Шуурхай мэдээ:
179898-179902-180005

Өмнөд Солонгос бүсгүйчүүд яагаад хүүхэдтэй болохыг хүсэхгүй байна вэ

8-р сарын 24 - 9 цаг 52 минут

Өмнөд Солонгост бүсгүйчүүд нөхөрт гарахгүй, хүүхэд төрүүлэхгүй, дотно харьцаанд орохгүй байх нь ихсэх болжээ. Энэ үзэгдлийг бүр “Сампогийн үе” гэж нэрлэдэг болсон байна. “Сампо” гэдэг үг нь дотно харьцаа, гэрлэлт, хүүхэд гэсэн 3 зүйлээс татгалзах гэсэн утгатай аж.

Өмнөд Солонгост төрөлтийн түвшин хамгийн бага байдаг бөгөөд нөхцөл байдал энэ чигээрээ үргэлжлэх аваас үндэстэн мөхөхийн ирмэг дээр ч тулж магадгүй юм. Урьдчилсан мэдээллээр, 50 гаруй сая хүн амтай Өмнөд Солонгосын хүн амын тоо 2065 он гэхэд 10 саяар буурч магадгүй аж. 

“Надад хүүхэдтэй болох төлөвлөгөө одоо ч, ирээдүйд ч алга. Хүүхэд төрүүлэхэд мэдрэгдэх тэр өвдөлтийг мэдэрмээргүй байна. Түүнчлэн ажил мэргэжлийн замналдаа ч саад учруулмааргүй байна. Би гэр бүлийн гишүүн баймааргүй байна. Хүсэл мөрөөдлөө биелүүлж, бие даан амьдармаар байна” гэж Өмнөд Солонгосын 24 настай оршин суугч  Чан Юн-ва ярьжээ.



Тэрбээр янз бүрийн вэб төслүүдэд зориулагдсан шог зураг зурдаг нэгэн аж. Өмнөд Солонгост хөдөлмөрийн зах зээл тун өрсөлдөөнтэй байдаг бөгөөд тэрбээр өнөөдрийн энэ амжилтанд хүрэхийн тулд ихээхэн хүчин чармайлт гаргажээ.

Ажил юмуу гэр бүлийн аль нэгийг  л сонгох боломжтой гэж үздэг нь Чан Юн-ва ганцаараа биш юм. Өмнөд Солонгост олон хүн түүнтэй ижил бодолтой явдаг ажээ.

Залуу бүсгүйчүүд жирэмсний амралтаа хэзээ ч авч магадгүй гэж ажил олгогчид болгоомжилдог учир Өмнөд Солонгост жирэмсэн эмэгтэйчүүд болон залуу бүсгүйчүүдийг ялгаварлан гадуурхахгүй байхыг заасан хөдөлмөрийн хууль байдаг аж. Гэсэн хэдий ч энэ хуулийг дагаж мөрддөггүй гэж үйлдвэрчний эвлэл ярьжээ.

Сөүл хотын оршин суугч Цой Мун-Чонын түүх ч үүнийг батлах аж. Хөл хүндтэй гэдгийг нь дуулсан дарга нь яаж хувирч, өөрчлөгдсөн нь бүсгүйг гайхшруулжээ.



“Хүүхэд амьдралын чинь хамгийн чухал хэсэг болж компанийн ажил хоёрдугаарт тавигдаж эхлэх учир чи ажлаа үргэлжлүүлж чадах уу?” гэж  дарга нь Мун-Чоноос удаа дараа асуужээ.

Тэр үед бүсгүй татварын нягтлан бодогчоор ажилладаг байсан бөгөөд ажлын ачаалал ихтэй үед дарга нь түүнийг ажлаар шахаж байжээ. Энэ талаар бүсгүй даргадаа гомдоллосон хэдий ч хариуд нь ажилдаа хангалттай цаг зарцуулж чадахгүй байна гэх хатуу үгсийг сонсдог болсон байна. Ажлын байранд үүссэн стрессээс үүдэн хүүхэд зулбаж болзошгүй шинж тэмдгүүд илэрснийг эмч нар Мун-Чонд хэлжээ. Эмнэлэгт нэг долоо хоногийг өнгөрүүлсэн Мун-Чон ажилдаа эргэн ороход дарга нь түүнийг халахын тулд байдаг бүхий л аргаа ашиглах гэж үзсэн байна. Иймэрхүү тохиолдол Өмнөд Солонгост гарах нь цөөнгүй байдаг аж.  
 


