Шуурхай мэдээ:
179898-179902-180005

IELTS-ийн бичих хэсэгт хэрхэн өндөр оноо авах вэ?

4-р сарын 11 - 15 цаг 53 минут

Бид та бүхэнд IELTS-ийн шалгалтад хэрхэн бэлдэх талаар цуврал нийтлэл хүргэж байгаа билээ. Өмнө нь:

Энэ удаагийн нийтлэлээрээ IELTS-ийн бичих хэсэгт хэрхэн өндөр оноо авах хийгээд юуг анхаарвал зохих тухай мэдээлэл хүргэж байна.

IELTS-ийн бичих хэсэг хоёр хэсгээс бүрдэх бөгөөд эхний хэсэгт хүснэгт, график, диаграмм болон зураг гэх мэт янз бүрийн загвар бүхий мэдээллийг дүрслэн бичих даалгавар өгдөг. Энэ хэсэгт өөрийн үзэл бодол, санааг тусгаж болохгүй бөгөөд зөвхөн тухайн өгөгдөлд буй гол тоон үзүүлэлт, болж буй процессыг дэс дарааллын дагуу 150-аас багагүй үгэнд багтаан бичих ёстой. Хоёрдугаар хэсэгт 250-аас дээш үгтэй эссэ бичих шаардлагатай. Энэ хэсэгт эссэний асуултаас шалтгаалж (эссэний төрлөөс) шалтгаалж зарим тохиолдолд өөрийн үзэл бодлыг илэрхийлж болдог.

Шалгагч таны эссэний агуулга, баримт зэргийг зөв, бурууг шалгахгүй. Харин англи хэлээр хэрхэн оновчтой, сайн бичсэн эсэхийг шалгана. Гол нь сэдвийн дагуу асуултад зөв хариулах л чухал юм. Асуултыг сайтар уншиж, таниас шаардаж буй бүх мэдээллийг эссэндээ тусгаж өгсөн эсэхийг шалгаарай.

Хэсэгт тус бүрт үгийн тоог заавал 150 болон 250-д хүргэх ёстой бөгөөд үгийн тоонд хүрэхгүй бол оноо хасуулдаг. Гэвч шалгалтын үеэр эссэний үгийг тоолох нь цаг авдаг тул шалгалтад бэлдэж байхдаа үгийн тоог баримжаагаар тоолж сурах хэрэгтэй. Түүнчлэн шалгагчид нэг эссэг бүрэн унших стандарт хугацаа байдаг тул хэт урт эссэ бичвэл бүрэн уншиж амжихгүй байх магадлалтай. Иймд ихдээ эхний хэсгийг 200, хоёр дахь хэсгийг 300 үгээс хэтрүүлэхгүй байхаар бичиж сураарай.

Мөн эссэг гараар бичих тул аль болох ганц уншилтаар ойлгохуйц, цэвэрхэн бөгөөд гаргацтай бичих нь хамгийн чухал. Уншихад хэцүү, гаргац муутай бичсэн бол мөн адил оноо хасуулж болно. Бэлтгэлийн үеэр гараар бичсэн эссэгээ бусдад уншуулж ойлгомжтой байгаа эсэхийг лавлаж асуугаарай.  

Эссэгээ гурав эсвэл дөрвөн цогцолборт хувааж оршил, гол хэсэг, дүгнэлт гэсэн бүтэцтэй бичвэл тохиромжтой. Өөрийн дэвшүүлж буй үндсэн санаагаа 2-3 дэд санаагаар баяжуулж, тус бүрийг цогцолбор болгон хувааж бичвэл оновчтой. Цогцолбор бүрт гол санааг дэмжих нэг л дэд санааг баяжуулж бичих ёстой ба эхний өгүүлбэрт дэвшүүлж буй санаагаа дурдаад дараагийн өгүүлбэрт жишээ баримтаар баталгаажуулна. Санаагаа заавал жишээ, баримтаар баяжуулж байж оноогоо гүйцэд авна гэдгийг санаарай. Мөн өндөр оноо авахын тулд хэт урт, ойлгомжгүй өгүүлбэр бичихээс зайлсхий. Өгүүлбэр урт байх тусам таны гаргаж буй санаа уялдаа муутай, дүрмийн алдаа ихтэй байх эрсдэлтэй.

