Шуурхай мэдээ:


Б.Баатарзориг: Төрийн албанд "ар, өврийн хаалга"-аар шургалдаг байдлыг хална

2-р сарын 21 - 17 цаг 37 минут

Б.Баатарзориг: Төрийн албанд "ар, өврийн хаалга"-аар шургалдаг байдлыг хална

Төрийн албаны зөвлөлийн даргаар Б.Баатарзориг томилогдоод буй. Шинэхэн албаа хүлээн аваад байгаа Б.Баатарзоригтой ярилцлаа. 

-Төрийн албаны тухай шинэ хууль энэ оны эхнээс хэрэгжиж эхлээд байгаа. Гэвч зарим дүрэм, журманд өөрчлөлт орох эсэх нь эргэлзээтэй байгаагаас төрийн албан хаагчдын өдөр тутмын ажилд саад болж байгаа талаар хүмүүс ярьж байна...

-Аливаа шийдвэр гаргахын өмнө олон ургалч үзэл бодол хэрэгтэй. Хууль болон түүнд нийцүүлэн гаргах журам дүрмүүдийг салбарын болон мэргэжлийн байгууллагууд, эрдэмтдийн түншлэлийн түвшинд хэлэлцүүлэх ёстой байдаг. Монгол Улсын Төрийн албаны тухай хууль батлагдаж хэрэгжиж эхлээд 50 хонож байна. Үүнтэй холбоотой батлагдан гарах 47 журам, дүрэм байгаагаас өнөөдрийн байдлаар 28 дүрэм, журам  нь батлагдаж бэлэн болоод байгаа. Эдгээр нь  УИХ болон Засгийн газрын түвшинд Төрийн албаны зөвлөлийн түвшинд гарсан.

Бусад журам, дүрэм нь хэлэлцүүлгийн түвшинд эцсийн шатандаа явж байна. Энэ долоо хоногтоо багтааж гаргана. Иймээс бид журам, дүрэм хуулиудаа сурталчлах таниулах ажлыг хийж байна.

Хууль батлагдана гэдэг нэг зорилго, харин хэрэгжүүлэх нь  түүнээс чухал зорилго байдаг. Тиймээс бид хэрэгжилтийг нь хангах ажлыг зохион байгуулах ажлын хүрээнд Төрийн нарийн бичгийн дарга, яам, агентлагийн болон орон нутаг, аймаг нийслэлийн Засаг даргын тамгын газрын дарга нарын дунд сургалт уулзалтыг зохион байгуулж байна.

Төрийн албаны шинэ хуулиар “Зөв ажлыг зөв хүнээр гүйцэтгүүлж, зөв үр дүнд хүргэнэ. Үр дүн нь иргэдэд очих ёстой” гэсэн зорилгын хүрээнд иргэдэд хүрэх төрийн үйлчилгээний стандартыг хангах ёстой.

Төрийн үйлчилгээ аль болох иргэдэд чирэгдэлгүй, цахимжих, үйлчилгээний стандарт сайжрах, хүнд сурталгүй байх ёстой ба ямар нэгэн төрийн байгууллага, төрийн албан хаагчаас шалтгаалсан үйл ажиллагааны доголдол гарах ёсгүй. Хэрэв ийм байдал гаргаваас түүнийг дахин давтуулахгүйн тулд хариуцлагын механизм хамт байх ёстой гэсэн чиглэл өгч байна.

 -Засгийн газар өнгөрсөн оны сүүлчээр төрийн албан хаагчдаас шалгалт аваад байсан. Тэр шалгалтын дүн 70 гаруй хувьтай гарсан гэсэн. Энэ үзүүлэлтийг хангалттай гэж үзэж болох уу?

-Хууль хэрэгжих гарааны нөхцөлд төрийн албан хаагчид, төрийн байгууллагуудын  мэргэжлийн үйл ажиллагааны түвшин ямар байна вэ гэдэг дээр судалгаа, дүгнэлт, шалгалт зохион байгуулсан.

Энэ шалгалтад нийтдээ 44 мянган төрийн албан хаагч хамрагдсан. Үүнд хууль эрхзүй, компьютерын мэдлэг, тухайн ажлын байрны болон үйл ажиллагааны түвшинг үнэлэх ажлыг зохион байгуулсан. Байгууллага бүхэн өөр өөрийн онцлогтой үнэлэгдсэн. Улсын дундаж 74 хувьтай гарсан.

 Төрийн албаны зөвлөл өнгөрсөн долоо хоногт өргөтгөсөн хурлаа хийж, үүнд дүгнэлт өгсөн. Энэ дагуу  төрийн албан хаагчийн сургалтын хэрэгцээг тодорхойлоод, сургалт зохион байгуулахаар Удирдлагын академид захиалга өгч байгаа. Энэ ондоо багтаан 18 мянган төрийн албан хаагчийг богино хугацааны сургалтад хамруулна.