“Өмнөд Солонгос сүүлийн 50 жилийн хугацаанд хөгжиж буй улс орноос дэлхийн хамгийн тогтвортой эдийн засагтай улс болж чадсан юм. Гэсэн хэдий ч энэ өөрчлөлтөд эмэгтэйчүүдийн хүлээсэн үүргийг байнга дутуу үнэлдэг. Үйлдвэрийн ажилтнуудад хөдөлмөрийн хөлс бага олгодог байсан нь Өмнөд Солонгосын эдийн засаг амжилтад хүрэхэд ихээхэн нөлөөлсөн бөгөөд тэдгээр ажилтан нь голдуу эмэгтэйчүүд байсан юм. Гэр орны бүхий л ажлыг эмэгтэйчүүд хийж, эрчүүдэд ажилдаа явахаас өөр бодох зүйл байдаггүй байсан. Эмэгтэйчүүд ажилд  явсан ч хүүхдээ харж халамжлах үүрэг зөвхөн эмэгтэйчүүдэд ноогддог. Би өөрийгөө зөвхөн бусдад зориулахыг хүсдэггүй. Би өөрийнхөөрөө амьдарч байгаа” гэж Юн-ва ярьсан байна.

Өмнөд Солонгосын бүсгүйчүүдийн эрэгтэй хүнтэй уулзахыг хүсдэггүйн өөр нэг шалтгаан нь садар самууныг сурталчилсан бичлэгийн золиос болохвий гэсэн айдастай холбоотой гэнэ. Юн-вагийн ярьж байгаагаар энэ нь Солонгост түгээмэл дэлгэрсэн үзэгдэл аж. Түүнчлэн хоёр дахь том шалтгаан нь гэр бүлийн хүчирхийлэлд өртөхөөс болгоомжилдогтой нь холбоотой. Юн-Вагийн  хэлснээр, Өмнөд Солонгост эрчүүд эмэгтэйчүүдтэй яг л боол мэт харьцдаг гэжээ. Судалгаагаар эрчүүдийн 80 хувь нь охид, бүсгүйчүүдтэй харьцахдаа  түрэмгий зан авир гаргадгаа хүлээн зөвшөөрчээ.
 
Тус улсад төрөлтийн түвшин бага байдаг нь гайхах зүйл биш юм. Өнөөдрийн байдлаар 1000 хүн тутамд ногдох гэрлэлтийн тоо 5,5 байгаа нь бүх цаг үеийн хамгийн доогуур үзүүлэлт юм. Энэ мэтчилэн өөр хэд хэдэн хүчин зүйл нь тэднийг ийм шийдвэр гаргахад нөлөөлдөг аж.
 
Хэзээ нэгэн цагт хүнтэй сууж, хүүхэд төрүүлэхийг үгүйсгэхгүй хэдий ч энэ бүхнийг амьдралын зорилгоо болгохгүй гэж Юн-ва үздэг аж.

Харин ахмад үеийнхэн энэ асуудлыг өөрөөр хардаг байна. Төрөлтийн түвшин бага байгаа нь ахмад үеийнхний сэтгэлийг түгшээдгээс гадна Юн-ва шиг залуу бүсгүйчүүдийг тэд хувиа хичээгчид гэж үздэг байна.

