийм байж яагаад болохгүй гэж.

Даврагчдад даруулга хэрэгтэй. Үүнийг зохицуулахаар өнгөрсөн оны есдүгээр сард болсон “Төрийн албыг шинэчлэх шаардлага” сэдэвт нэгдсэн хуралдааны үеэр тухайн үеийн ЗГХЭГ-ын дарга  Г.Занданшатар  “Төрийн албаны машиныг хувийн хэрэгцээнд ашиглахыг хориглоно” хэмээн сануулж, төрийн албаны сахилга хариуцлага, дэг журмыг чангатгах тухай 258 дугаар тогтоолыг хэрэгжүүлж ажиллахаа илэрхийлж байсан удаатай.   Уг нь энэ бол алга ташин хүлээж авах аргагүй л цагаа олсон шийдвэр байсан юмсан. Харин сайдын тэр үг хэрхэн хэрэгжиж байгаа бол гэдгийг одоогийн ЗГХЭГ-ын дарга Л.Оюун-Эрдэнэ эргэж нэг харж, эргэцүүлж нэг дүгнээсэй гэсэндээ сануулж буй нь энэ.

ЗГХЭГ-ын даргын энэ мэдэгдлийн дараахан төрийн албаны машинд "Албан хэрэгцээнд" гэсэн тэмдэглэгээ нааж эхэлсэн бөгөөд харамсалтай нь харин ийм тэмдэглээтэй машин ховорхон харагдаад байгаа юм.  Ийм тэмдэглээ нааж эхэлсэн нь  төрийн албаны  автомашиныг  тэмээнээс том тэмдэгтэй болгож буй нэг хэлбэр л дээ, уг нь.

Түүнчлэн  төрийн албаны машин албаны бус ажлаар зорчсон тохиолдолд иргэд 97178008 дугаарт хандах боломжтой  болсон. Ухаандаа “албан хэрэгцээнд” гэсэн тэмдэглээтэй машинаар  супермаркетаас  хоол хүнс цуглуулаад эсвэл гоо сайхны салон, сургуулийн үүдэнд зогсож байвал тэр албан хаагчийн ар талыг бөөцийлөөд явж байна гэсэн үг. Тэгвэл дээрхи утсанд залгаж мэдээлэх ёстой болж байна.  Төлсөн татвараа нийгмийн сайн сайхны төлөө зориулах, түүнчлэн шударга ёсны төлөө иргэд энэ мэтийг мэдээлж байх нь матаас бус харин зарчим мөнөөс мөн билээ.

Журам дүрмээрээ бол хэрэв тухайн машины жолооч албаны бус хэрэгцээнд ашигласан бол авто баазаар нь дамжуулж хариуцлага тооцох, харин албан тушаалтан албаны бус зориулалтаар ашигласан бол харьяа байгууллагад нь мэдэгдэж, хариуцлага тооцох ёстой аж.  Харин харваас энэ зохицуулалт нэг л учир дутагдалтай санагдаад байгаа юм.  Албаны машинаа амины ажилд  унасан гээд албан  байгууллага, албатууд нь даргадаа хариуцлага тооцно гэвэл  үүн шиг худал юм байхгүй.  

Ядаж байхад манай дарга нарын албандаа машин унах амбиц сонирхол дийлдэшгүй.  Бээжин хотын  100 мянгаас хол давсан оюутантай төрийн өмчийн сургуулийн захирал ажилдаа унадаг дугуйгаар ирж очдог гэдгийг тэнд сурч байгаа монгол оюутнууд тодотгосон.  Харин 30-40 мянган оюутантай  манай  төрийн өмчийн сургуулийн захирал жийп л данхалзуулна.

Ерөөс дарга нар нь албаны машин унаснаар улс хөгждөггүй гэдгийг мэдрэхээрээ нэг болж байна, бид. Гэсэн хэрнээ албаны машины тоо буурах биш өссөөр байгааг ганц нэг тоо баримтаар дурдая.  

Тухайлбал, 2012 оны үед төрийн өмчид 12 мянга гаруй автомашин бүртгэлтэй байсан бол 2016 он гэхэд бараг хоёр дахин буюу 22 мянга болж нэмэгдэж байжээ.  Түүнээс хойш 2 жил өнгөрч байна, энэ тоо нэмэгдсэн үү гэхээс хасагдаагүй. 2012-2016 онд дарга нарын албан хэрэгцээнд зориулж 13.7 тэрбум төгрөгөөр Land 200 маркийн машин 119-ийг, 2.9 тэрбум төгрөгөөр Nissan Patrol маркийн жийп 40-ийг, 2.3 тэрбум төгрөгөөр Lexus 570 маркийн 13 ширхэгийг шинээр худалдан авсан баримт байна.

