"Гуанжу хотын эрүүл мэндийн аялал жуулчлалыг дэмжих төв" төлөөлөгчийн газраа нээлээ

Энэ талаар Төрийн эрүүл мэндийн бодлого эмнэлэг, аялал жуулчлалын хэлтсийн дарга Ким Нам Чоноос тодрууллаа. 

-Юуны өмнө Монгол Улсад төлөөлөгчийн газраа нээж байгаад баяр хүргэе. Заавал яагаад Монгол Улсыг сонгож төлөөлөгчийн газраа нээх болов. Энэ талаараа мэдээлэл өгөхгүй юу? 

-Гуанжу хот нь 1.500.000 хүн амтай. Сөүл, Бусан, Инчон хотуудын дараагаар улсдаа зургадугаарт ордог том хот бий. Энэ хотод маань жилд 3000 гаруй хүн ирж эмнэлгийн үйлчилгээ авдаг.

Тодруулбал, Монгол, Хятад, Узбекстанаас ирж ихэвчлэн эмчлүүлдэг. Тиймээс Монголд төлөөлөгчийн газраа нээж, өргөн цар хүрээтэй үйлчилгээ үзүүлье гэсэн зорилго тавин ажиллаж байна. Манай байгууллага гадаадад төлөөлөгчийн газартай ч Монголд анх удаа төлөөлөгчийн газрын нээлт хийж үзлээ. Монгол дахь төлөөлөгчийн газарт маркетинг, бизнес уулзалтууд хийгдэнэ. Мөн Гуанжу хотын эмнэлгийн дээд зэргийн тоног төхөөрөмжийг сурталчилна. Улмаар монголоос манай улсыг зорин эмчилгээ хийлгэх иргэдийг шаардлагатай бүх зүйлээр нь хангаж ажиллахын тулд үйлчилгээнийхээ цар хүрээг нэмэгдүүлж байна. 

-Эмчилгээ хийлгэх шаардлагатай иргэд хувиараа биш танайхыг заавал сонгож явахын давуу тал юу вэ? 

-Эмчилгээ хийлгэхээр явах гэж байгаа иргэдтэй бид эхэлж уулзаж ярилцана. Яг ямар эмчилгээ, үйлчилгээ авах гэж байгааг нь асууна. Солонгос руу эмчилгээ хийлгэхээр явахаас авахуулаад буцах хүртэл бүх зүйлийг нь хариуцаж, нэгдсэн үйлчилгээ үзүүлнэ. Оны эхээр бид дахин Монголд ирж, танилцуулга, тайлбар хийж ажиллах болно.

Өнгөрсөн гуравдугаар сард Гуанжу хотоос шүд эмчилдэг явуулын машин оруулж ирж, эмчилгээ тусламж үзүүлсэн. Мөн өнгөрсөн зургадугаар сард Солонгосын эрүүл мэндийн аялал жуулчлалыг монголд сурталчлах өдөрлөгт оролцсон.

Цаашдаа ч олон хамтын ажиллагаа хийнэ гэсэн зорилт тавин ажиллаж байна. Манай Гуанжу хот Сөүлээс дутахааргүй боловсон хүчин, тоног төхөөрөмж сайтай. Заавал Сөүл явахгүйгээр Гуаннж хотоос эмчилгээгээ авч болно. 

-Монголоос өөр улсад төлөөлөгчийн газар нээх үү? 

-Монголд төлөөлөгчийн газраа нээсэн. Ирэх аравдугаар сард ОХУ-д, 2019 онд Хятад, Узбекстанд төлөөлөгчийн газраа нээх бодолтой байгаа. 

Сонирхуулахад, "Гуанжу хотын эрүүл мэндийн аялал жуулчлалыг дэмжих төв" нь

• Гадаад иргэдийн хүрэлцэн ирэхээс эхлээд нутаг буцсаны дараах эмчилгээний дараах арчилгаа хүртэл ONE-STOP үйлчилгээг үзүүлэх
• Эрүүл мэндийн аялал жуулчлалд аман болон бичгэн орчуулгын үйлчилгээгээр хангах,
• Эрүүл мэндийн аялал жуулчлалыг дотоод ба гадаадад сурталчлах маркетингийг санаачлах 
• Эрүүл мэндийн аялал жуулчлалын мэргэжилтэнг бэлдэх сургах, Эрүүл мэндийн аялал жуулчлалын холбоог байгуулах
• Эрүүл мэндийн аялал жуулчлалыг сурталчлах сурталчилгааны  материал бэлтгэх, тараах, вэб хуудас ажиллуулах, мэдээ бэлдэх
• Оршин суун эмчлүүлэх
• WELLNESS аялал жуулчлалын шинэ багц гаргах болон гадаад дотоодын эрүүл мэндийн аялал жуулчлалын холбоо харилцааг байгуулах
• Гадаад өвчтөний эмчилгээтэй холбоотой маргааныг шийдэх зэрэг ажил юм. 

Б.Анир