Шуурхай мэдээ:
179898-179902-180005

УИХ-ын дарга Г.Занданшатарын айлчлалаар хоёр тал тодорхой асуудлуудаар нэгдсэн шийдэлд хүрлээ

3-р сарын 14 - 15 цаг 52 минут

УИХ-ын дарга Г.Занданшатарын айлчлалаар хоёр тал тодорхой асуудлуудаар нэгдсэн шийдэлд

Швейцарийн Холбооны Улсад албан ёсны айлчлал хийж буй Монгол Улсын Их Хурлын дарга Гомбожавын Занданшатарт тус улсын Гадаад хэргийн яамны Төрийн нарийн бичгийн дарга Паскал Баерисвил, Сангийн яамны Төрийн нарийн бичгийн дарга Даниела Стоффел, Төрийн зөвлөлийн (парламентын Дээд танхим) Гадаад харилцааны байнгын хорооны дарга Филиппо Ломбарди нар бараалхлаа.

Эдгээр уулзалтуудаар хоёр тал хамтын ажиллагаагаа парламент хооронд төдийгүй худалдаа, эдийн засгийн бүхий л салбарт өргөжүүлэн хөгжүүлэхийн чухлыг тэмдэглэж, үзэсгэлэнт байгальтай, түүнийгээ хайрлан дээдэлдэг өв уламжлалтай орнуудын хувьд аялал жуулчлалыг харилцан хөгжүүлэх, соёл урлаг, боловсролын салбарын хамтын ажиллагаанд түлхүү ач холбогдол өгөх, олон улс, бүс нутгийн хамтын ажиллагаанд харилцан бие биеийг дэмжиж ирсэн уламжлалаа цаашид ч хадгалах, шинэ чиглэлээр баяжуулах зэрэг нэгдсэн байр суурьтай байгаагаа илэрхийлэв.

Гадаад хэргийн яамны Төрийн нарийн бичгийн дарга, хатагтай Паскал Баерисвилтэй хийсэн уулзалтаар Швейцарийн Холбооны Улсын Гадаад хэргийн сайд И.Кассисын Монгол Улсад хийсэн айлчлалын үеэр ярилцан тохиролцсон хамтын ажиллагааны олон асуудлыг хугацаа алдалгүй, үр дүнтэй хэрэгжүүлэх нь чухал болохыг санал нэгтэй тэмдэглэв.

Уулзалтуудаар Монгол Улсын Засгийн газраас баталсан Оффшор бүсийн жагсаалтад Швейцарийг оруулсан тухай асуудал хөндөгдсөн юм. Энэ талаар Улсын Их Хурлын дарга Г.Занданшатар тайлбарлахдаа “Энэ нь зөвхөн төрийн албан хаагч, улс төрийн өндөр албан тушаалтнуудтай холбоотой асуудал юм. УИХ-аас авлигатай тэмцэх зорилгоор төрийн албан хаагчид болон тэдгээрийн хамаарал бүхий этгээдүүд албан үүрэг гүйцэтгэх хугацаандаа оффшор бүсэд өөрийн нэр дээр банкны данс нээлгэх, мөнгөн хөрөнгө байршуулах, хөдлөх, үл хөдлөх хөрөнгө өмчлөх, хувь нийлүүлэх замаар хуулийн этгээд үүсгэн байгуулахыг хориглосон. Энэ хязгаарлалт эрх зүйн туслалцаа харилцан үзүүлэх гэрээ байгуулаагүй улс орнуудад зонхилон хамаарч байгаа. Жагсаалтад тус улсыг багтаасан нь хоёр улсын харилцаанд, түүний дотор бизнес эрхлэгчид, хөрөнгө оруулагчдын эрх ашигт сөргөөр нөлөөлөх учиргүй” гэв.

Түүнчлэн Монгол Улсын Засгийн газар асуудлыг зохистой шийдвэрлэх чиглэлээр ажиллаж байгааг мэдээллээ.