 Шинэ хуулийг шинэ ойлголтоор, шинэ хандлагаар, шинэ соёлоор, шинэ үр дүнгээр эхлүүлэх ёстой. Өөрчлөлт хийх, шударга ёс тогтоохыг олон нийт шаардаж, хүсч байна.

-Төрийн албан хаагчид ихэвчлэн  ямар асуудал дээр хангалтгүй үнэлгээ авсан байна вэ?

-Шалгалтад хамрагдсан хүмүүсийн бүлгээс шалтгаалж байна. Төрийн захиргааны байгууллагад төрийн үйлчилгээний алба хашиж байгаа бичээч, туслах ажилтнуудын мэдээлэл технологийн чадварын  үзүүлэлт харьцангуй доогуур байсан тал бий. Бусад яам, тамгын газар, агентлагийн түвшний төрийн жинхэнэ албан хаагчдын үнэлгээ өндөр байсан. Дундажлахаар 74 хувьтай гэж гарч байгаа юм.

 -Төрийн албан хаагчдын шалгалтад хангалттай дүн аваагүй  хүмүүст  хариуцлага тооцох уу?

 -Үйл ажиллагааны үр дүн, мэргэжлийн түвшинтэй холбоотойгоор цалинг бууруулах, сануулах, сайн үнэлэгдсэн албан хаагчдын зэрэг дэв болон цалинг нэмэгдүүлэх ажлыг хийж байна. Зарим хүнийг ажлаас нь чөлөөлөх, гэрээгээ өөрчлөх асуудлыг хөндөж байгаа. Гэхдээ хавтгайруулж биш л дээ.

 -Шинэ  хуулиар төрийн албан хаагчдыг шатална гэж заасан. Тухайлбал, салбартаа 10 гаруй жил ажилласан бол Төрийн нарийн бичгийн дарга болно гэх зэрэг тодорхой шаардлага шалгуурыг босго болгон тавьсан...

 -Мерит зарчим гэдэг бол хамгийн сайн хүнийг сонгох зарчим. Дэвшүүлэхэд ч тэр, анх ороход ч тэр. Шагнал урамшуулал, гадаадад сургалтад явуулахад ч тэр чадаж байгаа зүйлд нь тохирсон дэмжлэг үзүүлэх зарчим юм. Тиймээс үүнийг хуульчилсан байгаа юм. Аль ч өндөр хөгжилтэй оронд тохиолдлын томилгоо хийдэггүй. Танил талын томилгоо хийдэггүй. Тухайн ажил албанд тохирох хүнийг сонгодог. Өмнө нь сонгон шалгаруулалтыг хавтгайруулдаг байсан бол одоо тухайн ажлын байр бүхэнд сонгон шалгаруулалттай болсон.  

-Сонгуулиар хэн нэгэнд шагнал хэлбэрээр төрийн нарийн бичгийн даргын ажлыг өгдөг байсан. Энэ байдлыг цаашид яаж цэгцлэх вэ?

-Өмнөх хуулийг шүүмжилж байгаа юм биш. Гэхдээ зарим зүйл заалт нь тунхаглалын шинжтэй, хэрэгжүүлэх хэд хэдэн салаа утгатай байсан. Энэ хууль шинэчлэлийн бодлогыг тусгачихсан хэрэгжүүлэхгүй бол заавал биелүүлэх үүрэгтэй, биелүүлэхгүй бол томилогддог албан тушаалтан чөлөөлөгдөх, сонгуульт албан тушаалтан огцрох үндэслэл үүснэ. Тиймээс хуулийг дээдлэх зарчим хэрэгжих учраас “ар өврийн хаалга” , танил талаар томилогдох боломж байхгүй.

 -Ар өврийн хаалгаар төрийн албанд ордог зүйл байхгүй болно гэлээ. Харин яаж хянах вэ?

 -Үүнийг бид хянахаас гадна хөндлөнгийн олон нийт хянах хил хязгааргүй хяналт байгаа. Тиймээс хамтдаа хянах боломж бүрдэнэ.

 -Олон нийтийн ил хязгааргүй хяналт гэж яг юуг хэлж байна вэ?

