Шуурхай мэдээ:


Өнөөдөр нөхрийнхөө машины арын суудалд сууж явлаа

2-р сарын 20 - 18 цаг 11 минут

Өнөөдөр нөхрийнхөө машины арын суудалд сууж явлаа

Өнөөдөр нөхрийнхөө машины арын суудалд сууж явлаа. Ихэвчлэн урд нь зэрэгцээд суудаг болохоор элдвийг эргэцүүлэх боломж ховорхон олддог байж. Аар саархныг ярилцаж яваад гэнэт бууралтсан үсийг нь сэтгэл шимшрэн ажиглалаа. Ажаад л суулаа. Буурал суухыг нь ажралгүй удаж дээ. Миний цагаан үс гарчихаж гээд л шанханд гялалзах хэдхэн үсэндээ үргэлж будаг нялдаг хэрнээ нөхрийнхөө бууралтсан үсийг нь будаад өгчих сэтгэл цөөхөн төрдөг болохоо анзаарлаа. Амьдралын эрхээр чи минь ядарч дээ. 
Шанага шар айраг уусных нь маргааш эрүүний шөл уулгана уу гэхээс аяга шөл уулгасан нь гарын таван хуруунд багтах болов уу даа. Харамсаж сууна, одоо л хайрлая.
Амьдралд аль маргалдахыг хэлж барах вэ. Байсхийгээд л өмсөх хувцас алга гэж бачимдан орилдог хэрнээ цөөхөн гэгддэг хувцсаа торлож үзэхэд тэрэг дүүрэхээр ачаа болохыг хараад, шаралхсандаа хоёр тор түнтийтэл чихээд цаана нь үлдсэн хувцас дундарсан шинжгүй хоцрохыг хараад нөхрийнхөө хувцас руу өөрийн эрхгүй харвал тааз шүргэсэн хувцасны шүүгээнд дундхан тавиур хоёр байхад нь өөрийн эрхгүй өрөвдөж билээ. Хайрлахгүй авч дээ чамаасаа бүхнийг.
Өвдлөө гэхийг нь би сонсоогүй ээ. Өөрөө л өчнөөн зовоосон. Хааяа нэг өвчин хэлэхэд нь хар усных гээд амыг нь ажрахгүй таглана. Өөдөөс минь зовлон тоочих биш дээ. Үглүүлсээр байгаад сэтгэл нь цаанаа нэг халширсан байхыг үгүйсгэхгүй. Уйлж байхыг нь хараагүй ээ. Урдаас нь би зоргоороо байдаг хойно. “Ийм ханьтай азтай даа би“ гэж бардамнаж бодсон нь цөөхөн байх шүү. Азгүйдээ чамтай суулаа гэж өөрийгөө мэдэхгүй тэнхээ мэдэн хашгичих мөч олон. Хаа нэг бөмбөрсөн нулимс минь дэндүү жаргалтайнх байж. Айлын хүүхнээс ганган явсан гэж бодож үзэлгүй, илүү дутууг нэхдэгээ бодоод өөрийн эрхгүй зүрх ёгхийлээ. Агшин бүрт чи минь жаргааж явсан нь үнэн шүү.
Асуудал дэврэх бүрийд чиний минь ухаан үнэтэй. Айлын дайтай айлыг ганцаараа авч явахад аагтай цайг нь сайхан чанаж чадсан бил үү? Намайг түмэн салаа санал гаргаж байхад ханийн минь гаргасан ганцхан шийдэл ямар оновчтой зөв болохыг ухаараад гайхах үе амьдралд өчнөөн тохиолддог. Өнөр бүлийг ганцаараа жаргааж явахад нь өчүүхэн ч туслаж чадсан бил үү дээ би. Авчирсан болгонд нь би л эзэн суудаг. Аанай ингэж бичихэд маргах хүн байхгүй ээ. Ээжийн хайртай хүү, аавын ачтай хүү юм сан. Ачлаж чадсан бил үү ханийнхаа хайрыг.
Насандаа баймгүй сайхан төрхтэй гэж магтах нэг нь өдий насанд минь таарах болж. Өнөөдөр л ухаарч байна. Чиний минь буян юм шүү. Санасан бүхнээ би л гүйцээж явснаа энэ мөчид ухаарч сууна. Хүссэн жаргал бүхнээ чамаасаа эрдэг байж. Хатуурхсан гэж суусан цагаасаа эхлэн гомдол эрсэн хэрнээ хайранд бялхуулж байсныг чинь тоотойхон тоочсон байх юм. 