Сангийн яамны Төрийн нарийн бичгийн дарга, хатагтай Даниела Стоффел авлига, мөнгө угаах гэмт хэрэгтэй тэмцэх асуудлыг Швейцарь Улс Монголтой адил онцгой анхаардаг. Манай улс мөнгө санхүүгийн талаарх олон улсын стандартыг чанд мөрддөг. Тиймээс нэгдүгээрт, Эрх зүйн туслалцаа харилцан үзүүлэх тухай гэрээг хоёр орны хооронд ойрын үед байгуулах; хоёрдугаарт, 20 гаруй жилийн өмнө байгуулсан Давхар татвар ногдуулахаас зайлсхийх хэлэлцээрт өөрчлөлт оруулах нь зүйтэй гэж үзэж байна. Үүнтэй холбогдуулан хоёр талын хамтарсан Ажлын хэсэг байгуулах, Швейцарийн Холбооны Улсын Ерөнхийлөгч буюу Сангийн сайдыг Монгол Улсад айлчлуулах, энэ үеэр дээрх асуудлуудыг шийдвэрлэх саналыг тавьж байна гэв.

Улсын Их Хурлын дарга Г.Занданшатар түүний саналыг бүрэн дэмжиж байгаагаа илэрхийлж, асуудлыг Монгол Улсын Засгийн газарт уламжилж, хугацаа алдалгүй шийдвэрлэх талаар парламентын зүгээс онцгой анхаарал хандуулах болно гэв.

Мөн манай талаас тавьсан Швейцарийн Холбооны Улсын Элчин сайдын яамыг Монголд нээх, Швейцарийн парламентад Швейцарь, Монголын бүлэг байгуулах саналыг Төрийн зөвлөлийн Гадаад харилцааны байнгын хорооны дарга, ноён Филиппо Ломбарди нааштайгаар хүлээн авч, шийдвэрлэх талаар Төрийн зөвлөлөөс онцгой анхаарах болно гэж амлалаа.         

Ийнхүү тодорхой асуудлуудаар хоёр тал нэгдсэн ойлголцолд хүрч чадсан нь Улсын Их Хурлын дарга Г.Занданшатарын айлчлалын нэг чухал үр дүн боллоо.

Энэ өдөр Швейцарийн Холбооны Улсын парламентын удирдах албан тушаалтан, ажилтнууд тус улсын сонгуулийн зарчим, хууль тогтоох болон гүйцэтгэх засаглалын бүтэц, үйл ажиллагааны онцлог, парламентын хянан шалгах чиг үүргийг хэрэгжүүлдэг арга барил, хуралдааны дэг зэрэг асуудлаар Улсын Их Хурлын дарга тэргүүтэй Монголын парламентын төлөөлөгчдөд танилцуулга хийж, сонирхсон асуултад нь хариуллаа.

Швейцарь нь Холбооны улс бөгөөд Кантон буюу 26 муж улсаас бүрддэг аж. 200 суудалтай Доод танхим буюу Үндэсний зөвлөл, 46 суудалтай Дээд танхим буюу Төрийн зөвлөл 4 жилийн хугацаатай сонгогддог. Тус бүр жилд 4 удаа, 3-7 хоног чуулдаг. Дээд, Доод танхим хамтран Засгийн газрыг томилдог. Засгийн газар нь 7 сайдтай. Нэг сайд нь нэг жилийн хугацаатай Ерөнхийлөгчийн албыг давхар хаших бөгөөд энэ албанд ээлжлэн томилогддог юм байна.

Засгийн газрыг болон гишүүдийг огцруулдаггүй, парламентыг тараах, парламентын гишүүнийг огцруулах эрх зүйн зохицуулалт байхгүй. Парламентын гишүүн Засгийн газрын гишүүнээр давхар ажиллаж болохгүй.

Энэ мэт олон онцлог, засаглалын институцүүдийн хараат бус, бие даасан байдлыг бүрэн хангадаг туршлага, парламент хянан шалгах чиг үүргээ хэрэгжүүлдэг арга барил гэх мэт олон зүйл Монгол Улсын Их Хурлаас хэрэгжүүлэхээр төлөвлөж буй шинэчлэлийн бодлогод тус нэмэр болох нь дамжиггүй.

Улсын Их Хурлын дарга Г.Занданшатар Швейцарийн Холбооны Улсын парламентын Дээд, Доод танхимын нэгдсэн хуралдаанд зочилж, Танхимуудын тэргүүн нар Г.Занданшатар болон Монгол Улсын парламентын төлөөлөгчдөд баяр хүргэж, үг хэлэв.

Ийнхүү Монгол Улсын Их Хурлын даргын Швейцарийн Холбооны Улсад хийсэн айлчлал амжилттай өндөрлөлөө.     

