Шүүхийн ерөнхий зөвлөл, Хууль зүйн үндэсний хүрээлэнтэй хамтран “Шүүхийн захиргааны ажилтан бэлтгэх” сургалтыг 3 дахь удаагаа зохион байгуулах гэж байна. Шүүхийн захиргааны ажилтны мэдлэг чадварыг дээшлүүлэх, чадварлаг боловсон хүчнээр шүүхийн хүний нөөцийг бүрдүүлэх бодлогын хүрээнд шүүн таслах ажиллагаанд дэмжлэг үзүүлэх чиг үүргийг хэрэгжүүлэх суурь мэдлэг, чадвартай шүүхийн захиргааны ажилтан бэлтгэх зорилгоор энэхүү сургалтыг зохион байгуулдаг.
Хууль зүйн их, дээд сургуулийг 3.0-с дээш голч дүнтэй төгссөн. Эрх зүйч мэргэжилтэй. Шүүхийн захиргааны байгууллагад ажиллах хүсэл эрмэлзэлтэй хүмүүсийг “Шүүхийн захиргааны ажилтан бэлтгэх” сургалтад бүртгэж байна.
Бүрдүүлэх материал:
- Иргэний үнэмлэх, хуулбарын хамт
- Сургууль төгссөн диплом, хуулбарын хамт
- Сургалтын төлбөр 230.000 төгрөгийг Хууль зүйн үндэсний хүрээлэнгийн Төр сан 900012009 тоот дансанд тушаасан баримт
Бүртгэл:
Сургалтад оролцох хүсэлтэй эрх зүйчдийг 2018.08.08-аас 2018.08.22 өдрийг дуустал хугацаанд ажлын өдрүүдэд 09:00-17:00 цагийн хооронд Хууль зүйн үндэсний хүрээлэнгийн 205 тоотод бүртгэж байна. Сургалтад оролцогчдын тоо хязгаартай бөгөөд эхний ээлжид бүртгүүлсэн 50 хүнийг сургалтад оролцуулна. Сургалтад оролцогчдын тоо бүрдсэн тохиолдолд бүртгэлийг зогсооно.
Хууль зүйн болон шүүн таслах ажиллагааны өндөр мэргэшилтэй шүүгч, шүүхийн захиргааны ажилтан, багш, судлаачид “Шүүхийн захиргааны ажилтан бэлтгэх” сургалтыг удирдан явуулдаг бөгөөд амжилттай төгсөгчдөд “Шүүхийн захиргааны мэргэшсэн ажилтан” гэрчилгээг олгох юм.
Жич: Сургалттай холбоотой дэлгэрэнгүй мэдээллийг 312825, 267697, 88100859, 99025052 дугаараас авна уу.
Сэтгэгдэл бичих хэсэг