Өөрөөр хэлбэл, ердөө гуравхан жилд 19 тэрбум орчим төгрөгөөр дарга нарыг тансаглуулсан тоо баримт байна. Үүнд дээр шатахуун, тос, сэлбэг, жолоочийн цалин гээд зардал нэмэгдэнэ гээд тооцоорой.  Төрийн мөнгө  ёолдоггүй гэж л энэ байх.

Албаны автомашин тойрсон төрийн мөнгө ийн урссаар байна.  Энэ их зардлыг  танаж хасах, оновчтой  зарцуулах олон боломж байгаа нь маргаангүй.  Тэдгээрийн нэг нь албаны унааны амины “зориулалтыг “ халж,  эхнэр хүүхдүүдийнхээ “хонины хээр”  болгодог ёс зүйн гажуудлаасаа салах явдал  юм.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Зүрх /Сургамжит өгүүллэг/4 сар 24. 17:24Б.Болормаа: Аавын охин-оос бурханд бичсэн захидал4 сар 24. 17:18“Ажилгүйдэл, ядуурлыг бууруулах үндэсний хөтөлбөр”-ийг батлав4 сар 24. 17:13Химийн хортой, аюултай хаягдал бий болгож орчныг бохирдуулж байгаа аж ахуйн нэгжүүдэд ажиллав4 сар 24. 17:09Оюуны өмчийг эдийн засгийн эргэлтэд оруулах тухай хуулийн төсөл өргөн барилаа4 сар 24. 17:05"6 хүртэлх насны хүүхдүүдэд шүдний эмнэлгүүд үнэ төлбөргүй үйлчилж байна"4 сар 22. 17:18НИТХ-ын төлөөлөгч, МАН-ын ерөнхий нарийн бичгийн дарга Д.Амарбаясгалан тойрогтоо ажиллаж байна4 сар 22. 17:01Хатуу түлшний хэрэглээ тал хувиар буурахаар утаа тэр хэмжээгээр буурах нь бодитой зүйл4 сар 22. 16:57Намын бүлэг ажлын хэсгүүд хуралдана4 сар 22. 16:532020 он гэхэд гадаадын жуулчдын тоог 1 саяд, салбарын орлогыг 2.8 их наяд төгрөгт хүргэх зорилтыг дэвшүүлcэн4 сар 22. 16:47“Глобал хурд” компанийн захиалгаар баригдаж байгаа барилга дээрээс блок унаж, хүн гэмтжээ4 сар 19. 19:20Улсын тэмдэгтийн хураамж төлөхөд татварын албанд очих шаардлагагүй4 сар 19. 19:16Олон нийтийн радио, телевизийн Үндэсний зөвлөлийн гишүүдэд нэр дэвшигчдийг дэмжлээ4 сар 19. 16:58Ерөнхийлөгч Монгол судлаач эрдэмтэд талархал илэрхийллээ4 сар 19. 16:54Капитал банкаар үйлчлүүлж байсан ахмадууд Хаан банкнаас тэтгэврээ авна4 сар 18. 17:12АНУ-ын Конгресс Монголын ноолуурт ногоон гэрэл асаах уу4 сар 18. 17:09Чуулганы нэгдсэн хуралдаантай4 сар 18. 17:06Ерөнхий прокурорын орлогч нарын томилгоог хэлэлцэж эхэллээ4 сар 18. 17:02Японд ур чадвартай ажилтан илгээх санамж бичиг байгууллаа4 сар 18. 17:00Жирэмсэн эхнэрээ зодсон этгээдийг эрэн сурвалжилж байна4 сар 16. 17:14Парисын Дарь эхийн сүм шатжээ4 сар 16. 17:11Ерөнхийлөгч Макрон Дарь эхийн сүмийг сэргээн босгоно гэв4 сар 16. 17:07Б.Бат-Эрдэнэ Нью-Йоркод 2 жил дараалан түрүүлэв4 сар 16. 17:02NBA: "Филадельфи 76" өнөөдөр талбай дээрээ алдаагаа засав4 сар 16. 16:59Хууль тогтоогч эрхмүүддээ итгэх үү, хуулийн байгууллагадаа итгэх үү4 сар 16. 16:55Шинээр томилогдох Элчин сайд нар хэн бэ4 сар 16. 16:52Ханх сумын удирдлагуудад фургон автомашин гардуулан өглөө4 сар 16. 16:49С.Зоригийг хөнөөсөн хэргээр УИХ-д ярьж байгаагүй. Бас Америкт айлд толгой хорогдож үзээгүй4 сар 16. 16:35Ерөнхий прокурорын орлогч асан Б.Амгаланбаатарын ЖДҮХС-гаас зээл авсан хэргийг хаана4 сар 16. 16:31“Хорвоог таних гэмээ нь төрсний хэрэг бүтэх учиртай”4 сар 15. 17:15
99703993, 80830505 

info@livenews.mn
© Зохиогчийн эрх хуулиар хамгаалагдсан. LiveNews.MN 2019