Шуурхай мэдээ:
179898-179902-180005

Бичлэг: АМГТГ-ын дарга Ж.Батмагнай хуулийг гууль болгож, бусдаас мөнгө нэхэж байна

10-р сарын 3 - 9 цаг 38 минут

АМГТГ-т даргаасаа илүү эрх мэдэлтэй нэгэн байна. Тодруулбал, тус газрын даргаар Х.Хэрлэн гэж хүн ажилладаг бол Хууль, эрх зүйн хэлтсийн даргаар нь Ж.Батмагнай гэж хүн ажилладаг гэнэ. Энэ хүн нь эрх мэдлээ даргаасаа илүү хэтрүүлэн ашиглаж, хуулийг гууль болгож яваа сурагтай. 

Ж.Батмагнайгийн хуулийг гууль болгож явааг хэдхэн баримтаар үзүүлье. 

Баримт 1. ЦЕГ-ын Мөрдөн байцаах газраас “Гоби Коул энд Энержи” ХХК-ийн ашиглалтын болон хайгуулын лицензийг түдгэлүүлсэн тогтоол гаргаж, үүнийгээ 2016 оны хоёрдугаар сард 11/4-1167 тоот албан бичгээр АМГТГ-т ирүүлжээ.

Гэтэл Ж.Батмагнай тус компанид 2017 оны аравдугаар сарын 31-нд “…Танай компанийн эзэмшлийн MY-020738 тоот лиценз нь эрх бүхий байгууллагаас захиран зарцуулах эрх болон шилжилт хөдөлгөөнийг хязгаарласан талаар бүртгэлгүй байна” гээд 8/7678 тоот албан бичиг хийгээд өгчихжээ.

Үүнийг нь үндэслээд Кадастрын хэлтсийн дарга  Д.Дашзэвэг нь  “Гоби Коул энд Энержи” ХХК-ийн эзэмшлийн MY-020738 тоот лицензийг 2018 олны гуравдугаар сард өөр компани руу шилжүүлчихсэн байгаа юм.

Харин энэ бүх ажлаа амжуулсны дараа Ж.Батмагнай өөрөө уснаас хуурай гарахын тулд дарга нартаа “…ЦЕГ-ын Мөрдөн байцаах газраас түдгэлзүүлсэн “Гоби Коул энд Энержи” ХХК-ийн ашиглалтын болон хайгуулын лицензийг мэргэжилтэн Ц.Баатарбилэг, Ч.Амгалан нар бусдад шилжүүлчихлээ” гэж матаад лиценз шилжүүлэх өргөдлийг хүлээн авсан мэргэжилтэн Ц.Баатарбилэг, эрх зүйн шүүлт хийсэн Ч.Амгалан нар  арга хэмжээ авахуулсан байна.

Баримт 2. АМГТГ-ын Хууль, эрх зүйн хэлтсийн дарга Ж.Батмагнай ашигт малтмалын лиценз дахин сэргээдэг сүлжээний гол хүнээр нэрлэгдээд байна. Уг нь устаж алга болоод байсан уг сүлжээний талаар Хууль зүйн сайд асан Х.Тэмүүжин, УИХ-ын гишүүн Х.Нямбаатар нар их ярьдаг юм.

Ж.Батмагнай энэ ажиллагаанд оролцохдоо Захиргааны хэргийн анхан шатны шүүхэд ажиллаж байгаа, ангийнхаа найз бүсгүйтэй хамтардаг. Өөр бусад нэр бүхий шүүгч нар ч байдаг аж. Тэд 2008-2018 онд цуцлагдсан, дуусгавар болсон лиценз сэргээх ажлыг тун чиг идэвхтэй хийх болсон байна.

УИХ-ын гишүүн Х.Нямбаатарын яриад байгаа лицензүүд мань хүний оролцоотойгоор сэргэсэн байж болзошгүй гэж байна. Х.Нямбаатар нийтэд зарласны дараа ийм лицензийн тоо даруй 20-оор нэмэгдсэн байгаа юм.

Эдгээрийн нэг болох улаан цайм жишээ ч байна. Ж.Батмагнай “Монгол ресурс корпораци” ХХК-ийн нэхэмжлэлтэй захиргааны хэргийн шүүх хуралд АМГТГ-аа төлөөлөн оролцоод ялагдаж, нэхэмжлэлийг хүлээн зөвшөөрсөн байна. Энэ шийдвэрт давж заалдаж гаргасан гомдол нь ёс төдий, үүнийгээ батлахаар юм бичжээ.

Баримт 3. Ашигт малтмалын тухай хуулийн 22.1-д заасны дагуу тухайн аж ахуйн нэгж лицензийнхээ хугацааг дуусахаас нэг сарын өмнө өргөдлөө гаргах ёстой. Энэ шалтгаанаар Ж.Батмагнай лиценз эзэмшигчдийн өргөдлийг авахуулдаггүй юм байна. Мэргэжилтнүүд нь хүлээгээд авчихвал шууд л татгалзсан шийдвэр гаргадаг ажээ.

Гэтэл Ашигт малт­малын тухай хуулийн 22.1, 22.1.4-т заасан хуулийн шаардлага хангаагүй, хайгуулын ажлын тайлан, төлөвлөгөөгөө хоёр жил дараалан батлуулж хянуулаагүй нэр бүхий аж ахуйн нэгжүүдийн материалыг Кадастрын хэлтсийн дарга Д.Дашзэвэг дээр өөрөө барьж ороод сунгалт хийлгэдэг юм байна.