Эссэний оршил хэсгийг бичихдээ хэзээ ч асуултад буй үгсийг шууд хуулж болохгүй. Үүний орон “paraphrase” буюу өөрийнхөөрөө дахин найруулж бичих шаардлагатай. Эхний хэсэгт зураг, хүснэгт, графикт буй мэдээллийг дүрсэлж бичихдээ өөрийн үзэл бодол, учир шалтгааныг тусгаж болохгүй. Зөвхөн өгөгдсөн мэдээллийг л үнэн бодитоор тайлбарлаж бичих хэрэгтэй.

Хоёр дахь эссэгээ бичихээс өмнө юу бичиж болохыг богино хугацаанд төлөвлөж, дэвшүүлэх санаа, түлхүүр үгээ гаргах нь хамгийн чухал. Ингээд тухайн түлхүүр санааны хүрээнд цогцолбор бүрээр хуваан найруулга сайтай, хоорондоо уялдаа холбоотой бичвэл зохино. Таны дэвшүүлж буй санааг бататгах жишээ, баримт байх ёстойг ямагт санагтун. Хоёрдугаар хэсгийн эссэг 40 минутанд багтаан бичих ёстой тул эхний 5 минутад эссэнийхээ төлөвлөгөө гаргах, 30 минутад эссэгээ бичих, сүүлийн 5 минутад алдаагаа шалгах болон хянахад зарцуулна гэж тооцох нь зүйтэй.

Ямар ч хүн таны эссэг уншихад ойлгомжтой, цэгцтэй байхаар бичиж сурах нь чухал. Өөрөөр хэлбэл эхлэл, төгсгөлтэй, гол санаа нь энэ юм байна гэж мэдэгдэхээр, дэвшүүлсэн санаа бүр нь жишээ, нотолгоотой байх ёстой юм. Түүнчлэн цогцолбор бүр хоорондоо логиктой, дэс дараалалтай байх хэрэгтэйг санаарай.  Ингэхийн тулд холбоос үг, эхлэл төгсгөл хийх өвөрмөц хэллэгүүдийг цээжилж, эссэндээ ашиглаж сураарай. Мөн зарим нэг хэлц, ахисан түвшний үгсийг зориуд ашиглах нь өндөр оноо авахад нөлөөтэй.

Албан бус хэллэг, ярианы хэлбэрээс аль болох зайлсхийж, академик түвшинд найруулж бичиж байж 7-оос дээш оноо авах боломж бүрдэнэ. Шалгалтад өндөр оноо авсан сайхан эссэ нь ганц уншихад л бүрэн ойлгохуйц, дүрмийн болоод утгын алдаагүй байдаг.

Сайн эссэ бичиж сурахын тулд:

  • Өдөр алгасалгүй тогтмол бичиж, хэрэгтэй үг, хэллэгүүдийг цээжилж, хэрэглээндээ ашиглах
  • Эссэгээ туршлагатай хүмүүсээр шалгуулж үнэлэлт дүгнэлт авах
  • Бусад хүмүүсийн сайн бичсэн эссэг уншиж бүтэц, хэлбэрийг судлах, дуурайж бичих
  • Өндөр оноо авсан эссэнүүдийг унших
  • Бичсэн эссэгээ засаж, дахин сайжруулж бичих зэргээр урт хугацаанд тууштай дадлага хийснээр үр дүнд хүрнэ. 

Эцэст нь дээрх санааг хураангуйлан хэлэхэд, сул үгнээс зайлсхийж, ахисан түвшний үг, хэлц үгсийг оролцуулан бичих, эхлэл төгсгөлөө оновчтой гаргах, найруулга сайтай байх, дэвшүүлж буй санаагаа логик дэс дараалалтай, жишээ баримтаар баталгаажуулан бичиж чадвал 7.5 болон түүнээс дээш оноо таны гарт ирэх болно. IELTS-ийн шалгалтад өндөр оноо авах нь таны хэрхэн системтэй бэлтгэл хийснээс бүрэн шалтгаална гэдгийг бүү мартаарай

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд LiveNews.mn хариуцлага хүлээхгүй.