   

УИХ-ын Хэвлэл мэдээлэл, олон нийттэй харилцах хэлтэс

Швейцарийн Холбооны Улс. Берн хот. 2019.03.13

хүрлээ

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа2022, 1 сар 23. 14:12Хойд Солонгосын хакерууд 400 сая ам.долларын криптовалют хулгайлжээ2022, 1 сар 15. 19:56Хойд Солонгосоос Япон тэнгис рүү баллистик пуужин харвав2022, 1 сар 15. 19:45Н.Түвшинбаярын цагдан хорих хугацааг нэг сараар сунгажээ2022, 1 сар 14. 17:09МУ-ын өсөх идэр, өрнөн дэлгэрэх Начин Э.Энхбатыг сүүлчийн замд нь үдлээ2021, 12 сар 31. 14:20Төрсөн хүү нь 83-тай ээжийгээ зодсоор хөнөөжээ2021, 12 сар 30. 18:24Усанд автсан айл өрхүүдийг нүүлгэж эхэлжээ2021, 12 сар 30. 18:08АНУ-Хятадын сөргөлдөөн сансар огторгуй хүртэл хүрээгээ тэллээ2021, 12 сар 30. 16:162021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ2021, 12 сар 26. 18:04Хүнд гэмтэл авч эмчлүүлж байсан улсын начин Э.Энхбат таалал төгсчээ2021, 12 сар 25. 9:53Э.Цэндбаатар Оросын тамирчинг ялж, Азийн аварга боллоо2021, 12 сар 25. 9:47Ахмадууд хоногийн хоолондоо хүрэхгүй тэтгэврээр амьдарч байна2021, 12 сар 25. 9:35#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.2021, 12 сар 24. 15:51Айл өрхийн цахилгааны төлбөрийг төрөөс дахин 6 сар төлөхөөр боллоо2021, 12 сар 24. 15:29“Хотулун гүнж-Алтан судрын эрэлд” киноны трэйлер цацагдлаа2021, 12 сар 23. 22:53АТГ-ын мөрдөгчид хилээр 20 кг алт оруулсан гэх мэдээллийн мөрөөр2021, 12 сар 23. 19:21Тэтгэвэрийн тогтолцоогоо өөрчлөхгүйгээр косметик хагалгаа хийгээд нэмэргүй2021, 12 сар 23. 17:58SISC койн: Крипто, FOREX арилжаа, START-UP бизнесийн шилдэг төслүүдэд хөрөнгө оруулж давхар ногдол ашиг хүртмээр байна уу?2021, 12 сар 23. 17:40sdfsdf2021, 12 сар 23. 15:00“Дэлхийн мисс -2021” тэмцээнд эх орноо төлөөлөн оролцох А.Бөртэ-Үжингийн танилцуулга видео цацагдлаа2021, 12 сар 23. 13:45Үндэсний хөрөнгө оруулалтын банк өр төлбөрөө бүрэн барагдуулсан2021, 12 сар 23. 13:42Б.Чулуудай: Миний аав ямар ч хэрэг хийгээгүй2021, 12 сар 23. 13:38Хувь хүний мөнгөний удирдлагын аргуудаас2021, 12 сар 23. 13:33Чанаргүй зээл өмнөх сараас 39 тэрбумаар нэмэгджээ2021, 12 сар 23. 13:27ЗГ-аас олгосон 300 мянган төгрөг, вакцины 50 мянган төгрөгийн урамшууллаа аваагүй иргэд нөхөж авах боломжтой2021, 12 сар 23. 13:17Мэдээлэл солилцох үйл явцыг цахим хэлбэрт шилжүүлэх чиглэлээр хамтран ажиллах гэрээнд гарын үсэг зурлаа2021, 12 сар 23. 13:12Их Британид анх удаа 100,000 халдварын тохиолдол бүртгэгдлээ2021, 12 сар 23. 13:08Н.Түвшинбаярын шүүх хурал өнөөдөр болно2021, 12 сар 23. 12:55Ирэх сарын нэгний өдрөөс мөрдөгдөж эхлэх хуулиуд2021, 12 сар 23. 12:48Хог тээвэрлэлтийн компаниудад автомашин хүлээлгэн өглөө2021, 12 сар 23. 11:51
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019