 -Төрийн албаны зөвлөлийн дэргэд Олон нийтийн хяналтын зөвлөл гэж шинэ байгууллага байгуулагдаж байгаа. Тус зөвлөл байгууллагын үйл ажиллагааны үр дүн, явцад хөндлөнгийн хяналт тавин ажиллах юм.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Жуулчин Лас-Вегас хотын казиногоос нэг сая ам.доллар хожив8 цаг 5 минутын өмнөEdu Help Олон Улсын Боловсролын Агентлагийн Нээлттэй Өдөрлөг8 цаг 13 минутын өмнөЖ. Амарсанаа: Би маш их бүтэлгүйтлийн дундаас гарч ирсэн бүтээгдэхүүн8 цаг 22 минутын өмнөНийслэл, дүүргийн удирдлага, гадаад харилцааны ажилтнуудад зориулсан сургалтыг зохион байгуулав8 цаг 25 минутын өмнөАлбаны машины амины "зориулалтыг" халж, эхнэр хүүхдүүдийнхээ "хонины хээр" болгох ёсзүйн гажуудлаасаа хэзээ салах вэ8 цаг 27 минутын өмнөД.Цогтбаатар: Элчин сайдуудын нэрийг ээлжит бус чуулганаар оруулахаар төлөвлөж байна8 цаг 30 минутын өмнөБайнгын хороод хуралдана8 цаг 35 минутын өмнөС.Баярцогтын оффшор бүсэд нуусан их хэмжээний ам долларын эх үүсвэр хаанаас вэ ?8 цаг 37 минутын өмнөЦензургүй яриа - Mонгол улсын Ерөнхийлөгч асан, МАХН-ын дарга Н.Энхбаяр оролцлоо.3 сар 19. 10:06Хөдөө аж ахуйн бирж Төрийн өмчит ХХК нь ноолуурын төвлөрсөн дуудлага худалдаа зохион байгуулна3 сар 15. 17:17Хөдөлмөрийн хуульд орох голлох өөрчлөлтүүд3 сар 15. 17:11Батлан хамгаалахынн сайд Н.Энхболд Турк улсад айлчиллаа3 сар 15. 17:07УИХ-ын дарга Г.Занданшатарын айлчлалаар хоёр тал тодорхой асуудлуудаар нэгдсэн шийдэлд хүрлээ3 сар 14. 15:52Төсвийн байнгын хорооны дарга Б.Чойжилсүрэн Дэлхийн банкны төлөөлөгчдийг хүлээн авч уулзав3 сар 14. 15:32Г.Энэрэл Хүндийн өргөлтийн ДАШТ-ээс хүрэл медаль хүртэж АНХДАГЧ боллоо3 сар 13. 16:48А.Мөнгөншагай дэрвэгэр сормууст бүсгүйчүүдээ магтан дуулжээ3 сар 13. 16:43АНУ-аас Монгол Улсад суугаа Онц бөгөөд бүрэн эрхт Элчин сайд Майкл Клеческийг хүлээн авч уулзав3 сар 13. 16:31АЛБАНЫ ХҮНИЙ ҮГ: "1072 хувьцааг зарж арилжих ямар ч боломжгүй"3 сар 13. 16:21ҮСХ: Дундаж цалин 1.1 сая төгрөг болжээ3 сар 13. 16:15Засгийн газар өнөөдөр хуралдахгүй3 сар 13. 16:10УИХ-ын дарга Г.Занданшатар Монгол-Швейцарийн хооронд дипломат харилцаа тогтоосны 55 жилийн ойн арга хэмжээнд оролцов3 сар 13. 16:07О.Орхон, Д.Эрдэнэбилэг, Ц.Пүрэвтүвшин нарыг яллагдагчаар татах хүсэлтэд прокуророос хариу өгөөгүй байна3 сар 13. 16:03Ө.Энхтүвшин: Онцгойгийнхны байгуулсан гавъяаг төр мэдэж байгаа учраас хангалтыг сайжруулахад анхаарч ажиллана3 сар 13. 16:00Видео: "Бойнг 737" нисэх онгоц осолдохоос өмнөх хоромыг зорчигч утсандаа бичжээ3 сар 12. 16:27Тээврийн хэрэгслийн техникийн бүрэн бүтэн байдалд тавих хяналт шалгалтыг зохион байгуулж байна3 сар 12. 16:19Чингэлтэй дүүрэгт байгуулагдсан дэд бүтцийн төвтэй танилцав3 сар 12. 16:15Монголбанкны 5 албан тушаалтан ББСБ-тай байна3 сар 12. 16:11“Эрдэнэс-Тавантолгой” ХК-ийн ажилтнууд Өвөрхангай, Баянхонгор аймагт ажиллаж байна3 сар 12. 16:04Төрийн жишиг менежмент3 сар 12. 16:00Чуулган эхлэхэд АН бүлэггүй болсоноо мэдэгдэж, УИХ-ын даргад өргөн барина3 сар 12. 15:53
99703993, 80830505 

info@livenews.mn
© Зохиогчийн эрх хуулиар хамгаалагдсан. LiveNews.MN 2019