Өр нимгэн хүн юм даа чи, өөдөөс минь ганц олигтойхон гомдол эрээгүй байх юм. Хүн буурлынхаа буянг үргэлжлүүлэн эдэлж амьдардаг гэнэ билээ. Надад буурлын буян байсан учраас бурхан надад чамайг бэлэглэсэн байж. Агуу хайр гэж байдаг учраас амсаж сууна даа, одоо би.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Гадаад харилцааны сайд Д.Цогтбаатар БНЧУ-д айлчилна6 цаг 22 минутын өмнөШууд: АН-аас цаг үеийн асуудлаар мэдээлэл хийх гэж байна6 цаг 23 минутын өмнөМонгол Ардын Намын “Эв нэгдлийн цом-2019” спортын наадам эхэллээ5 сар 16. 17:49Монгол Улсын Ерөнхий сайд Говь-Алтай аймгийн иргэдтэй уулзав5 сар 16. 17:4410 сая ам.долларын авлигын асуудлаар Ерөнхий сайдыг албан ёсоор тайлбар хийхийг хүсэв5 сар 16. 17:32С.Зориг агсны амийг хохироосон хэргийн шүүхийн шийдвэрийг нууцаас гаргалаа5 сар 16. 17:27Ерөнхийлөгч Захиргааны Ерөнхий хуульд хориг тавьж магадгүй гэх мэдээллийг ЗГХЭГ-ын дарга баталлаа5 сар 15. 17:33У.Хүрэлсүх: Эрдэнэбүрэнгийн УЦС-ын төслийг эрчимжүүлнэ5 сар 15. 17:30АТГ: С.Баярцогтын хэргийг хаагаагүй, үргэлжлүүлэн шалгаж байна5 сар 10. 18:35Монгол Улсын эдийн засаг, нийгмийг 2018 онд хөгжүүлэх үндсэн чиглэлийн биелэлтийн тайланг хэлэлцэв5 сар 10. 18:32ТОП татвар төлөгчдөд талархал илэрхийллээ5 сар 9. 17:34Чуулган: Ашигт малтмалын тухай хуулийг хэлэлцэж эхэллээ5 сар 9. 17:27Чуулган: Ерөнхий аудитороор Д.Занданбатыг томиллоо5 сар 9. 17:20УИХ-ын Тамгын газрын даргын ЕНБД-аар Л.Өлзийсайханыг томиллоо5 сар 9. 17:17Д.Дамба-Очир: Надад Оюутолгойд ямар ч ашиг сонирхлын зөрчил байхгүй5 сар 9. 17:12Б.Чойжилсүрэн, М.Оюунчимэг нарыг улирааж, Х.Болорчулуун, Ж.Ганбаатарыг шинээр сонголоо5 сар 9. 17:09Брокерын эрх олгох сургалт хоёр дахь өдрөө амжилттай явагдаж байна5 сар 7. 16:05МАХН: Нөхөн сонгуулийг хойшлуулж Хэнтийн сонгогчдын эрх ашгийг зөрчиж байна5 сар 7. 16:00Дээд шүүхийн Ерөнхий шүүгчид Х.Батсүрэнг нэр дэвшүүллээ5 сар 7. 15:57УИХ-ын Тамгын газрын даргаар Л.Өлзийсайхан яригдаж байна5 сар 7. 15:53УИХ-ын дарга Г.Занданшатар: Магадгүй, дэлхийн хамгийн эртний мэргэжил малчин байх5 сар 7. 15:48Эдийн засгийн байнгын хорооны даргад Ж.Ганбаатарыг дэмжлээ5 сар 7. 15:45Шүүгчдэд хариуцлага тооцохгүй болсноор дураараа авирлах болсон5 сар 3. 16:42Докторын хөтөлбөрийг олон улсад хүлээн зөвшөөрүүлэх төсөл хэрэгжиж байна5 сар 3. 16:35"Филадельфи 76" талбайдаа "Торонто Рэпторс" -ийг буулган авлаа5 сар 3. 16:33Гурван эрийн түүх буюу үхэл, тэмцэл, амьдрал...5 сар 3. 16:30Паркер эхийн амьдрал (Өгүүллэг)5 сар 3. 16:22Наро Банчэн гэгээн: Энэ нийгэмд сайхан сэтгэл, ёс суртахуун л дутагдаж байна5 сар 2. 17:17Бүтээн байгуулалтын ажилд 411 тэрбум төгрөгийн хөрөнгө оруулалт хийнэ5 сар 2. 17:09"33 их наяд цэвэр хулгайн өмч. Энэ өмч хөрөнгийг олж авсан үйлдлийг мөрдөн шалгах эрх нь байгаа шүү"5 сар 2. 17:01
99703993, 80830505 

info@livenews.mn
© Зохиогчийн эрх хуулиар хамгаалагдсан. LiveNews.MN 2019