Сэтгэгдэл бичих хэсэг

Шинэ мэдээ

Сайжруулсан шахмал түлшийг хэрхэн зөв хэрэглэх талаарх зөвлөмжийг хүргэж байна2 сар 21. 23:50Нийслэл хотын эрх зүйн байдлын тухай хуулийн шинэчилсэн найруулгын төслийг танилцуулав2 сар 21. 23:47Хан-Уул дүүргийн иргэд “Нэг хаалга-Нэг шинжилгээ”-нд идэвхтэй хамрагдаж байна2 сар 21. 23:45Халдварын идэвх өндөртэй хэсгүүд дээр дахин тандалт шинжилгээ хийх шаардлагатай2 сар 21. 23:39Туул гол дээр үүссэн нөхцөл байдалд арга хэмжээ авч ажиллав2 сар 21. 23:36НАОМИ ОСАКА АВСТРАЛИЙН НЭЭЛТТЭЙ ТЭМЦЭЭНД ЯЛАГЧ БОЛЛОО2 сар 21. 23:337-Р САРЫН СҮҮЛЧ ГЭХЭД АМЕРИК ХҮН БҮР COVID-19-ИЙН ЭСРЭГ ВАКЦИНД ХАМРАГДАХ БОЛОМЖТОЙ2 сар 21. 23:23Ким Кардашьян нөхөр Канье Уэстээс салах өргөдлөө өгчээ2 сар 21. 23:21Ойрын өдрүүдэд ихэнх нутгаар салхи шуургатай байхыг анхааруулж байна2 сар 21. 23:17Ковид бидний амьдралыг өөрчилсөн 6 жишээ2 сар 21. 23:12Ерөнхийлөгч Х.Баттулга УИХ-ын гишүүдэд албан бичиг илгээжээ2 сар 21. 23:09Дараах таван чиглэлийн үйл ажиллагаа нээгдэхгүй2 сар 21. 23:04А.Амбасэлмаа: Халдварт өртсөн нярайн биеийн байдал сайжирч байгаа2 сар 21. 23:02Эрүүл амьдрах есөн чухал зөвлөмж2 сар 21. 22:55БУСДЫГ ХУТГАТАЙГААР ЗАНАЛХИЙЛСЭН ИХРҮҮД БАГААСАА ХӨӨГДЖЭЭ2 сар 21. 22:49НАРО БАНЧЭН ГЭГЭЭНТЭН БУЮУ Б.ЦЭДЭН-ИШИЙН ТУХАЙ 13 БАРИМТ2 сар 21. 22:46Нийслэлийн сургууль, цэцэрлэгийн үйл ажиллагааг эрсдлийн үнэлгээ хийж, хэзээ нээх эсэхийг шийднэ2 сар 21. 22:43Баянзүрх дүүргийн иргэдийн өгөх БАЙРШИЛ2 сар 21. 22:41Халдвар тархах магадлалтай идэвхтэй хороодыг танилцууллаа2 сар 21. 22:37"Нэг хаалга-Нэг шинжилгээ"-нээс нийт 78 тохиолдол илэрчээ2 сар 21. 22:35Д.Сумъяабазар: Дэглэм зөрчиж, халдвар тархах нөхцөл үүсгэсэн ААН-үүдийн үйл ажиллагааг зогсооно2 сар 21. 22:29Цахим картыг 266 цэгт цэнэглэж байна2 сар 4. 16:07Болзолт уралдаанд шалгарсан 20 СӨХ-г Улаанбаатар хотын ЗАА дэмжиж ажиллана2 сар 4. 16:04Уур амьсгалын өөрчлөлт, хүлэмжийн хийн ялгарал2020, 12 сар 28. 14:14Уур амьсгалын өөрчлөлт ба температур, хур тунадас2020, 12 сар 23. 15:53Улаанбаатар хотын Ерөнхий менежерийн ээлжит бус шуурхай хурал боллоо2020, 12 сар 18. 16:05Азийн хөгжлийн банкны суурин төлөөлөгч Павит Рамачандраг хүлээн авч уулзав2020, 12 сар 18. 16:03УОК-ын журмын сунгасан хугацаа дууслаа2020, 12 сар 18. 16:02Уур амьсгалын өөрчлөлт ба хүний эрүүл мэнд2020, 3 сар 30. 8:48Хятад улсын хүлэмжийн хийн ялгарал "Корона" вирусаас улбаалан түр хугацаанд 25%-иар буурчээ2020, 3 сар 2. 10:40
99029827, 99703993

info@livenews.mn
© Зохиогчийн эрх хуулиар хамгаалагдсан. LiveNews.MN 2019