Эдгээрээс гадна Ж.Батмагнай лиценз эзэмшигчдээс “…Дарга нартай ярьсан. Лицензийг чинь сэргээж өгье” гэж мөнгө нэхдэг. Хамт ажилладаг хүмүүстээ “…Ангийн маань хүүхэд УИХ-ын байнгын хорооны дарга. Ийм байхад та нар намайг яах юм бэ” гэж агсам тавьдаг. Ил тод уул уурхайн төлөө олон жил зүтгэж байгаа нэгэн ТББ-ын тэргүүн А-г заамдан авч “…Чи битгий олон юм яриад байгаарай” гэж дарамталсан гээд түүнтэй холбоотой олон мэдээлэл байна. Энэ хүний ааш араншин, үйлдэл нь хэрээс хэтэрч байгааг АМГТГ-ынхан хийгээд лиценз эзэмшигчид мэддэг болоод байгаа аж.

Энэ мэт хуулиас дээгүүр аашилж яваа Ж.Батмагнайгийн үйлдлийг УУХҮ-ийн сайд Д.Сумъяабазар, АМГТГ-ын дарга Х.Хэрлэн нар мэддэг болов уу.

Ер нь бол дээгүүрээ сахилга хариуцлагыг сайжруулна гэж яриад байдаг. Харин төрийн албаны энэ мэт дунд албан тушаалтнууд төрийн албыг хувийн мэт ашиглан, хуульгүй аашилж байгаа нь Монгол төрийн доройтлын гол шалтгаан болж байгаа юм.

 

 

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа2022, 1 сар 23. 14:12Хойд Солонгосын хакерууд 400 сая ам.долларын криптовалют хулгайлжээ2022, 1 сар 15. 19:56Хойд Солонгосоос Япон тэнгис рүү баллистик пуужин харвав2022, 1 сар 15. 19:45Н.Түвшинбаярын цагдан хорих хугацааг нэг сараар сунгажээ2022, 1 сар 14. 17:09МУ-ын өсөх идэр, өрнөн дэлгэрэх Начин Э.Энхбатыг сүүлчийн замд нь үдлээ2021, 12 сар 31. 14:20Төрсөн хүү нь 83-тай ээжийгээ зодсоор хөнөөжээ2021, 12 сар 30. 18:24Усанд автсан айл өрхүүдийг нүүлгэж эхэлжээ2021, 12 сар 30. 18:08АНУ-Хятадын сөргөлдөөн сансар огторгуй хүртэл хүрээгээ тэллээ2021, 12 сар 30. 16:162021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ2021, 12 сар 26. 18:04Хүнд гэмтэл авч эмчлүүлж байсан улсын начин Э.Энхбат таалал төгсчээ2021, 12 сар 25. 9:53Э.Цэндбаатар Оросын тамирчинг ялж, Азийн аварга боллоо2021, 12 сар 25. 9:47Ахмадууд хоногийн хоолондоо хүрэхгүй тэтгэврээр амьдарч байна2021, 12 сар 25. 9:35#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.2021, 12 сар 24. 15:51Айл өрхийн цахилгааны төлбөрийг төрөөс дахин 6 сар төлөхөөр боллоо2021, 12 сар 24. 15:29“Хотулун гүнж-Алтан судрын эрэлд” киноны трэйлер цацагдлаа2021, 12 сар 23. 22:53АТГ-ын мөрдөгчид хилээр 20 кг алт оруулсан гэх мэдээллийн мөрөөр2021, 12 сар 23. 19:21Тэтгэвэрийн тогтолцоогоо өөрчлөхгүйгээр косметик хагалгаа хийгээд нэмэргүй2021, 12 сар 23. 17:58SISC койн: Крипто, FOREX арилжаа, START-UP бизнесийн шилдэг төслүүдэд хөрөнгө оруулж давхар ногдол ашиг хүртмээр байна уу?2021, 12 сар 23. 17:40sdfsdf2021, 12 сар 23. 15:00“Дэлхийн мисс -2021” тэмцээнд эх орноо төлөөлөн оролцох А.Бөртэ-Үжингийн танилцуулга видео цацагдлаа2021, 12 сар 23. 13:45Үндэсний хөрөнгө оруулалтын банк өр төлбөрөө бүрэн барагдуулсан2021, 12 сар 23. 13:42Б.Чулуудай: Миний аав ямар ч хэрэг хийгээгүй2021, 12 сар 23. 13:38Хувь хүний мөнгөний удирдлагын аргуудаас2021, 12 сар 23. 13:33Чанаргүй зээл өмнөх сараас 39 тэрбумаар нэмэгджээ2021, 12 сар 23. 13:27ЗГ-аас олгосон 300 мянган төгрөг, вакцины 50 мянган төгрөгийн урамшууллаа аваагүй иргэд нөхөж авах боломжтой2021, 12 сар 23. 13:17Мэдээлэл солилцох үйл явцыг цахим хэлбэрт шилжүүлэх чиглэлээр хамтран ажиллах гэрээнд гарын үсэг зурлаа2021, 12 сар 23. 13:12Их Британид анх удаа 100,000 халдварын тохиолдол бүртгэгдлээ2021, 12 сар 23. 13:08Н.Түвшинбаярын шүүх хурал өнөөдөр болно2021, 12 сар 23. 12:55Ирэх сарын нэгний өдрөөс мөрдөгдөж эхлэх хуулиуд2021, 12 сар 23. 12:48Хог тээвэрлэлтийн компаниудад автомашин хүлээлгэн өглөө2021, 12 сар 23. 11:51
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019