 

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Шүүгч Х.Идэр, Д.Отгонбаатар нарыг огцруулж, З.Болдбаатарын цалинг бууруулах шийтгэл оногдууллаа1 сар 23. 14:12Хойд Солонгосын хакерууд 400 сая ам.долларын криптовалют хулгайлжээ1 сар 15. 19:56Хойд Солонгосоос Япон тэнгис рүү баллистик пуужин харвав1 сар 15. 19:45Н.Түвшинбаярын цагдан хорих хугацааг нэг сараар сунгажээ1 сар 14. 17:09МУ-ын өсөх идэр, өрнөн дэлгэрэх Начин Э.Энхбатыг сүүлчийн замд нь үдлээ2021, 12 сар 31. 14:20Төрсөн хүү нь 83-тай ээжийгээ зодсоор хөнөөжээ2021, 12 сар 30. 18:24Усанд автсан айл өрхүүдийг нүүлгэж эхэлжээ2021, 12 сар 30. 18:08АНУ-Хятадын сөргөлдөөн сансар огторгуй хүртэл хүрээгээ тэллээ2021, 12 сар 30. 16:162021 ОН: ДЭЛХИЙ ДАХИНД БОЛСОН ОНЦЛОХ 10 ҮЙЛ ЯВДАЛ2021, 12 сар 26. 18:04Хүнд гэмтэл авч эмчлүүлж байсан улсын начин Э.Энхбат таалал төгсчээ2021, 12 сар 25. 9:53Э.Цэндбаатар Оросын тамирчинг ялж, Азийн аварга боллоо2021, 12 сар 25. 9:47Ахмадууд хоногийн хоолондоо хүрэхгүй тэтгэврээр амьдарч байна2021, 12 сар 25. 9:35#МАШ_НОЦТОЙ: ХЯТАДУУД МАНАЙ 200 КМ ХИЛИЙН ТОРЫГ ТАСАЛЖЭЭ.2021, 12 сар 24. 15:51Айл өрхийн цахилгааны төлбөрийг төрөөс дахин 6 сар төлөхөөр боллоо2021, 12 сар 24. 15:29“Хотулун гүнж-Алтан судрын эрэлд” киноны трэйлер цацагдлаа2021, 12 сар 23. 22:53АТГ-ын мөрдөгчид хилээр 20 кг алт оруулсан гэх мэдээллийн мөрөөр2021, 12 сар 23. 19:21Тэтгэвэрийн тогтолцоогоо өөрчлөхгүйгээр косметик хагалгаа хийгээд нэмэргүй2021, 12 сар 23. 17:58SISC койн: Крипто, FOREX арилжаа, START-UP бизнесийн шилдэг төслүүдэд хөрөнгө оруулж давхар ногдол ашиг хүртмээр байна уу?2021, 12 сар 23. 17:40sdfsdf2021, 12 сар 23. 15:00“Дэлхийн мисс -2021” тэмцээнд эх орноо төлөөлөн оролцох А.Бөртэ-Үжингийн танилцуулга видео цацагдлаа2021, 12 сар 23. 13:45Үндэсний хөрөнгө оруулалтын банк өр төлбөрөө бүрэн барагдуулсан2021, 12 сар 23. 13:42Б.Чулуудай: Миний аав ямар ч хэрэг хийгээгүй2021, 12 сар 23. 13:38Хувь хүний мөнгөний удирдлагын аргуудаас2021, 12 сар 23. 13:33Чанаргүй зээл өмнөх сараас 39 тэрбумаар нэмэгджээ2021, 12 сар 23. 13:27ЗГ-аас олгосон 300 мянган төгрөг, вакцины 50 мянган төгрөгийн урамшууллаа аваагүй иргэд нөхөж авах боломжтой2021, 12 сар 23. 13:17Мэдээлэл солилцох үйл явцыг цахим хэлбэрт шилжүүлэх чиглэлээр хамтран ажиллах гэрээнд гарын үсэг зурлаа2021, 12 сар 23. 13:12Их Британид анх удаа 100,000 халдварын тохиолдол бүртгэгдлээ2021, 12 сар 23. 13:08Н.Түвшинбаярын шүүх хурал өнөөдөр болно2021, 12 сар 23. 12:55Ирэх сарын нэгний өдрөөс мөрдөгдөж эхлэх хуулиуд2021, 12 сар 23. 12:48Хог тээвэрлэлтийн компаниудад автомашин хүлээлгэн өглөө2021, 12 сар 23. 11:51
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019